ZEFANIAH 1:16 - Ngawm Bible

¹⁶ Ngaldonak thawmvang le pengkul aw tuah a dim ni, ngalkap ten kulhtian khuapi le ngalvilnak innsangpite do tukin le a do thah haw in, a aunak tuah a dim ni hi tuk hi.

ZEFANIAH 1:16 Iomraidhean Croise

ISAIAH 27:13

Mah ni a hen ten Assiria le Izipt ngam saltangmi Israel mite sam tukin pengkul tum haw tuk hi. Hungin hi, Jerusalem khua mual thiang humah Topa bia haw tuk hi.

ISAIAH 32:14

Kumpipa i inn hei taisanin, ngamsung a khuapibel cu khing diudeu thong tuk hi. Innte le a ngalvilnak haw kulhtiante cu kumkhua sia tuk hi.

ISAIAH 59:10

mitcaw bangin vak hung. Sun ni vak naven, zan khuathim le mithi ngam khuathim mun bangin bahin lum hung.

JEREMIAH 6:1

Benjamin miphunte aw, himnak munah tai un. Jerusalem pen taitul un hi. Tekoa ah pengkul tum inna, Beth Hakkherem ah theihtiknak meihal un. Haksatnak le siatsuahnak cu saklam pen hung tuk hi.

JEREMIAH 8:16

A ngalte uh Dan khua ah tum zo haw, a cipuh haw naalphit thawm za ung. A cipuhte a ham haw ten a ngam buppi uhin, hing khawng hi. A ngal uhte cu eimu ngam a mihing uh, a khua uh le a sungum thil hempoh siatsuah tukin hung zo haw tin ti haw hi.”

EZEKIEL 7:7

Ngamsung a, um nangmuh tei ca in, a tawpnak haw heng pal tuk hi. Mualsang hum khawhuai biaknak munah lungdamin, puai na bawl ngawlnak tuk hun nai zo hi; lungdamnak puai hi ngawltohin thubuai tuah a dimmi hun hi tuk hi.

HOSEA 5:8

Gibeah pen ngaldonak pengkul tum un! Ramah pen ngallinnak pengkul tum un! Bethaven pen ngaldo aunak tuah au leilui un! Benjamin mite ngaldonakah hawh un!

HOSEA 8:1

Topa in, “Pengkul tum un! Ka ngam sungah ngalte cu muvanlai bangin leng haw hi. Ka miphun ten amuh tuah ka thutiam mi susia khawngin ka thuzilhte deih haw ma hi.

JOEL 2:1

Zion mual pen pengkul tum un: Pathian mual thiangtho hum pen ngallinnak daak tum un. Hi ngamsung ummi hempoh ten lau in, can khawng haw tahen. Itahim titale Topa i ni cu nai zo hi.

AMOS 3:6

Ngaldonak pengkul khua sung pen a tum haw ten khua mite thinsu ngawlin um thei haw ni maw? Topa i hah ngawlmi khua sungah haksatnak heng ni maw?

HABAKKUK 3:6

Amah a cawlh ten leipi hing dudum hi. A mit a zoh bek hei ten miphun hempoh can tawtok haw hi. Kumkhua a khomi mualsangte vang keh khawng haw hi. Khang tuanin, a ummi mual cu nimsuk khawng hi. Tanglaih pepan a zui awng uhmi mualte hi.

DAAN PIAKLEHNAK 28:52

Topa na Pathian uh i a piak tukmi khuapi hi pa khat hei tang ngawlin sim haw tuk a, na muanzet uhmi kulhtian sangzet cu cim khawng tuk hi.”

JOSHUA 6:20

Mah hangin thiampi ten tuucangki pengkul cu tum haw in, mipi ten a zak haw ten nase zetin au tawtok haw hi. Mahbek ten khua upnak kulhtian cu cim hi. Ngalkap cu amu zawn tek pen khuapi sungah tum haw in, khua cu la haw hi.