THIAMPI NADEHNAK 7:2 - Ngawm Bible

² Halkang biakpiaknak a, man mi ngante a ngawhnak haw mun, biaklandawh saklam mawkah hi biakpiaknak ngan cu ngo in, a thi cu biaklandawh ningli ah noih hi tuk hi.

THIAMPI NADEHNAK 7:2 Iomraidhean Croise

ISAIAH 52:15

Miphun tampi ten a zoh haw ten, amthong haw tuk, Kumpi tampi ten lamdang sa in, ot tuk imah thei haw tukma. A zoh haw ten ni dangin, a theih awng haw ngawlmi thei haw tuk,” ti hi.

EZEKIEL 36:25

Tuithiang tuah theh tung a, milim biaknak le a nawngkaitiktu hempoh vang thiangthotik tung.

EZEKIEL 40:39

Hi khan ngengpi sungah cabuai pa li umin, mawk khatah pa nih veve um hi. Hi cabuai tei humah halkang biakpiaknak tukin hihen, sualhah biakpiaknak tukin hihen, kuan lehnak biakpiaknak tuk hihen, piakmi ngante ngawhnak mun hi.

THIAMPI NADEHNAK 1:11

Biaklandawh pen saklam mawkah a ngan cu ngo in, a thi cu biaklandawh i ningli ah thiampi ten theh haw tuk hi.

THIAMPI NADEHNAK 1:3

A khuihon lak pen halkang biakpiaknak a pia tale sonbang ngawlmi khuicang hi tuk hi. Topa sanmi hi tukin a khuicang cu Topa i umnak puanbuk kongka ah hunpih tuk hi.

THIAMPI NADEHNAK 1:5

Mahlaiah a khuicang cu ngo in, Aaron i capa thiampi ten mah khuicang i thi cu Topa i nelah a piak nung haw ten Puanbuk kongka a, um biaklandawh i ningli ah theh haw tuk hi.

THIAMPI NADEHNAK 14:13

Sualhah biakpiaknak tuk le halkang biakpiaknak tukin ngan a ngawhnak mun hawah mah tuucang cu thiampi in ngo tuk hi. Hihi cu a bawl hihim tukmi hi, itahim titale mawhnak biakpiaknak cu sualhah biakpiaknak bangin thiampi i covo cu a thiangtho zetmi hi.

THIAMPI NADEHNAK 3:2

A khui lu humah a khutsuan tuk a, Topa i umnak Puanbuk kongka ah a khui cu ngo tuk hi. Aaron casuan thiampi ten biaklandawh ningli ah khui thisan cu theh haw tuk a,

THIAMPI NADEHNAK 3:8

Mah a tuu i lu humah a khutsuan tuk a, Puanbuk kongka pen ngo tuk hi. A tuu thi cu Aaron hin thiampi ten biaklandawh ningli ah theh haw tuk hi.

THIAMPI NADEHNAK 4:24

Keelcang i lu humah a khutnga tuk a, halkang biakpiaknak ngan a ngawhnak haw biaklandawh i saklam mawkah ngo tuk hi. Hi cu sualhahnak tukin biakpiaknak hi.

THIAMPI NADEHNAK 4:29

Mah keelnu i lu humah a khutsuanin, halkang biakpiaknak a, ngan a ngawlnak haw biaklandawh pen saklam mawkah ngo tuk hi.

THIAMPI NADEHNAK 4:33

Mah tuu i lu humah a khutsuan tuk a, halkang biakpiaknak tuk a ngawhnak, biaklandawh pen saklam mawkah ngo tuk hi.

THIAMPI NADEHNAK 5:16

A piak ngawlmi Topa i na thiangtho cu kuan lehin, mah humah a valin, za ah sawm nih kuan tuk hi. Tuucang cu thiampi nelah pia tuk a, mahpa i mawhnak hangin thiampi in biakpiaknak bawlin, a mawhnak cu ngaihdam hi tuk hi.

THIAMPI NADEHNAK 5:7

Tuu hihen, keel hihen a pia thei ma tale, a sual biakpiaknak tukin khulo pa nih ahimata laileng pa nih, Topa i nelah pia tuk hi; pa khat cu sualhah biakpiaknak tuk hi in, a dang pa khat cu halkang biakpiaknak tuk hi.

THIAMPI NADEHNAK 5:9

A thi khenkhat cu biaklandawh mawkah theh tuk hi. A tangmi thi cu biaklandawh bulah caktik khawng tuk hi. Hi biakpiaknak cu sualhahnak tukin hi.

THIAMPI NADEHNAK 6:25

Aaron le a capa ten a nuailam a daante cu sualhah biakpiaknak a bawl haw ten a zui haw tukin pia hi. Sualhah biakpiaknak tukin ngan a ngawh haw ten, halkang biakpiaknak a, ngan a ngawhnak haw biaklandawh pen saklam mawkah ngo haw tuk hi. Hi sualhah biakpiaknak cu thiangtho zetmi hi.

THIAMPI NADEHNAK 6:7

Mahpa i sual hangin biakpiaknak cu thiampi in pia tuk a, ngaihdam hi tuk hi.

MIPUM SIALNAK 6:12

Nazir hi tukin a pumpi cu Topa i lakah pialeh tuk hi. A thianthohtik sa mi a sam cu a nawngkaitik hangin mah laihngawl a, hun hempoh cu a thawnthongin suak hi. Kuanleh biakpiaknak tukin kum khat kim tuucangno pa khat hunpih tuk hi.

HEBRU 11:28

Upnak a neih hangin Kaltan Puai cu bawlin kongka humah thisan theh tukin thupia hi. Mahtin a bawlnak cu Israel tei capa tawntil, a thattu vancungmi in that pahsuh hen tihnak hi.

HEBRU 12:24

Abel thisan sangin a thupha saw in, a sontu, Jesuh thehmi thisanah heng zo uh ci.

1 PETER 1:2

Jesuh Khrih i thu na zuinak tuk uhin le ama thisan tuah a thiantikmi na hih theihnak tukin nohte cu Pa Pathian tuptahnak bangin tenmi le ama hawvangin mi thiangtho ah a bawlmi hi uh ci. Pathian hehpihnak le lemdaihnak cu nangmu lakah lawhting zetin um tahen.