ZEFANIAH 2:5 - Ngawm Bible

⁵ Noh Filistin mi, tuipi mawk a ummite, bothal zo uh ci. Topa in, na humah thusonnak nei zo. Siatsuah tuk a, pa khat hei suakca tukma uh ci.

ZEFANIAH 2:5 Iomraidhean Croise

ISAIAH 14:29

Filistin mite aw, nangmuh a vahnak ngolh ek zo hi; mahnaven, lungdam nuam pahsuh un! Ngul pa khat a thih ten, a ai-awhin, a hang saw mi ngul pa khat tul hi. Ngul in, a tui cu tui in, op a, a leng thei mi ngulpi keuh hi.

ISAIAH 14:30

Topa cu a mihing tei lakah, mi nuncim le mi ca-ngahte cingkhawitu a hih tak himdamno in umtik tuk hi. Mahnaven noh Filistin tei humah nase zetin, paam tungtik tuk a, pa khat hei luat tukma uh ci.

JEREMIAH 47:7

Mahnaven itin kaw bawl tuk dehvo ka piak nungten mengdenin, a um theih tuk? Ashkelon do tukin le tuipi mawk a, ummite sat tukin thupia zo ing hi,” ti hi.

EZEKIEL 25:16

Mah hangin atu-in thu than ing. Filistin cu do tung a, that khawng tung hi. Filistin lei ngamah a nunglaih mite vang siatsuah tung hi.

AMOS 3:1

Israel miphunte, Izipt ngam pen na miphun buppi uhin Topa i puitul ten nangmuh i thu a sonmi hi ngai un.

AMOS 5:1

Israel miphunte, nangmu ca in, ka sahsanmi mithi vuinak la hi ngai un:

ZEFANIAH 1:11

Noh khuapi nuailam a umtute cu; mah thawm na zak uhten nohte vang kapin, au li un hi. Itahim titale sumbawltute cu thi khawng haw tuk hi.

ZEFANIAH 3:6

Topa in, “Miphun tampi siatsuah khawng zo ing. A khuapi haw cu siatsuah khawngin, a pang haw le a ngalvilnak innkuate cu buaksehnakin cangtik khawng zo ing. Khuapi cu zamsan haw tuk, khuasung lampite cu veng diudeu in, kuamah tang haw tukma hi.

ZEKHARIAH 1:6

Ka nadektu profet mangin, na pu le pa tei lakah thukham le ngallinnak pia ing. Mahnaven imah a simsial haw ngawl hangin haksatnak tampi tawk haw hi. Siklehin, a humah bawl tukin ka ngaihsutmi cu amu nungcang hum tawnin dantatnak a tawh haw ten Cungnungbel Topa ka hihlam phawkleh haw hi.

MARKA 12:12

Judah upa ten mah tehkipnak cu amuh a son nuamnak tih a theih haw hangin Jesuh cu mat tum haw hi. Mahnaven mipite a lau haw hangin tulin Jesuh cu hawhsan den hawta hi.

JOSHUA 13:2

Lak tukmi ngam cu Filistin ngam hempoh le Geshur ngam hempoh,

JOSHUA 13:3

Izipt ngamngi a ummi Shihor ngun pen saklam Ekron ngamngi tian a venghawngin Kanaan mitei ngamin sialcih hi. Filistin mi uktute cu Gaza, Ashdod, Ashkelon, Gath le Ekron khua ah um haw hi. Hanglamah Arvim peng hempoh,

THUKHENTUTE 3:3

Kanaan ngam sungah a tangmite cu Filistin khuapi pa nga, a venghawngin, Kanaan mi, Sidon mi le Baal Hermon Mual pen Hamath mualkawn tian, Lebanon Mual a um Hiv mite hi.

1 SAMUEL 30:14

Kereth ngam hanglam mawk, Judah ngam hanglam mawk le Kaleb miphun tei ngamte longin, Ziglag khua vang haal khawng ung hi,” tin hilh hi.