ZEFANIAH 3:4 - Ngawm Bible

⁴ A profette cu amu nuam bang nungte haw hi. A thiampite cu thil a thiangthote nintik haw in, Pathian daante amu deihdanin, mel pepel haw hi.

ZEFANIAH 3:4 Iomraidhean Croise

ISAIAH 9:15

Mi upa le upattakte cu a lupi haw hi; zolthu bebek zilhtu profet cu a mei haw hi.

JEREMIAH 23:32

Keimah, Topa i otnak hi ngai hem un! Zolthu ngeh a dimmi mang thu a sontu profet cu do ing. A mang haw sonin, a zolthu haw le a pualthaunak haw tuah ka mihingte pui sual haw hi. Ka hahmi kha viang haw ma. Hawh tukin ka thupiakmi hei kha haw ma, mipi ca nemcuamnak imah nei haw ma hi. Keimah, Topa in hilh zo ing,” ti hi.

JEREMIAH 5:31

Profet hei in zolthu ngeh hilh haw, profet tei thupiaknak bangin thiampi ten mi ukin, ka mite kuamah in el haw ma hi. A tawpnak ten itin um haw tuk nen tim?” tin ti hi.

JEREMIAH 8:10

Mah hangin a lo le lam haw cu midang pia tung a, a zite cu midang tei angsungah hengtik tung. A venghawng haw a neu, a ngengin, a man ngawlin tangka metnak cu zei haw, profet le thiampite hei in, mipite zol haw hi.

KAH LA 2:14

Na profet ten zolthu a son haw tih ngawl hilh tuk nei dang haw ma! Zolthu bek a hilh haw hangin, na sualnak le phuang awng sih haw ma! Thuman ngawl a hilh haw hangin, sihkiknak kul ngawlin ngaisung ci.

EZEKIEL 22:26

Thiampi ten ka daan palcatin, na thiangthote upat haw ma. A thiangmi le a nawngkaimi deidan thiam haw ma hi. A thiangmi le a nin, a dangdunnak zilh haw a, Sabbath vang imah simsial ngawlin Israel miten keimah upat haw ma hi.

EZEKIEL 22:6

Israel hotu ten amu zaangtha muangin mithat haw hi.

EZEKIEL 44:23

Thiampite cu a thiangtho le thiangtho ngawlmi thu ah hei hihen, a thiang le thiang ngawl na hei hihen ka mihingte a zilhtu hi haw tuk hi.

HOSEA 9:7

Dantatnak a thuak hun haw heng zo, a hum hawah phu lak tuk hun heng zo hi. Mahtibang a hen hun ten Israel miten thei haw tuk! “Hi ka profet pa hi a sil toh si. Hi hawvang lamhuaitu pa vang a lung-am hi tin ti uh ci.” Na sualnak uh a tam leita hangin nase zetin keimah hua uh ci.

MIKAH 2:11

Mihing tei deihmi profet pa cu a suk le to ah vak kawkawi in, thuman ngawl le mizolnak bek sonin, ‘Na ca uhin sabittui le zu luang leleng tuk poh a ti haw huahtu khi hi.’

MIKAH 3:11

Khuapi uktu bawi ten nawhthuh la in, mi uk haw; thiampi ten sum ngah nuamin, Thukham laibu hilhcian haw a, profet ten sum deihin, mailam thu phuang haw; mahten a venghawng haw in, “Kohtei nelah Topa um hi,” tin ti khawng haw hi. “Keimu humah thilpha ngawl imah heng tukma. Topa cu kohtei nelah um,” ti haw tuk hi.

MALAKHI 1:6

Ihempoh tithei Topa in, thiampi tei lakah, “Capa in, a pa cu upatin, sila vangin, a bawi upat hi. Keimah cu na pa uh hi naveng, itakaw na upat uh ngawl? Keimah cu na Topa uh hi leng naveng, ita maizah ma uh nge cim? Mi zawnsak uh ci a, ‘Iti bangin kaw ka zotsak uh?’ tin dongta laih uh ci.

MALAKHI 2:7

Thiampi tei nadeh cu Pathian thu manzetno in, a theih hawnak tukin zilh tuk hi. Mipi ten ka deihmi le ka tupmi a theihnak haw tukin zuan haw hen, itahim titale Ihempoh tithei Topa i palai na hi haw hi.

MALAKHI 2:8

“Mahnaven atu-in, thiampite nangmuh lehlam lam dik pen pial zo uh ci. Na thuzilhnak uhin mi tampi cu sualnak bawl tukin pui hi. Nangmuh tuah ka bawlmi thutiamnak cu nangmuh in phia cop zo uh ci.

MATTHAI 7:15

“Profet manngawlte na ngalling un: a pualam haw cu tuu bangin um haw naven a sunglam haw cu cingne hangsan bang haw hi.

2 KORIN 11:13

Amuhte cu nungzuitu tatak hi haw ma hi, Nungzui man ngawlte haw hi. A nadeh haw mi thu ah zolthu bawlcawmin, Khrih i nungzuitu ngangai bangin umduntik cop haw hi.

1 JOHAN 4:1

Ka ih mite, Hawvang nei ing a titu hempoh sang kha pahsuh un, a neihmi Hawvang cu Pathian lak pen a hungmi maw, kha ma him tih khingkhai masa un. Itahim titale profet man ngawlte cu mun hempoh ah heng zo haw hi.

MANGMUHNAK 19:20

Sahang cu manin, thawng khia haw a, a mitmuhin profet man ngawl tampi nalamdang bawl theite vang mancih haw hi. (Mahmi nalamdang a bawlnakin sahang melciknak tacik neitute le a milim biatute cu na zol ngah hi). Sahang le profet cu kaat mei tuah a alh langkhatmi meipi sungah a nungcungin vawk haw hi.

THUKHENTUTE 9:4

Baalberith biakinn sung a, ngun tangka sawm salih pia haw hi. Abimelek in mah tangka tuah amah zuitu tukin nemcuamnak nei ngawl mi vaktham sawm salih zawng hi.

1 SAMUEL 2:22

Eli cu tekzet toh hi. Israel tei humah a capa tei nuncan le Pathian umnak puanbuk sung tumnak kongka ah nadektu numei tianin, a zaupih haw thu thei leleng hi.