ZEFANIAH 1:12 - Ngawm Bible

¹² “Mah hun ten, mei inn kengin Jerusalem khua sung cu zei tung hi. Mah le mah muangdunzet le lungmuang zetin, a umtute, “Topa in imah bawl awng ma; a pha hei bawl ma, a sia hei bawl ma’ tin, a titute cu bawlsialeh tung hi.

ZEFANIAH 1:12 Iomraidhean Croise

JOB Laibu (The Book of Job) 21:15

Ihempoh tithei biak lih vang kulma, a lakah thunget lih vang imah nemcuam ma, tin ngaisung haw hi.

SAAM LABU 10:4

Mipha ngawlin Topa cu imah simsial ma hi. Pualthau in, “Pathian ka kulnak umma,” ti hi. A ngaihsutnak hempoh ah, Pathian tel ma hi.

SAAM LABU 14:1

Misil ten a lungmu sungah, “Pathian umma,” ti hi. Mihingte cu sia khawng haw hi; Ningdelhhuai thil tampi bawl haw hi. Thilpha bawltu pa khatno hei um haw ma hi.

SAAM LABU 94:7

Amuh ten, “Topa in mu ma poh; Israel tei Pathian in zo kha ma poh,” ti haw hi.

ISAIAH 5:19

“Topa in bawl tung a tihmi cu manlangin bawl henna, zo tehpah nung. Israel Pathian thiangtho in, ama nuammi cu bawl tahen; a ngaihsutmi le a tuptah mite cu mu teh him po nung!”

JEREMIAH 10:5

Mahti bang milim cu cangmai huan sung a, kimuzak khaihmi bang hi. Awn thei haw ma, thiak kul haw, hawh cawm thei ma, Mahti bangte cu lau pahsuh un, imah tithei haw ma hi. Na phatnak uh hei bawl thei ma, na siatnak tuk uh hei bawl thei sih ma hi.”

JEREMIAH 48:11

Topa in, Moab cu himno le mengdenin um leng hi. Ngalmatmi hi awng haw ma. Moab cu beel pa khat pen a dang pa khatah tot lihmi sabittui bang kha ma hi. Kua ma khalh ngawlmi a tawntilin koihmi sabittui bang hi. A ngim hei sia awng ma, a uk lelengmi sabittui bang hi.

EZEKIEL 8:12

Pathian in, “Mihing pa, Ezekiel aw, Israel hotu ten khuathim sungah a bawlkuh haw mi mu a cim? Khan pa khat sungah a dimin ummi milim bia li haw! Amuh ten, ‘Topa in mu sapma poh! A ngam uh nunghek zo ti haw hi.’ ”

EZEKIEL 9:4

“Jerusalem khuapi mun hempoh ah hawh inna, thasia le lungnop ngawlin a umtu hempoh tei calah sialsiahnak khenin,” ti hi.

EZEKIEL 9:9

Pathian in, “Israel le Judah miten mullinghah sualnak bawl haw hi. A ngamsung khua le ngam hempoh ah mi thatin, a khuapi haw Jerusalem cu sualnak tuah dimtik zo haw hi. Topa in, a ngam uh nunghekin, a bawl uhmi vang mu sapma ti haw hi.

AMOS 6:1

Zion ah nop zetin, a ummi le Samaria ah ngimta zetin, a ummi, miphun ngilzet, Israel miphun mihing nasezette, mi tampi ten bopnak deihin, a zuan lih haw mi mihingte, na ca uhin, lauhuai leita!

OBADIAH 1:6

Mahnaven Esau nate a lonsa dan haw hi ngaisung hem un; A kuhno in, a koih haw mi sumte hei pholhsuah sak khawng haw!

MALAKHI 2:17

Na ot tam lih uh cu Topa in ciatzet zo hi. Mahnaven noh ten, “Itin kaw Topa cu ka ciat uh?” tin dong uh ci. Noh ten, “Ihempoh tithei Topa in, thilpha ngawl a bawltute cu mipha hi haw tin, itin kaw a ngaihsut theih; thungai in titale deihzet leng hi,” ti uh ci. Mah ahimata “A dik zetin ngaihsutmi Pathian cu ilai ah um kaw?” tin dong uh ci. Mahti bang na otlih uh cu Topa in ciat dimdem zo hi.

2 PETER 3:4

“Khrih in hungleh tung hi tin thutiamta hi ma maw? Atu-in i lai ah um kaw? A pu le pa uhte cu a thihnak haw ngeizet zo hi. Mahnaven leipi a semsuah pat pepan a tutianin ihempoh amu dan bang leleng haw hi!” tin ti haw tuk hi.

MANGMUHNAK 2:23

Amah zuitute vang that khawng tung a, mahten pawlpi hempoh ten mihing tei ngaihsutnak hempoh le deihnakte thei khawngtu ka hihlam thei haw tuk hi. Akua abang vang na bawlnak uh bangkekin pia kikleh tung hi.