THIAMPI NADEHNAK 26:4 - Ngawm Bible

⁴ na ngam uh pen an suahnak tukin le na thingkung uhten ngah a ngah theihnak tukin van nguah a hun manno in zutik tung.

THIAMPI NADEHNAK 26:4 Iomraidhean Croise

ZEKHARIAH 8:12

Lungmuang zetin anci cing thei haw tuk toh hi. A sabit kung haw in, a ngah, ngah tuk a, leipi in, an suaktikin, nguah tampi zutuk hi. Ka miphun sung pen a tang calam tei humah hi bangin muicu pia tung hi.

SAAM LABU 67:6

Leingamin an suah zo; Pathian, a Pathian uhin muicu pia zo hi.

EZEKIEL 36:30

Na thingngah uh le na lo sung an uhte pungzaitik tung a, paam ngawltohin miphun tei lakah zakcaleh tukma toh uh ci.

ISAIAH 30:23

Anci na cin uhten Topa in nguah zutikin, phatik tuk a, an hau in, na ngan tei tatnak tuk ham dawnno tamzet tuk hi.

JOB Laibu (The Book of Job) 5:10

Leingam humah nguah zutikin, lo ngamte nawngtik hi.

DAAN PIAKLEHNAK 28:12

Van pen a muan bawm hongin, a hunkim ten nguah zutik tuk a, na nadehnak uh hempoh ah lawhtinnak pia tuk hi. Hinnam tampi tei lakah coih tuk uh ci; mahnaven noh ten leicawi tukma uh ci.

DAAN PIAKLEHNAK 11:14

Mahti bangin, na bawl uh tale, Topa in, na ngam uh i kulmi cuk nguah, khal nguah, a hunno in zutik tuk a, an le sabit le olif situi hau in,

THIAMPI NADEHNAK 25:21

Topa in kum luknak kum ten leingam cu muicu pia tuk a, kum thum tiang phat an suak tuk hi.

NUNGZUITU 14:17

Mahnaven thilpha bawlmi in amah um tih khi langtik leleng hi: van pen nguah zutikin, a huncan ten anci potik hi; tui le an pia in, na lung uh muang zetin bawl hi,” tin ti haw hi.

MATTHAI 5:45

Mahten vancung a um na Pa uh i cate hi tuk uh ci. Itahim titale Pathian in mipha le pha ngawl humah a bangtenno ni suaktikin, thilpha a bawltu le thilsia a bawltu tei humah bangtenno in nguahzutik hi.

SAAM LABU 85:12

Topa in mihau in bawl tuk a, a ngam uhah an tampi suak tuk hi.

SAAM LABU 68:9

Pathian in nguah tampi a zuktik hangin, leicul ngamkote hing lehtik ci.

MANGMUHNAK 11:6

Van khah theihnak thunei haw in, Pathian thu a phuan sung haw cu van pen nguahzu tukma hi. Tui hum hei ah thunei haw in, ciktuite khi thisan suaktik haw hi. Leipi hi a nuam hun haw poh ten pulhnat a phunkim hengtik theihnak thunei haw hi.

JAMES 5:7

U le naute aw, a Topa uh a hunleh laklawh thinsau zetin um un, lobung pa khi ngaisung teh un, a lo pen a sunglawi mi an a suah laihngawl sung zong thinsau zetin ngak hi. Khuapi nguah le cuk nguah heng tuk hi, tin thinsau zetin ngak hi.

JEREMIAH 14:22

Ngamdang mitei bawlmi milim ten nguahzutik thei ma hi. Van pen ama thu in nguahtui mal khatno hei caktik thei ma hi. Topa aw, kohtei Pathian, ka muansannak uh cu na lakah koih zo toh ung. Hi thil hempoh a bawltu cu nangmah bek hi ci.

ISAIAH 5:6

Hampa po in, dim khawng hen. Sabit kung cu thiangtik tukma toh ing, a bung vang bung tukma toh ing. Ling le buak dim khawng hen. Meinim hei nguahzutik pahsun, tin kham tung.”

SAAM LABU 104:13

Van pen mual humah nguahzutik ci. Leihum cu na muicu in dim hi.

1 KUMPI 17:1

Gilead ngam Tishbe khua pen Elijah a tih haw profet pa khat cu kumpi Ahab lakah hawhin, “A nungmi Topa, Israel Pathian, ka biakmi Topa i minin hilh ing. Keimah in nguahzu toh hen ka tih laklawh, tu pepan mailam kum nih ahimata kum thum sung cu daita hihen, nguahzu hihen um tukma hi,” tin hilh hi.

THIAMPI NADEHNAK 25:19

Leingam pen an suak tuk a, na eih nuam uhmi ngah khawng tuk uh ci, mahten ngam muang zetin um tuk uh ci.

DAAN PIAKLEHNAK 11:13

Mah a hih hangin tuni ka piakmi thukham hempoh hi zui un, Topa na Pathian cu na lungmu uh venghawng tuah it unna, a nadek un hi.

SAAM LABU 67:7

Pathian in muicu pia zo hi. Amah cu vanhaang nuai mi hempoh ten upat haw hen.

SAAM LABU 85:13

Topa i mai ah dikcangnak cu hawhin ama ca in lampi sial tuk hi.

JOEL 2:22

Ngamsate aw, lau pahsuh un; na tatnak tuk uh hamhing leleng tuk hi, thingkungte a ngah, ngahin, theipi le sabit vang ngahzet tuk hi.