ZEFANIAH 2:11 - Ngawm Bible

¹¹ Topa cu amu ca in lauhuai zetmi hi tuk hi. Leihum pathiante cu imah ngawlin bawl khawng tuk hi. Miphun hempohin amah cu amu umnak le amu ngam tek pen bia haw tuk hi.

ZEFANIAH 2:11 Iomraidhean Croise

PIANPATNAK 10:5

Amuh cu tuipi mawk le tuikulh hum a ummi, hinnam tei cikhaihtu haw hi. Jafet i casuante hi haw a, amu hinnam le awn tek mangin ngam dadangah um haw hi.

SAAM LABU 138:4

Leihum kumpi hempohin, Topa nangmah cu thangphat haw tuk hi. Itahim titale na thutepmi thei khawng zo haw hi.

SAAM LABU 72:17

A min cu kumkhua in kho tahen. Ni a um sung hempoh a minthang hen. Miphun hempoh ten amah thangphat haw hen; kumpi cu muicu pia in, Mahtibang muicu ngah bok tukin, miten Pathian nelah ngen bok haw hen.

SAAM LABU 86:9

Na semsuah mi miphun hempoh ten na nelah hungin, lu kun haw tuk hi. Na min cu thangphat haw tuk hi.

ISAIAH 2:18

Milim hempoh vang pailal khawng haw tuk hi.

ISAIAH 2:20

Mah ni a hen ngangai ten sui le ngun tuah a bawl haw mi milimte cu taisan khawngin, zuphul le baak tei lakah vawk khawng haw tuk hi.

ISAIAH 42:10

Topa lakah la thak sa un. Leihum hempohin amah thangphatnak la sa un. Tuipi thuanthum humah a hawhte amah cu thangphat un. Tuipi thuanthum sung umte hei in thangphat un. Ngam khawlapi ah a um ten thangphat ten un.

ISAIAH 42:4

A thakiam hihim ngawlin a thin hei nau tukma hi. Leihumah thudik lengtik tuk hi. Ngam khawlapi a ngam ten a thuhilhmi cu ngakhelzet haw tuk,” ti hi.

ISAIAH 49:1

Ngam khawlapi ah a ummi ngamte, ngai hem un! Khualzinte vang! Ka pian laih ngawlin Topa in teng zo; Ama nadektu tukin dehvo pia hi.

JEREMIAH 10:11

(Noh ten, “Lei le van a bawl thei ngawltu pathian cu siatsuah khawng hi tuk,” tin hilh un. Leihum ilai banglai ah umleh haw tukma toh.)

JEREMIAH 46:25

Cungnungbel Topa Israel i Pathian in, “Thebes khua a pathian Amon cu Izipt le a pathian le a kumpite tuah dantat tung hi. Izipt kumpi le amah a muangtute hempoh la tung a,

DANIEL 11:18

Mah nungten tuipi mawk ngamte do tuk a, ngam tampi neh tuk hi. Mahnaven ngamdang pa khat uktu in, amah cu neh tuk a, pualthaunak cu botik tuk hi, a pualthaunak cu amah Siria kumpipa i hum lala ah hengtik tuk hi.

HOSEA 2:17

Baal i min cu samtik tukma toh ing.

JOEL 2:11

Topa i thupiaknak au thawm cu a ngalkap tei mai ah vanthum bangin thum hi. A ngalkapte tha nei mahtak haw hi. A nadektu cu sialcelh haw ma. A lauhuai zetmi Topa i thinuknak ni cu! Akua in thuak thei tuk him?

ZEFANIAH 1:4

“Judah mi le Jerusalem mite bawlsia tung hi. Baal biaknak a tang calamte vang siatik khawng tung a, Baal i nadektu thiampite cu kuamah in theileh haw tukma toh hi.

ZEFANIAH 3:9

“Mahten miphun hempoh tei muk le kam thek tung a, pathian dang nelah thungen ngawltohin, keima nel bekah thungen haw tuk hi. A venghawng haw in, ka thu ngai haw tuk hi.

ZEKHARIAH 13:2

Mah hun ten hi ngam milim tei min cu phiatvawk khawng tung a, kuamah in cing haw tukma toh hi. Profet ing tin, a titu hempoh cu lawl khawng tung a, milim biak nuamnak lungmu vang laksak khawng tung.

ZEKHARIAH 2:11

Mah ni ten, Topa i nelah miphun tampi hung haw tuk a, ama mihingin cang haw tuk hi. Nangmu lakah um bok tung a, nangmu nel a, hahmi ka hihlam cu thei tuk uh ci.

ZEKHARIAH 8:20

Cungnungbel Topa in, “Khua tampi pen mi tampi Jerusalem ah a hun haw tuk hun cu heng awndiak zo hi.”

ZEKHARIAH 8:23

Judah mi pa khat nelah ngamdangmi sawm khat hungin, ‘Na nuncak khuasaknak sungah um nuam bok ung, itahim titale Pathian cu na nelah um tih thei zo ung, tin ti haw tuk hi.’ ”

MALAKHI 1:11

Leihum miphun hempoh ten keimah upat haw hi. Mun hempoh ah namtui haal haw a, co a takmi biakpiaknak pia in, keimah upat khawng haw hi.

MALAKHI 1:14

Piak tukin na tepsa zo uhmi ngan phazet cu ka tuuhon lakah um leng haw naven, ka nelah a sonbangmi ngan biakpiaknakin, a piatu cu a humah siatnak heng hen! Itahim titale keimah cu a ngeng zetmi kumpi, miphun hempoh ten kihca haw,” ti hi.

DAAN PIAKLEHNAK 32:38

Na biakpiaknak uh thau a eitu le, na sabittui ukzet a intute cu? Atu hungin bawm haw hen, nangmuh pan tukin tai haw hen.

1 TIMOTE 2:8

Pathian biaknak mun hempoh ah pano ten thungen haw hen, tih deih ing. Pathian nelah pum a piadunmi le thinuknak le thu eldunnak um ngawlno in, pano ten khutzaakin thungen haw hen.

MANGMUHNAK 11:15

Mahten a salihnak vancungmi in, a pengkul cu tum hi; van pen aw nging zetin hi bangin ti hi, “Leihumpi uk theihnak tuk huham cu ohtei Topa le Khrih i khut sungah um zo in kumkhua pen kumkhua tian aman uk tuk hi,” tin hilh haw hi.