THIAMPI NADEHNAK 10:2 - Ngawm Bible

² Phawhkhak ngawlin, Topa i mai pen mei alh tulin, mah mei in kangin thi haw hi.

THIAMPI NADEHNAK 10:2 Iomraidhean Croise

2 Samuel 6:7

Topa Pathian cu Uzzah humah a thinukin, mah bangin upatnak a neih ngawl hangin Uzzah cu Thutiam Kuang elah thitik hi.

1 KUMPI 13:28

a hawh ten profet luang cu lampi ah lumin, a elah laak le kiosa a ding laihin, na mu hi. Kiosa in profet i luang cu ei ngawlin laak vang ei ma hi.

1 KUMPI 18:38

Mahbek ten Topa in mei alh khesukin, biakpiaknak cik le thing le suangte cu kang khawng hi. Lei vang kangko khawngin, khuk sung a, tuite vang kang khawng belh hi.

2 KUMPI 1:10

Elijah in, “Pathian i mihing ka hi tale van pen mei alh kulhsuk henna, nangmah le na mihingte kang khawng hen!” tin ti hi. Thakhat thu in, van pen mei alh caksukin, ngalbawipa le a ngalkapte cu kanghum khawng haw hi.

2 KUMPI 1:12

Elijah in, “Pathian i mihing ka hi tale van pen mei kulhsuk henna, nangmah le na ngalkapte kang khawng hen!” ti hi. A tih bek ten van pen Pathian mei alh kulhsukin, ngalbawipa le a ngalkapte cu kanghum khawng haw hi.

1 KHANGSIALNAK 13:10

Topa cu Uzzah humah a thinuk vutin, Thutiam Kuang a zen hangin Topa i mai ah thi hi.

1 KHANGSIALNAK 15:13

Hilai a na tel uh hi masabel hi sapma hi; Topa i lungkim bangin a biak uh ngawl hangin, Topa a Pathian uhin ohte cu bawlsia,” ti hi.

1 KHANGSIALNAK 24:2

Nadab le Abihu cu a pa haw i thih laihngawlin thi haw, canau a neih haw ngawl hangin a unau haw Eleazar le Ithamar ten thiampi dek haw hi.

JOB Laibu (The Book of Job) 1:16

Mahpa i awn a bo laihngawlin umlawh dang pa khat hengin, “Keek in, na tuuhon le na tuucingte khiakin, a venghawng thi khawng haw hi. Keimah bek hi zualkotu in cangca suakca ing,” tin Job cu hilh bok hi.

SAAM LABU 50:3

A Pathian uh cu hung naven mengdenno in hung ma hi. A mailamah mei alh huhum tuk a, a elkimah nase zetin huihpi theu tuk hi.

SUAHTULNAK 24:1

Topa in Moses lakah, “Mualhum kaito in, Aaron, Nadab, Abihu le Israel mi puitu sawm salih tuah ka lakah hung unna, a khawla thim pen na lu uh kunin, Keimah bia un hi.

ISAIAH 30:33

Meipi alhzet sung pen Assiria kumpi halnak tuk tin, ni dang lai pen mun pa khat cu ngaihsutsa in um zo toh hi. Mah mun cu thuk zetin, zalzet hi; thingte vang sangzet seh ham zo haw! Kaat mei tuah a bangvemi Topa i haihawhin haal tuk hi.

THIAMPI NADEHNAK 10:5

A tih bangin hawh haw in, a luang haw cu a puan haw tuah dangin Moses i thupiak bangin ngiahnak pualeu lamah koih haw hi.

THIAMPI NADEHNAK 16:1

Topa i nelah a thiangtho ngawlmi halkang biakpiaknak a bawl haw hangin Aaron i capa pa nih a thih nung haw ten, Topa in Moses nelah hi bangin thu hilh hi.

THIAMPI NADEHNAK 9:24

Phawhkhak ngawlin Topa in mei khesuk a, biaklandawh hum a, biakpiaknak cik hempoh le a thau cu kang khawng hi. Mahmi cu mipi ten amuh haw ten, au in, a mai haw lei tawngkha tianin bok haw hi.

MIPUM SIALNAK 16:35

Topa in mei alh khiasukin, namtui biakpiaknak a bawltu za nih le sawm nga cu kangtum khawng haw hi.

MIPUM SIALNAK 16:49

Korah ngal hangin a thi mi sial ngawlin, hi zavaat nat hangin mihing thawng sawm le thawng li le za salih thi haw hi.

MIPUM SIALNAK 26:61

Nadab le Abihu cu Topa i lakah a thiangtho ngawlmi biakpiaknak a bawl haw hangin thi zo haw toh hi.

NUNGZUITU 5:10

Thakhatin amah vang cu Peter i kebulah lumin, thi bok hi. Tangvalte cu tum haw a, thi zo tih amuh haw ten a pualamah zawng tulin, a pasal i khan elah vui bok haw hi.

NUNGZUITU 5:5

Mah thu cu Ananias in, a zak bek ten lumin thi hi; mah thu a theitu hempoh ten lau in, thinsu linglawng khawng haw hi.

1 KORIN 10:11

Hi bangin a hum haw a, na a heng mite hi midang tei zohteh tuk le ngallinnak tukin ngatmi hi. Itahim titale hun tawpnak a hen kuan hun sungah um zo hung hi.

1 SAMUEL 6:19

Beth Shemesh khua miten Thutiam Kuang sung a zohtum haw hangin, Topa in mi khenkhatte cu thatin, mihing sawm salih thi haw hi. Mi tampi Topa in, a thihtik hangin khua mite cu thasiazet haw hi.