ZEFANIAH 3:2 - Ngawm Bible

² Topa i thu ngai nuam ngawlin a nunhilhnak vang sang ma hi. A muansannak cu Topa i nelah koih ngawlin, Topa i bopnak vang ngen ma hi.

ZEFANIAH 3:2 Iomraidhean Croise

NEHEMIAH 9:26

Mah bang hi napi in, na mihingte cu ngaltho haw hi. Na thu zui nuam haw ma, na daan piakmi nunghek haw hi. Na thuzilhtu profet that haw in, Ngallinnak piatu le na lakah kikleh tukin thu hilhtute a zotsaknak dan haw nase ngangai hi.

SAAM LABU 10:4

Mipha ngawlin Topa cu imah simsial ma hi. Pualthau in, “Pathian ka kulnak umma,” ti hi. A ngaihsutnak hempoh ah, Pathian tel ma hi.

SAAM LABU 50:17

Na ngamtat dan uh lep tuk cu nuam ma uh ci Ka thukham cu nung hek khawng uh ci.

SAAM LABU 73:28

Mahnaven kei cu Pathian elah um ing, itih zahin nop him? A thil bawlmi hempoh hilh le son tukin, Topa Pathian cu ka himnak hi.

SAAM LABU 78:22

Topa cu a thinukin, a mihingte mei tuah bawlsia hi. Amuh cu Topa muang ngawlin le Topa in nunpan thei tuk hi tin, muang haw ngawlin a thinuk pulhang sesem hi.

THUPAUCAP 1:7

Pathian kihcaknak cu cihnak a patnak hi. Misil ten cihnak le thuhilhnak cu imah simsial haw ma hi.

THUPAUCAP 5:12

Mahten, “Ita heng ka theih awng ngawl? Ita heng thuhilhnak thupi ka sak ngawl?

ISAIAH 1:5

Ita kei langpang leleng uh cim? Nase dedeuhin bawlsiat tuk nuam uh cim? Maw Israel na lu cu meima tuah dimin, na thin le na lung cu natnak thuak hi.

ISAIAH 29:13

Topa in, “Himi ten bia haw naven a ot haw cu sullam nei ngawlin, a lungmu haw cu ilai lamah hum vakvai thong. Amu ca in biaknak tihmi cu mihing tei bawlcopmi dan noinang thial le thil tihdan thongpohte hi, zo ngawlin a sial haw mite hi.

ISAIAH 31:1

Bopnak deihin Izipt ah a hawhtute cu lalthong haw hi! Izipt ngalkapte muang haw; a cipuh, a cipuhleng le ngalkap ngilzette muang haw hi. Topa Pathian, Israel i Pathian thiangtho cu muang ngawlin bopnak hei ngen haw ma.

ISAIAH 43:22

Topa in, “Maw Israel na biak uhmi cu kei kha ma sing; Kei cu ciat leita zo si uh si!

ISAIAH 9:12

Nisuahnak lamah Siria le nitumnak lamah Filistin miten Israel thon khawng tukin kamka leng haw hi. Mah hei ten Topa i thinuknak cu pai ma laih, a khut cu mi bawlsia tukin dangto sa in um leng laih hi.

JEREMIAH 13:25

Hitih bang thil hi tawk tuk uh ci, tih hilh ham zo ing a, ka leitek sa mi hi. Itahim titale amah phawkngilin imah ahi ngawlmi khawhuai dang muang saw uh ci.

JEREMIAH 2:30

Bawlsia naveng imah nemcuam ma ci. Nun hilh pha hei hi ma ci. A hang zetmi kiosa bangin nangmu ngalnam lala in, na profet uhte that uh ci.

JEREMIAH 22:21

Mi neinung na hih uh laihin, Topa i thu nangmuh hilh ih; Mahnaven ngai nuam ma uh ci. Na nunsung uh cu mahtih bang leleng thong uh ci. Topa in, a thu cu zui nuam viang ma uh ci.

JEREMIAH 32:33

Nunghek haw a, hilh li naveng ngai kha haw ma, a cun hei cung nuam haw ma hi.

JEREMIAH 35:17

Mah hangin noh Judah mi le Jerusalem mite nangmu humah Cungnungbel Topa keimah, Israel i Pathian in ka tepsami bawlsiatnak hempoh hengtik tung hi. Hitih bangin, na hum uhah hengtik tung, itahim titale nangmu lakah ka ot ten ngai nuam ngawlin, ka sam ten don nuam sih ma uh ci,” ti hi.

JEREMIAH 5:3

Topa i deihmi cu muantak hihnak khi hi. Vat naven imah kinmawh ma uh ci! Sikpek naven zui nuam cuang ma uh ci. Mi lungmu ngeng hi uh ci a, na sualnak uh pen kikleh nuam ma uh ci.

EZEKIEL 22:24

“Mihing pa, Ezekiel aw, Israel mite cu hilhin: a ngam haw thiangtho ma, mah hangin ka thinukin bawlsia tung.

EZEKIEL 24:13

Jerusalem, na nungcang phatngawlnakin nawngkaitik hi. Thiangthotik tuk tum naveng nawngkai leleng ci. Ka thinuknak nasezet na thuak laklawh thiangtholeh tukma toh ci.

ZEFANIAH 1:6

Keimah zamsanin, a zuileh ngawltu le ka nelah a hung ngawltu, keimah thu a sonpih ngawltu cu siatsuah khawng tung,” ti hi.

2 TIMOTE 3:16

Lai Thiangtho hempoh hi Pathian i tiik hangin ngatmi hi, thutak cunnak, hilh sualmi elnakah le a sualmi leplehnak, nisial nuncan pha nun theihnak tuk hilhdunnakah pha hi.

HEBRU 10:22

Mah hangin a kho mi upnak tuah Pathian cu neek tuk hung. Sualnak lungmu thiantikmi le tui tuah thiantikmi a pumpi uh tuah Pathian cu zuan un hi.