THIAMPI NADEHNAK 9:3 - Ngawm Bible

³ Israel mite hilh inna, sualhah biakpiaknak tukin keelcang pa khat le halkang biakpiaknak tukin khui dawnno le tuu dawnno kum khat kim veve, sonbang ngawlmi hunpih haw hen;

THIAMPI NADEHNAK 9:3 Iomraidhean Croise

PIANPATNAK 37:31

Mahten a unau ten keel ngo haw in, Josef i angki cualpi cu keel thi sungah nim haw hi.

EZRA 10:19

A zi haw hawlvawk tukin thutiam bawl haw in sualhah biakpiaknak tukin tuucang pa khat pia haw hi.

EZRA 6:17

Mah ni-in, Pathian lak a, biakpiaknak tukin khuicang za khat, tuucang za nih le tuuno za li pia haw hi; mah hum pen Israel hinnam sawm le pa nih tei sualhah biakpiaknak tukin keel sawm le pa nih pia haw hi.

SUAHTULNAK 12:5

A ngan cu sonbang ngawl a cang kum khat kim hi tuk hi. Tuu ahimata keel teng haw hen.

ISAIAH 53:10

Topa in, “A thuak tuk cu keima deihnak hi. A thihnak cu ngaihdamnak a hengtiktu biakpiaknak hi. Kum ngeipi nungdamin, a casuante mu tuk hi. Ama sung pen ka tuptahmi kim tuk hi.

THIAMPI NADEHNAK 10:16

Moses in, sualhah biakpiaknak tuk na tih uhmi keel i cungcang a dot ten, mei tuah haal zo haw tih cu thei hi. Aaron i capa pa nih Eleazar le Ithamar humah Moses cu a thinuk ngangai in,

THIAMPI NADEHNAK 12:6

Capa hingin, ahimata canu hingin, a thianthohdun hun a hen ten kum khat kim tuuno pa khat halkang biakpiaknak tukin Topa i umnak Puanbuk tumnak kongka a, um thiampi nelah hunpih tuk hi. Laileng pa khat ahimata khulo pa khat vangin sualhah biakpiaknak tukin hunpih hen hi.

THIAMPI NADEHNAK 14:10

A ni liatnak ni ten kum khat kim sonbang ngawl tuucang pa nih le tuulano pa khat hunpih tuk a, olif situi tuah cawhhelmi cangho vam vawh khat le olif situi khuat khat hunpih bok tuk hi.

THIAMPI NADEHNAK 16:15

Mah nungten Israel tei sualhahnak tukin Keel cu ngo in, a thi cu Mun Thiangthobel ah hunpih tuk hi. Khuicang thi a theh bangbokin mah thi cu Thutiam Kuang sin le mailam mawkah theh tuk hi.

THIAMPI NADEHNAK 16:5

Israel mipi ten Aaron nelah sualnak biakpiaknak tukin keelcang pa nih, halkang biakpiaknak tukin tuucang pa khat pia haw tuk hi.

THIAMPI NADEHNAK 23:12

Topa i nelah biakpiaknak na bawl ni uhin, kum khat a kimmi sonbang ngawl tuucang pa khat vang halkang biakpiaknakin mang un hi.

THIAMPI NADEHNAK 4:23

a sualnak a theihdun bek ten, sonbang ngawlmi keelcang pa khat biakpiaknak tukin hunpih tuk hi.

THIAMPI NADEHNAK 4:3

Sathau thihmi Thiampi Sang cu sualin Israel tei nelah sualnak a hen tuk tale, a sualhahnak tukin sonbang ngawlmi khuicang hunpihin, Topa i lakah biakpiaknak bawl tuk hi.

THIAMPI NADEHNAK 9:2

Aaron lakah, “Khuicangno pa khat le tuucang pa khat sonbang ngawl veve la inna, Topa i nelah pia in; khuicang cu sualhah biakpiaknak tukin hi a, tuucang cu halkang biakpiaknak tuk hi.

THIAMPI NADEHNAK 9:4

pawlkom biakpiaknak tukin khuicang pa khat le tuucang pa khat vang hunpih haw hen. Situi cawhhelmi an tuah biakpiaknak tuah Topa i nelah pia haw hen hi. Itahim titale tuni in Topa cu a lak hawah lang tuk hi,” tin Moses in ti hi.

ROM Khua Khristian Tei Lakah Paul i Laikuat (Paul’s Letter to the Romans) 8:3

Mihing hihnak hi a nawmtam leita hangin daan i bawl theih ngawlmi khi Pathian in bawlsak hi. Ama Capa loli pia in, mihing hihnak sung a ummi sualnak khi thukhennak pia hi; mah a Capa cu sualnak bothaltik tukin mihing hihnak tuah hung hi.

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

MANGMUHNAK 5:9

La thak hi tin sa haw hi. “Nangmah cu laizial latu tukin le tacik duktu tukin tak ci. Itahim titale thahnak thuak zo ci a, na thihnak thawmin phun le nam hempoh le awn namkim ten za in, mi tampi Pathian nelah henpih ci.