THIAMPI NADEHNAK 2:9 - Ngawm Bible

⁹ A venghawngin Topa i nelah piakmi hi tih theih tupnak tukin thiampi in cangho demno cu la in, biaklandawh humah haal tuk hi. Mahti bangin halmi an ngim cu Topa i ca in namtui mi hi.

THIAMPI NADEHNAK 2:9 Iomraidhean Croise

SUAHTULNAK 29:18

Biaklandawh humah tuucang cik hempoh cu Keimah biaknakin, haal un hi. Hihi cu Topa i ca in halkang biakpiaknak hi, mei tuah biakpiaknak hi a Topa i lak pen a namtui mi hi.

ISAIAH 53:10

Topa in, “A thuak tuk cu keima deihnak hi. A thihnak cu ngaihdamnak a hengtiktu biakpiaknak hi. Kum ngeipi nungdamin, a casuante mu tuk hi. Ama sung pen ka tuptahmi kim tuk hi.

THIAMPI NADEHNAK 1:9

Amah in, a sungngilte le a nunglam ke cu somin, thiampi in cik cu biaklandawh humah a venghawngin halkang khawng tuk hi. Hi cu Topa i ca in, a namtui mi biakpiaknak hi.

THIAMPI NADEHNAK 2:16

Topa i lakah halkang biakpiaknak hi tih theihtupnak tukin na piak uhmi cangho vam khenkhat le situi le namtui hempoh cu thiampi in haal khawng tuk hi.

THIAMPI NADEHNAK 2:2

Aaron casuan thiampi tei lakah hunpih tuk hi. Ngawi vam sasang vut cu thiampi in khut pham khat cu situi le namtui tuah la tuk a, Topa i nelah piakmi hi tih theihtupnak tukin biaklandawh humah haal tuk hi. Mahti bangin an cang a halmi ngim cu Topa i ca in namtui mi na hihi.

THIAMPI NADEHNAK 2:8

Topa i nelah hunpih unna, thiampi nelah na pia un; mahten thiampi in biaklandawhah hawhpih tuk hi.

THIAMPI NADEHNAK 24:7

Topa i lakah an luih biakpiaknak cangho ai-in cangho thuang nih humah namtui a phabel koih un.

THIAMPI NADEHNAK 4:31

lemnak biakpiaknak cik i thau a lak haw bangin a thau la khawngin Topa i deihmi namtui hi tukin, biaklandawh humah haal tuk hi. Mahti bangin mahpa i sual hangin thiampi in biakpiaknak bawl tuk a, mahpa cu a sual ngaihdam hi tuk hi.

THIAMPI NADEHNAK 5:12

Cangho vam cu thiampi nelah hunpihin Topa i lakah cangkimno in piak khawng hi tih langtiknakin thiampi khut khat dim la in, biaklandawh humah haal tuk hi. Hi cu sualhah biakpiaknak hi.

THIAMPI NADEHNAK 6:15

A venghawngin Topa i nelah piakmi hi tih langtiknakin, cangho vam khut khat dim, situi le namtui a venghawng la in, biaklandawh humah haal tuk hi. Hi biakpiaknak cu Topa i nelah a namtui mi biakpiaknak hi.

ZEKHARIAH 13:7

Cungnungbel Topa in, “Maw, ngalnam, tho inna, ka ca in, nadektu tuucingte cu satin! That inna, tuute cu mun tihkimah lengkek khawng haw tahen. Mi nautate cu keimah in siatsuah tung a;

ZEKHARIAH 13:9

a tang calam khen thum khenkhat cu khingkhai tung a, ngun cu mei tuah a thiantik bangin thiangtik tung. Sui cu mei ah a khingkhai haw bangin khingkhai tung. Ka nelah thu a nget haw ten za tung. Ka mihing a hih haw hilh tung a, keimah vang a Pathian haw ka hihlam phuang haw tuk,” ti hi.

MIPUM SIALNAK 5:26

biakpiaknak a, manmi hi tih langtiknakin sangvut khut dimno cu la in, biaklandawh humah haal tuk hi. Nungdawlbelin tui cu numei nu intik tuk hi.

ROM Khua Khristian Tei Lakah Paul i Laikuat (Paul’s Letter to the Romans) 12:1

Mahti bang a hih hangin ka u le naute aw, Pathian i hehpihnak hangin Pathian nelah na pumpi uh cu a nungin apmi biakpiaknak bangin pia un tin ngen ing. A nadehnakah pum a pia mi le a lungdamtiktu hi tukin sawm ing. Mahmi cu Pathian nelah na piak tuk uhmi biaknak tatak hi.

ROM Khua Khristian Tei Lakah Paul i Laikuat (Paul’s Letter to the Romans) 15:16

Gentail mite cu Pathian nelah cosan takmi biakpiaknak bang a hihnak haw tukin le Hawvang Thiangtho i thawmin Pathian lakah apmi a hihnak haw tukin Pathian lak pen a hengmi Thuthangpha ka phuan ten thiampi bangin dek ing.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

FILIPI 2:17

Na upnak uh cu Pathian nelah biakpiaknak bangin na piak uhmi humah, thah tawkin ka nunnak thisan cu leih ahi tale mahmi cu ka lungdamnak hi tuk a, na venghawng uhin ka lungdamnak cu kawmbok nuam ing.

FILIPI 4:18

Atu na piak uhmi hempoh cu ngah ing hi tin ngan ing. Na piak uhmi cu a kulmi sangin a val tianin pia uh ci. Na laksawng uh hempoh cu Epafroditas in puakin, atu-in ka kincak hempoh cu ting khawng hi. Hi na laksawng uhte cu Pathian i lungdammi le a cosanmi biakpiaknak, a namtui mi pak namtui bang haw hi.