1 Peterus 1:12 - ALA WENE HIVIS DIRUP WATUGWA

¹² Ogagusigik, At Ala en it navi-navi ako yugirigya dugwit, “Wene yi andi, hit henake yiluk yukheraligadek o. Wene yi andi, it hivis endaklendagwi menda enake-at yukheraliga,” yiluk, sigam erogo yugirigya lagagimu, wene andi yugu lagagwa. Wene andi, hivis Ala Averiniki mbogot vaga en lakba wagya lagagimu, ap enendawima nunggwigya lagagirik, yogak Sek Wene Yesus Keretus avok wene ako yukheragagwa. Wene andi, it malaikat ogo dibaup hogop ombasagwi ovara, nit nenake yiluk yugurugu lagagwa helagwi.

1 Peterus 1:12 Iomraidhean Croise

Matius 11:25

O andi hudi Yesus en At Asin Ala yugugu dugwit, “Wen-mbogot andok Hat Nasin wa yukhisiga. Hat ogarup yi ako, it ap enendawi werek inim, enendawi anggat inim, inilup agu saoen, hwilakbaluk, avyak maridugi swi endago ovagak sigam erogo yugeragagin atma wa.

Matius 11:27

Yugugu lagagirik, ambi inim avakwa yugirigya dugwit, “An Nasin en yi menda ndi menda ovok erogo An nandok dogopwak yiluk, woknogogi. At Ala Abut andi, it avakwa inunggut Nasin adigat ilup agarik. Eke, An Nasin andi, At Abut An nadigat nilup agirik. Eke, Abut Anen it avakwa Nasin inilup arupwak yiluk, sigam vagalogo yugeraup imbita neyalok, it ogo, inilup asagwi.”

Matius 16:17

Yugugu lagagimu, Yesus en, “Yunus abut Simon naswe wa. Wene andi avakwa en yukhigitek. Ata, An Nasin mbogot vaga menda enat yukhigarikmu, hendawi adenggenat imbita dogwen.

Markus 16:15

Enanggadi watya lagagirik, it ako yugirigya dugwit, “Hit yi awi ndi awi lagu dogomundik, it yi avakwa ndi avakwa ininis unggul adik-adik ovok erogo Sek Wene yugeregek nagu dogop.

Lukas 15:10

Andi ndatak ap weyak ogasiga menda ambiat en weyak ogagya lagagi ako asam higya dugwit, mbobagya halok, it Ala yonggo lakbisa wandiga menda malaikat akoen enendawi adenggen umbutu dogosogom, yiluk, yukheraliga o,” yugeragagi.

Lukas 2:26

Averiniki at ovaga dugwit, Nenasin Ala en denogo mondok okbagagi Keretus ako, il hegetek hegek hambisogonbuk ilup okbagagirikmu,

Lukas 9:6

Yugirigya lagagimu, lakbogogi ako lagu lagagwarik, yi awi ndi awi lagu dugwit, Sek Wene yugurugwi, avakwa sek okbugwis, ogarit nagu lagagwa.

Yohanes 15:26

“Hit yonggat-hinipu dogopwak yiluk Ala Averiniki avyarat wene Ala avok yukheraliga menda Anen Nasin werekma en hit henadema lakba wagya dogomindik, An navok vagalogo yukhirigya dogosogon.

Lakbogogi Wene 10:44

At Peterus ao anderogo yugirigya hegek, it wene hunggugwa menda ako ovok erogo Averiniki enovaga wambu wagagi.

Lakbogogi Wene 16:10

Higya lagagirik, “Ala en nit Sek Wene ap Makedonia menda yugeregek laguluk, ninayonggo bagas higyo,” yiluk, nit mbikit laguluk vipuk ogagagup.

Lakbogogi Wene 2:33

Ala en iluk erogo mendok okbagya lagagirik, inggis amotkan dogopwak yiluk, siyabagagirikmu, Asin en, ‘Averiniki wokherayogon o,’ yiluk, yagagi ako wigya lagagirik, woknera wagagi yi vaga nit ogasagwi hinil ninugwis, yugwi henaruk hunggwis, ogasagwi o.

Lakbogogi Wene 4:31

Samban ogagu lagagwama, o it werekma ako wadok iri dugwit, Ala Averiniki it ovok erogo enendawima des iri lagagimu, inugutek dugwit, Ala wene yugeregek nagu lagagwa.

Lakbogogi Wene 4:8

Enaigwakma wugu lagagwama, Ala Averiniki Peterus endawima des iri lagagirik, aren yugirigya dugwit, “Hit avakwa Yakuri enasini inim, ap ombok-ombok inim, wene ambi yukheraliga.

Lakbogogi Wene 8:25

It Peterus Yohanes akoen, Nenowa Inis Ombok Ala en denogo bagagi Yesus ako vagalogo yugurugwi, Ala wene yugurugwi, ogagu lagagwarik, enamwa Yerusalem eneyami vaga wagu dugwit, o Samaria asoragoma wisane akoma Sek Wene yugeregek ya nonggegek nda nonggegek wagagwa.

Oroma 1:15

Anderogo atma, hit o Oroma menda ogo, anen Wene Sek menda ako wolok, hodorogo yukhera warup hogop ombasiga.

Oroma 1:17

Ala wene dirup warek ambi: “It avakwa enendawi An segat isaliga ako andi, An novaga vanggabaluk avyarat nombasagwi andi vaga, iniluk-at dogosogom o,” yagagi dirup warek ako wane-wane, Ala en nggarogonggan en avakwa segat yiluk woginivisiga ako, Sek Wene andi vaga-at ninilup asiga. Ala en avakwa sek yiluk woginivisiga ako andi, avyarat ombasagwi andi vaga adigat.

Oroma 15:19

Ala Averiniki en nanye okbaninggya hegek, inilup arup enalon werek menda ogagya, nggarogo ogarubuk menda ogagya, ogarit lagya lagagis ako, andi adigat mbilinogo yukheraliga. Anderogo ogarit lagya dugwit, Yerusalem avilis ambot andoma en Ilirikum hudi Sek Wene Keretus avok ako ovok erogo yugeregek lagya lagagis.

1 Korindus 2:10

Dirup warek ako wane-wane, At Ala en At agose mbauk hwilago welagagi ako, nit sigam haguluk, At Ala Averiniki yugugu hegek, nit yukneragagi. At Ala Averiniki akoen yi wene ndi wene adem ovok erogo dibaliga atma, dibagya dugwit, Ala agose endawima hwilago agarik menda inimat dibaluk, yukneraliga.

2 Korindus 1:22

eke nit At aburi denek yedok ninigu dogopwak yiluk, Ala Averiniki nenendawima mabininggigi. Aren “Hivis okhinivisogon,” nggatuk erogo yagagi ako, “Hivis avyarat okninivisogon,” ombaruguluk, Ala Averiniki nenendawima mabininggigi.

2 Korindus 6:6

Anderogo okninipu hegek, nit nenendawi mondok sek vaga yukhirugwi, wene nit ninilup akoat hit hinilup okbugugwis, nenendawi sagain dugwit henabwa en sek okbugugwis, ogasagwi. At Ala Averiniki nenendawima dugwit, nenanggon embetetek avakwa avyarat nenendawi sek hunik okbigik nelagwi.

Nggalatia 1:12

An yukheraliga yi ako andi, avakwa enane menda wegetek. Eke, it ap adik en mamulnogogwa vaga yagaligadek. Ata, At Ala en wene Yesus Keretus avok ako sigam erogo yuknugu lagagimu, yugeregek naliga.

Nggalatia 1:16

it avakwa weram Yakuri dek menda an Sek Wene yugeregek lagya dogogiluk, At Abut Yesus nadema sigam ari warup endawi sek nimbita lagagirik, nadema sigam ari wagagi. Nadema sigam agya lagagimu, “Yi nggarogo yiluk yuknigas?” it avakwa adik ambien wene mbilape yuknirupwak yiluk, enadema yugeralagatek.

Evesus 3:10

Eke, agose wene hwilakbaluk welagagi ako andi, nit Ala aburi yi awi ndi awi homasagwi akoen, wene andi wokbaluk ogarit lendagwi vaga, it mbogot vaga agarwik malaikat inim, it enagayuk werek o ilim yenam agarwik menda inim, it ovok en, “Ala endawi mondok werek dugwit, yi wene ndi wene hologo yukneraliga akoat higyo,” yiluk, yogak inilup arupwak yiluk, hwilakbaluk welagagi.

1 Tesalonika 2:9

Ai, nowa-nasin. Nit ogarit adigat lagu dugwit, nenanyedek erogo bininggigi ako andi, henape wenggeles. Sek wene Ala en yukneragagi ako yukhirugu dugwit, “Hit ambi anggin henovaga bugugu saoen,” umbutu dugwit, niren hit henadema ambi nggino yukheregetek, ata, o hup-dingga nenadik neneyavup okhedegek nagu lagagup.

1 Timotius 3:16

Ala wene wokbaluk nenendawi eve vaga ogarit lagu dogop wene mbauk hwilago welagagi ako mondok iya aro. Andi, “At ap-at ari wagya lagagimu, ‘Yi Ala abut,’ ombarupwak yiluk, Averiniki en sigam okbagagi. Sigam okbagya lagagimu, it malaikat en At eyave inil hugwi, At awene it weram Yakuri dek menda werekma yugeregek lagwi, It ap yi awi ndi awi ‘Yesus Ala abut avyarat ai,’ umbutwi, ogagu lagagwama, o segedokma abinak adigat agarikmu wolok inggigi o,” yiluk, yagalagwi menda ako mondok avyarat higyo.

Iberani 11:13

It ap andi ovok erogo, “Wokherayogon o,” avok yugeragagi wene ako, agur-agut ovagak o adumu andoma en wagya inil hugu lagagwarik, “Ako yiat okbinina wagya helagwi o,” yiluk, enendawi sek umbutu dugwit, “Nit ap o wen vaga yoma nenawerek agurikbuk. Ap huru ovagak agurik o,” yiluk, wene yugeragagi ako eyave des erogo wegetek ovara, “Avyarat woknerayogon o,” yiluk, enendawi avyarat umbutugwa andi vaga, eyave wogogwa ovagak dugwit, hambugu lagagwa.

Iberani 2:4

Wene andi yuknirugusigik, “Wene yi avyarat o,” yiluk, waguluk Ala en enalon werek menda ogagya, nggarogo ogarubuk menda ogagya, avyarat yedok hapwak yiluk ogagya, ogarit lagya dugwit, nit nenadigetap ogagu dogoguluk, At Ala endawi imbitigi ako wane-wane Averiniki en nenandok okbininggigi.

Iberani 4:2

Sek wene ako o endak nenombawi yugeragagwa ako hak, nit ogo wane-wane Sek Wene yukneragagwa ovara, it wene yugeragagwa hunggugwa ako andi, enendawi avyarat embetetek dugwit wegetek atma, wene andi vaga ambi sek okhedegetek un enam warogo enaruk hunggugwa.

1 Peterus 1:25

Nit avakwa neneyave anderogo hak ovara, Nenasin ane andi, mondok itok agarik o,” yiluk, Ala wene endak dirup warek ako, Sek Wene yukheragagup yi aro.

1 Peterus 4:6

Anderogo atma, it avakwa hombagagwa menda ako, Ala en avakwa ovok erogo enowak dilisogon hak, it ogo enowak dilisogon ovara, At Ala iluk agarik hak, it wane-wane enanggela mondok-mondok iniluk dogopwak yiluk, Sek Wene yugeralagagi.

Wahyu 5:11

Ndawi watwis ako inugu dugwit, it malaikat eneyave wisane nit nininggis dinggilup ogo mondok meyan andi ndatak inigis. It malaikat akoen, wene yugeraligama kursi sek ako inim, it avakwa en iniselagwidek menda eneyave ako inim, it mbogot vaga agarwik enanggok ap ombok-ombok ako inim, ilim inigik, malaikat akoen walinogo enane ombok homago ndawi watao. Ndawi eyave watao andi yerogo: