Mahnaven ka lakah kiklehin, ka thupiakmi na zui uh tale, vanhaang nuai a tawp tian khen khek khawngmi na hi uh vangin, keimah na biaknak tukin ka tensa mi munah kiktikleh tung,’ tin na tihmi phawklengin hi.”
Hi thutiamnak cu a pu le pate tuah bawl ing. Amu ca thikseknak pummei bangmi, Izipt ngam pen ka puitul laih a, ka bawlmi thutiam hi. Ka thu ngai tukin le ka thupiakmi hempoh zui tukin thuhilh ing. Ka thu a ngai haw tale ka mi hi haw tuk a, a Pathian haw hi tung tin hilh ing.
Mahnaven a kum nganak ten a ngahte cu ei un hi. Hitih bangin na bawl uh tale na thingkungte cu tam sesemin ngah tuk hi. Keimah cu Topa na Pathian uh ing.
Lungmuang zetin anci cing thei haw tuk toh hi. A sabit kung haw in, a ngah, ngah tuk a, leipi in, an suaktikin, nguah tampi zutuk hi. Ka miphun sung pen a tang calam tei humah hi bangin muicu pia tung hi.
Biakinn ah na seh sawm seh khat uh cu a kimno in cawi unna, an tampi um tuk hi. Keimah hi khingkhai himpo hem un, vancung kongkate hong tung a, noh tei ca in thilpha namkim buaksuk tung hi.
Hi thupiakmi cu ngai a, komno in, na zui uh tale na pu le pa tei lakah thu a tep bangin Topa na Pathian uhin, a thutep khotikin, a kho mi a itnak cu na hum uhah langtik tuk hi.
A vansilh haw mi thianglim zetin, a sawpciangtute le nunnak thingkung le a ngah eih theihnak thu le khuapi kongka pi pen tum theihnak thu a neitute cu mi lungdam mi haw hi.
