ZEFANIAH 3:1 - Ngawm Bible

¹ Jerusalem cu a bolal toh hi! A nawngkai zetmi le ngal a tho nuam zetmi khuapi, mai mihing a nuainem litu khuapi in cimnak tawk tuk hi.

ZEFANIAH 3:1 Iomraidhean Croise

ISAIAH 30:12

Mahnaven Israel i Pathian thiangtho in, “Ka hilhmi thu cu imah simsial ma uh ci, mizolnak le thisan luannak saw muansan uh ci.

ISAIAH 5:7

Israel cu Cungnungbel Topa i sabit huan hi; Judah mi cu a cinmi, sabit kung phazet haw hi. Phatnak bawl haw tukin um hi; mahnaven mi thatin, thisan luangtik haw hi. A dikmi bawl haw tuk tin um naven a phat ngawlnak a thuaktute kapin tau li haw hi.

ISAIAH 59:13

Nangmah do in, kik ung. Zui nap ma ung. Midangte bawlsia in, na humah langpang ung. Ka ngaihsutnak uh camcawi thei ma, ka ot uhmi vang zolthu ngeh.

JEREMIAH 22:17

Mahnaven nangin, nangma metnak bek ngaisung ci. Mawh nei ngawlte thatin, na mihingte bawlsiazet ci tin, Topa in hilh zo hi.

JEREMIAH 5:23

Mahnaven nohte cu lungmu ngoltol le lungmu ngai nei cuam ngawl na hih uh hangin langpang tuk bek na nuam zawng uh hi. Nunghekin taisan zo uh ci.

JEREMIAH 6:6

Cungnungbel Topa in, hi kumpi tei lakah thingkungte phuk tukin le Jerusalem donak tukin lei vukto tukin thupia hi. Topa in, “Hi khuapi cu namnuainakin, a dim hangin bawlsia tung.

JEREMIAH 6:7

Tuikhuk pen tui a put leleng bangin, hi Jerusalem khuapi pen thil sual a thakin piang leleng. Vahdunnak le siatsuahnak bekin dimin, hi khuapi sungah natnak le meima bebek mu ing.

EZEKIEL 22:29

Mihau ten mizolin, mi thil lonsak haw hi. Ca-ngah cimkhamte siatsuahin, ngamdangmi tei humah metnak zei haw hi.

EZEKIEL 22:7

Khuapi sungmi ten nu le pa upattu um haw ma toh hi. Ngamdang mikhualte zolin, meivong le nu le pa nei ngawl tei hum pen nemcuamnak zei uh ci.

EZEKIEL 23:30

na humah hiti bang nate hengtik hi. Miphun tampi tei ca in, numei pha ngawl dekin, a milimte tuah nawngkai duntik cop zo ci.

THIAMPI NADEHNAK 1:16

A diil le diil sung a, ummite cu la tuk a, vut a koihnak haw biaklandawh i nisuahnak lamah vawk tuk hi.

AMOS 3:9

Izipt le Ashdod kumpi inn sung a, ummi tei lakah hithu than un. “Samaria elkim mualhumah tawkdun khawm unna, mahlai a, thil sual a bawl haw mi le simsolnak nase zetin, a ummi cu zo un tin ti un.”

AMOS 4:1

Hithu hi ngai hem un, noh, Samaria numeite, cawm thaumi Bashan khuipi bangte, mi nautate cilpektu, mi zawng a nuainemtu le “zu intuk pia in,” tin, mah i pasal tei lakah au lelem thei uh ci.

MIKAH 2:2

Lo le lam a deih haw ten mi lo lonsak haw hi. Inn a deih haw ten mi inn luahsak haw hi. Kuamah i innkua le nate a him um haw ma.

ZEKHARIAH 7:10

Meivongte le ca-ngah siat theite, nangmu lak a, um ngamdang mite le mi haksate nemsuk pahsuh un. Pa khat le pa khat siatsuahdun tuk vang tum pahsuh un, ti ing.

MALAKHI 3:5

Ihempoh tithei Topa in, “Na thu uh khen tukin noh tei lakah hung tung a, mitzial thiamte, angkawm sualnak a bawltute, theihpihtu man ngawlte, meivong le ca-ngah siat thei ngamdangmi tei humah metnak a zeitute le keimah a upat ngawltu tei humah dantatin thukhen tung,” ti hi.