ZEFANIAH 1:5 - Ngawm Bible

⁵ Inn humah kaito in ni, hade le aksi a biatute cu siatsuah khawng tung hi. Keimah a biatu le ka min suangin, tiamdunnak bawltu hi haw naven Milkom min tuah tiamdunnak a bawltu cu siatsuah tung hi.

ZEFANIAH 1:5 Iomraidhean Croise

1 KUMPI 11:33

Solomon in keimah lawlin Sidon pathiannu Astarte, Moab pathian Khemosh le Ammon mitei pathian Milkom a biak hangin a humah hi bangin ka bawl tumnak hi. Solomon in ka thungai ma hi. Thil sual bawlin ka daan le ka thupiakmite cu a pa David bangin zui ma hi.

1 KUMPI 11:5

Sidon mitei pathiannu Astarte bia in, Ammon mitei ningdelhhuai pathian Milkom vang bia hi.

1 KUMPI 18:21

Elijah cu mipi mai ah dingin, “Ituk tian kaw na lungmu uh khenkhuai thei ngawlin na um hih tuk uh? Topa cu Pathian ahi tale bia un; mahnaven Baal cu Pathian hi na ti uh tale bia poh un,” ti hi. Mipi ten imah awn ngawlin meng khipkhep haw hi.

2 KUMPI 17:32

Amuh ten Topa cu bia leleng bok haw in, leimi tei pathian biaknak munah thiampi dektu tukin le amu ca in biakpiaknak bawlsaktu tukin amu lak pen miphun dadang teng haw hi.

2 KUMPI 17:33

Topa biak le amu pathian tek biak cu cemcih bulh haw hi; a hunnak haw khua le ngam a bawl daante cu zui leleng haw hi.

2 KUMPI 17:41

hi miphun ten Topa biak le a milimte biak cu cemcih bulh haw hi; tuni tianin, a casuan haw ten mahten bawl leleng haw hi.

2 KUMPI 23:12

Judah kumpi ten kumpi inn hum a dawh haw mi biaklandawhte le Topa i Biakinn a khan pa nih sung a, kumpi Manasseh in biaklandawh a bawlmite cu kumpi Josiah in siatsuah khawng hi; biaklandawhte cu zan niknekin sukeh a, Kidron Hawkluamah vawk hi.

ISAIAH 22:1

Muhnak Munlawn ca in, a hengmi thu cu hi bangin hi. I cang haw kaw? Itakaw khuapi sung a, mite a inn hum hawah puai a bawl duaduam haw?

ISAIAH 44:5

“Kei hei hi Topa i mi bok ing tin ‘Pa khat nung pa khatin ti haw tuk hi.’ Israel mite khawmdun pepel haw tuk hi. A baan hum hawah Topa i min ngan tek haw tuk a, Pathian i mihingin sialdun haw tuk hi.”

ISAIAH 45:23

Ka hilhmi thuman a hih hangin, thekdun awng tukma hi. Ka min salin thutiam ing. Mi hempoh hung haw tuk a, ka mai ah khukdinin, thutiamdun haw tuk hi.

ISAIAH 48:1

Maw Israel mite aw, hu ngai hem un! Judah casuante aw, phano in ngai un! Topa i min salin thutiam ci, Israel Pathian bia ing ti ci. Mahnaven na otmi cu na kam bek hei. Na lungmu sungah imah umma hi.

JEREMIAH 12:16

Baal khawhuai minin, ka mihingte siatcamnak hilh haw naven atu-in, ka minin siatcamnak cung haw a, ‘Topa a nun bangin,’ ti haw in, a lungmu ngai haw in ka mihing tei biaknak a pom haw tale ka miphunin cang bok haw tuk a, khangto bok haw tuk hi.

JEREMIAH 19:13

Jerusalem innte, Judah kumpi innte le inn dadang, a hum pen aksi lak a, namtui a halnak haw le pathian dang lak a, biakpiaknak sabittui a leihnak inn haw hempoh cu Tofeth bangin a thiang ngawlmi in cang haw tuk,” ti hi.

JEREMIAH 32:29

Mei tuah haal haw tuk hi. Himi ten a inn hum haw a, Baal pathian lakah namtuite halin pathian a dadang tei lakah sabittui pia in, a leih haw hangin ka thinuktik haw hi. Hi mite cu a innte tuah tum bilhbelhin halkang khawng haw tuk hi.

JEREMIAH 4:2

Ka min salin siatcamnak na bawl uh hei in nangmu ca in, a dikmi le a pha mi hi tuk poh hi. Miphun hempoh ten muicu pia tukin ngen haw tuk a, thangphat haw tuk,” ti hi.

JEREMIAH 49:1

Ammon ngam cungcang ah Topa in, hi bangin hilh hi: “Israel mite ilai ah kaw a um haw, A ngam haw huptu kuamah um haw ma maw? Itakaw Gad ngam cu Molek ngam huai a biatute latikin, a luahtumtik haw?

JEREMIAH 5:2

Topa umtu bangkekin um cop nave uhcin, na otnak uh bangin zui tumleh sih ma uh ci!

JEREMIAH 5:7

Topa in, “Itin kaw ka mihing tei sualnak cu ka ngaihthiam tuk? Ka lak pen tai in, pathian ngangai ahi ngawlmi khawhuaite bia haw hi. A kul haw hempoh pia in, cawm ing. Mahnaven nupa sualnakte bawlin a hun haw cu numei pha ngawl tei lakah pia haw hi.

JEREMIAH 7:10

Hi thil ka huatbel hi bawl uh ci a, mah nungten ka umnak mun, ka Biakinn sungah hungin, ‘Kohte cu himdam ung,’ ti lalaih uh ci.

JEREMIAH 7:9

Nguca in, mithat uh ci, nupa sualnak vang bawl uh ci, zolthuson uh ci, Baal pathian lakah biakpiaknak pia inna, theih awng ngawl uhmi pathian bia uh ci.

JEREMIAH 8:2

Munkhatah phano khawmin, vui hi ngawlin a nguh haw cu leihumah ekdawm bangin thehkeh khawng hi tuk hi. Himi ten a sunsak haw mi, na a dehsak haw le a thudotmi, a otpih haw mi, ni le hade le aksi tei mai ah pho in, thehkeh khawng hi haw tuk hi.

HOSEA 10:2

A lungmu haw cu mizolnak tuah dimin, a sualnak haw hangin thuak haw tuk laih hi. Pathian amah loli in, a biaklandawhte siatsuahin, a thingmungte cu vat ek khawng tuk hi.

HOSEA 4:15

“Israel mite cu numei pha ngawl bangin keimah taisan zo naven uhcin, nangmuh bangin Judah mi cu sual bok haw pahsuh hen. Gilgal ahimata Bethaven khua pen keimah bia haw pahsuh hen. Mah mun pen a nungmi Topa i minin, thutiam hei bawl haw pahsuh hen.

AMOS 5:26

Atu cu na Pathian uh le na kumpi uh Sakkuth i zuk le na aksi pathian uh Kaiwan i zukte na biak uh hangin,

MATTHAI 6:24

Mi pa khat cu bawi pa nih i sila hi thei tukma hi. Pa khat deih tuk a, pa khat cu hua tuk hi. Pa khat lakah muantak zetin um tuk a, pa khatlam cu zawnsak tuk hi. Pathian na le sumpai na dek kawm thei tukma uh ci.

NUNGZUITU 10:9

A zingten hawh haw in, Joppa khua a henkuanno haw ten Peter cu suun laihtak hawngin, thungen tukin inn humlamah kaito hi.

ROM Khua Khristian Tei Lakah Paul i Laikuat (Paul’s Letter to the Romans) 14:11

Lai Thiangtho sungah, “A nungmi Pathian keima mai ah, mi hempoh ten khukdinin, Pathian ka hihnak khi phuang haw tuk hi, tin Topa in ti hi,” tin um hi.

DAAN PIAKLEHNAK 10:20

Mah hangin Topa na Pathian uh i thu cu zui unna, amah bek bia un. Ama ca tukin muantakzet unna, ama min tuah bekin thutiam un.

DAAN PIAKLEHNAK 4:19

Van a, na muh uhmi ni le hade le aksi cu vanhaang nuai mihing hempoh tei ca in hi a, noh ten bia in, a na dek sual pahsuh un.

JOSHUA 23:7

nangmu lakah a tang laihmi hi ngam mihingte tuah cokheldun pahsuh un; a pathian min haw lo pahsuh un, a min haw lo in, siatcamnak hei bawl pahsuh un, a na haw hei dek pahsuh unna, a mai hawah na lu uh hei kun hihim pahsuh un.