1 Peterus 1:1 - ALA WENE HIVIS DIRUP WATUGWA

¹ Hit Ala en mikhinipigi o Pondus inim, Nggalatia inim, Kapadokia inim, Asia inim, Mbitinia inim, hit o Propinsi ovok erogo andoma yi awi ndi awi sak yagan lagagup ap huru ovagak agipik ako, At Yesus Keretus ayonggo lakbigik menda okbaninggigi an Peterus akoen wene ambi yukherayogon o.

1 Peterus 1:1 Iomraidhean Croise

Matius 10:2

It ap 12 menda lakbogogi ako ininis yiat: ap endak inis andi, ap Simon inis ambi Peterus salek ako inim, at aot Andereas inim, ap Sevedius aburi Yakobus aot Yohanes inim,

Matius 24:22

Anggin-mbanggin enovaga bisaup ari wagya halok andi, anggin-mbanggin ako Ala en hudi balipuk en ap enagap mondok wendaklaklipuk ovara, avakwa enogo bogogi ako enake hudi bagwi.”

Matius 4:18

At Yesus is yanggadek Galilea omban vaga lagya dugwit, ap owa-aot Simon inis ambi Peterus salek ako, aot Andereas iperen ikan wasagwi menda atma, ikan waruguluk yum yarin ima wombabagusim il enogogi.

Lukas 18:7

Anderogo ndatak Ala en At aburi miginipigi ako enane hup-dingga At yuguguselok, enowak dilogo enawene nggatuk erogo mbalisogon dek embetep? Dukluk heveretmbo, ndogovitmbo, adigat wolok lagya dugwit, enawene mbalup embetep?

Yohanes 11:52

Avakwa Iserali menda enake adigat andi dek. Ata, it ap Ala aburi yi awi ndi awi sak yagagwa menda agarwik ako homakbugu dogomindik enendawi ambiat dambulik dogop enake hambup atma yiluk, yugeragagi.

Yohanes 7:35

Yugirigya lagagimu, it Yakuri enasini inim wene mbanggu dugwit, “At nggoma layogon ako, nit At belalup meyan yiluk yukneraliga embetep? It Yakuri menda ap Yunani enanggelekma sak yagan lagagwa o weram agarwik ako inisa lagya dogomindik, inim dugwit, it ap Yunani menda mamulirigya dogosogon imbita dugwit, yagaliga embetep?

Lakbogogi Wene 18:2

Korindus lagya lagagirik, andoma dugwit, ap Yakuri menda ambi o Pondus endaklagagi inis Akwila, eke, ogwa inis Pirikila iperen inim avuk agagwa. Ap inis ombok Kaisar Kolaudius en, “It Yakuri menda o Oroma yoma dogobuk,” yiluk, wene yugeragagi vaga, ap andi ogwaim ao swiat o Italia hekbaluk, o Korindus wagagwa. Wagu lagagwarik, andoma inigik, Paulus biginisa lagagi.

Lakbogogi Wene 18:23

Andoma ndugwis wisane welagagirik, hivis o andoma hekbaluk, yi awi ndi awi o Nggalatia, o Virigia inim, yanonggegek lagya dugwit, Yesus ane wogogwa menda ako enendawi wadokdek dogopwak yiluk, yugeregek lagya lagagi.

Lakbogogi Wene 19:10

Ala wene yugirigya hegek, tahun mberen ogagagirikmu, it Yakuri menda inim, it Yunani menda inim, o Asia welagagwa ako ovok erogo Nenowa Yesus wene enaruk hunggu lagagwa.

Lakbogogi Wene 6:9

Ogarit lagya hegek ovara, it Yakuri samban ogasagwima ambi inis Heda Visilogo Bogogirikmu sanggugwarikmu akoma, it Yakuri menda o Kirene en, Alesandiria en, Kilikia en, Asia en, akoma homagu lagagwa. Ndugwis ambi vaga homari wagu lagagwarik, Sepanus inim wene watugwa.

Lakbogogi Wene 8:4

It Ala aburi hoda sak yagan lagagwa akoen, yi awi ndi awi andoma Sek Wene yugeregek nagu lagagwa.

1 Korindus 16:19

It Ala aburi o Asia homasagwi menda akoen hit hai wakhinipao. Ap Akwila ogwa Pirikila iperen inim, it Ala aburi enamwa homarisagwi menda inim, it hinim enendawi hunik wisane atma, “Ninim Ala aburi aro,” yiluk, hai wakhinipao.

2 Korindus 1:8

Nit o Asia werekma, anggin nenovaga agagi ako, hit hinilup arovovok yiluk, yukherasogom, naswei. Nit o Asia werekma, anggin-mbanggin mondok wisane erogo nenovaga agya lagagimu, “Dek arup dek atma, hambup segat higyo,” yiluk, umbutugup.

Evesus 2:12

O andi hudi, it avakwa Iserali menda enadigat Ala aburi adik denek inigik, hit Yakuri dek menda Keretus hinim ogorek dugwit, un avakwa huru ovagak welagagup. Wene At aburi iniselok, nggatuk erogo yugeragagi ako, hit hedaup meyanat welagagup. Hit o wema yoma Ala hinunggut dugwit, “Anderogo okbininayogon ai,” yiluk, henape wenggelekdek welagagup.

Evesus 2:19

Andi halok naswei o. Yogak hit ap huru adik hunogo menda agipikbuk. Hit ninim wane-wane Ala aburi nininis unggul ambi atma, mbogot vaga nenawerek-at agurik.

2 Timotius 1:15

It o Asia agarwikmu ovok erogo ap Vigelus ogo, ap Heromogenes ogo, an hekbaniluk wunggugwa ako andi, hat hilup.

Iberani 11:13

It ap andi ovok erogo, “Wokherayogon o,” avok yugeragagi wene ako, agur-agut ovagak o adumu andoma en wagya inil hugu lagagwarik, “Ako yiat okbinina wagya helagwi o,” yiluk, enendawi sek umbutu dugwit, “Nit ap o wen vaga yoma nenawerek agurikbuk. Ap huru ovagak agurik o,” yiluk, wene yugeragagi ako eyave des erogo wegetek ovara, “Avyarat woknerayogon o,” yiluk, enendawi avyarat umbutugwa andi vaga, eyave wogogwa ovagak dugwit, hambugu lagagwa.

Yakobus 1:1

Hit Yakup aburi enombawi wigalek hininis unggul 12 menda, yi awi ndi awi sak yagan lagagup ako, an Yakobus en Nenasin Ala inim, Nenowa Yesus Keretus Inis Ombok inim, iperen enayeloman dugwit, “Wa,” yukheraliga o.

1 Peterus 2:11

Nowa-nasin o. Hit ap huru ovagak ap enanggelekma agipik ako, wene ambi yukherayogon o. Hit henendawi en weyak ogarup henanggon umbutu dugwit ovara, wokhiniviluk landiga ako, mondok amusek laguven yiluk, yukheraliga.

2 Peterus 1:1

Nowa-nasin wa. An Simon Peterus Yesus Keretus ayeloman ayonggo lakbigik menda mondok okbaninggigi akoen, wene ambi yukherayogon. At nenagap wendasiga Yesus Keretus Ala akoen, At ovavut sek adigat ogagagi ako vaga wene avyarat umbutu lagagurik, wagagup nenendawima vakhedogo agurik ako, hit ninim ndatak wagagup atma, an wene yi dirup warogo wokheraliga.

Wahyu 1:11

Hunggu neyagek, yuknugu dugwit, “Hivis ogarup inuk hugu neyagek, mbuku virik-verek vaga dirup waru. Dirup watya dogomindik, it Ala aburi o Evesus inim, Simirana inim, Veragamus inim, Siyatira inim, Saridis inim, Viladelipia inim, Laodikia inim, 7 gereja vaga homarisagwi ako ovok erogo bikhapwak yiluk, lakbisin,” yiluk, yuknugu hunggis.