ZEFANIAH 3:10 - Ngawm Bible

¹⁰ Ngam khawlapi Ethiopia ngam pen a khenkeh sa ka mihingte nangawnin piak tuk nate tuah hunpih haw tuk hi.

ZEFANIAH 3:10 Iomraidhean Croise

SAAM LABU 68:31

Izipt ngam pen hahmi kamtaite hung haw tuk; Ethiopia miten Pathian nelah thungenin, a baanzak haw tuk hi.

ISAIAH 11:11

Mah ni a hen ten Topa in, a huham langtikleh tuk a, Assiria ngam, Izipt ngam, Pathros ngam, Ethiopia ngam, Elam ngam, Babilonia le Hamath ngam le tuipi mawk ngamte le tui hi kimmi ngamte pen a tang calam mihingte cu khawmleh tuk hi.

ISAIAH 11:12

Topa in, a alan dangto tuk a, Israel le Judah mi khen khekte cu leimawk ningli pen khawmleh tung, tih langtiknakin miphun tampi tei lakah limlak tuk hi.

ISAIAH 18:1

Ethiopia ngam ngun ngalkhat lam a, ummi ngamah hakhen thawmnging thang hi.

ISAIAH 18:7

Nail ngun putnak ngam, a ngilmi le huham neimi ngam, leihum buppi i laumi, mi dingsau le vunmam ten Cungnungbel Topa i lakah biakpiaknak a piaknak hun heng tuk hi. Cungnungbel Topa biaknak mun Zion mualah hung haw tuk hi.

MALAKHI 1:11

Leihum miphun hempoh ten keimah upat haw hi. Mun hempoh ah namtui haal haw a, co a takmi biakpiaknak pia in, keimah upat khawng haw hi.

JOHAN 7:35

Mah hangin Judah thuneitute cu pa khat le pa khat, “Tawh theih ngawl tukin ilai mun poh hawh tum nantim? Judah tei umnak khuapi pa kha khatah hawhin, Grik mite zilhnuam hi nantih maw?” tin ti haw hi.

NUNGZUITU 24:17

“Kum ngeipi sung Jerusalem khua ka henleh ngawl hangin ka miphun bopnak tuk tangka pia tukin le biakpiaknak bawl tukin Jerusalem ah hawh ing.

NUNGZUITU 8:27

A tihnak bangin Filip cu bawm bawlin hawh hi. Mahlai takin, Ethiopia pa, pa khat amu khua lamah a pin limi tawk hi. Mahpa cu tilngehmi hi a, Ethiopia kumpinu i neihmi sum le pai hempoh a cingkhawitu bawi hi. Amah cu Jerusalem ah Pathian bia tukin hung hi, a cipuhleng tuah a inn lamah a pinmi hi. A cipuhleng hum pen laisial thahin, a sial lihmi cu profet Isaiah laibu hi.

ROM Khua Khristian Tei Lakah Paul i Laikuat (Paul’s Letter to the Romans) 15:16

Gentail mite cu Pathian nelah cosan takmi biakpiaknak bang a hihnak haw tukin le Hawvang Thiangtho i thawmin Pathian lakah apmi a hihnak haw tukin Pathian lak pen a hengmi Thuthangpha ka phuan ten thiampi bangin dek ing.

1 PETER 1:1

Jesuh Khrih i tiikmi keimah Peter in Pontius, Galatia, Kappadosia, Asia le Bithinia peng a ngaltai bangin a vakkekmi, Pathian i tenmite nangmu lakah laikuat ing.