Topa i deihnak bangin a dektu cu thingkung bangin po hi; lei ko lak a, po thingzung bang hi. Zoh nop tukin a diangnak le mawinak nei ma. A lungmu le a mit uh a latu tukin mawinak imah nei ma.
Israel miten Pathian nelah biakpiaknak a bawl haw ten zui tukin a nuailam a daan na pia hi. Akua hei in Topa i nelah biakpiaknak a bawl tale, a khuihon sung pen, ahimata a tuu le a keelhon sungta pia hen hi.
Moses in, sualhah biakpiaknak tuk na tih uhmi keel i cungcang a dot ten, mei tuah haal zo haw tih cu thei hi. Aaron i capa pa nih Eleazar le Ithamar humah Moses cu a thinuk ngangai in,
a piak haw mi cu tuucang ahi tale, intuk biakpiaknakah sabit hai khat le a lang, an tuah biakpiaknak tukin olif situi hai khat le a lang tuah cawhhelmi cangho vam cuai khat vang pia tuk hi.
Mihing hihnak hi a nawmtam leita hangin daan i bawl theih ngawlmi khi Pathian in bawlsak hi. Ama Capa loli pia in, mihing hihnak sung a ummi sualnak khi thukhennak pia hi; mah a Capa cu sualnak bothaltik tukin mihing hihnak tuah hung hi.
Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.
