THIAMPI NADEHNAK 1:4 - Ngawm Bible

⁴ a khuicang i lu humah a khutsuan tuk a sualhahnak tukin a ngan cu Topa i lakah biakpiaknakin san hi tuk hi.

THIAMPI NADEHNAK 1:4 Iomraidhean Croise

SUAHTULNAK 28:38

Aaron in, a calah belh tuk a, mahti bangin Israel miten Topa i lak a, a piakmi haw humah soiselnak um tukma hi. A piak haw mite cu Topa i santak a hihnak tukin mah calbelh cu Aaron in, a calah belh leleng tuk hi.

SUAHTULNAK 29:10

“Keima umnak Puanbuk maiah khuicang hunpih unna, Aaron le a capa ten a lu humah a khutsuan haw tuk hi.

SUAHTULNAK 29:15

“Tuucang pa khat la unna, Aaron le a capa ten a lu humah a khut haw suang haw hen hi.

SUAHTULNAK 29:19

“Tuucang dang pa khat la unna, Aaron le a capa ten a lu humah a khutnga haw hen hi.

SUAHTULNAK 29:33

A pumpiaknak haw le sathau thih laihin, a lak haw, a ngaihdamnak a hengtiktu cu amuh ten ei haw tuk hi. Hi an cu a thiangmi a hih hangin thiampi bekin ei haw tuk hi.

ISAIAH 56:7

“Ka mual thiangtho Zion ah, henpih tung; ka thungetnak inn pen lungdamnak pia tung a, ka biaklandawhah na piak uhmi biakpiaknak cu sang tung hi. Ka Biakinn cu miphun hempoh tei ca in thungetnak inn ti haw tuk,” ti hi.

DANIEL 9:24

“Sualnak le phatngawlnak pen na mihingte le na khuapi a luatnak tukin Pathian in kum sawm salih i let salih teksa zo hi. Sualnak cu ngaihdam hi tuk a, diknak cu kumkhua khohtik tuk hi, a hilhsami le na muhmite cu heng ngangai haw tuk a, Biakinn thiangtho cu a thakin, thianthohtik hileh tuk hi.

THIAMPI NADEHNAK 16:21

Mah keel lu humah a khut pa nihin suan tuk a, mah lu humah Israel hinnam tei phatngawlnak, sualnak le Pathian a dodalnak hempoh cu phuang khawngin, mahten keelcang humah hengtik khawng tuk hi. A cial haw mipa in keelcang cu phillawnah hawlvawk tuk hi.

THIAMPI NADEHNAK 16:24

Mun Thiangtho ah tuibualin ama puansilh tuk hi. Mahnung ten tulin Israel hinnam i sualnak le ama sualnak hahnak tukin halkang biakpiaknak bawl tuk hi.

THIAMPI NADEHNAK 22:21

Mi pa kha khatin, Topa i nelah lemnak biakpiaknak a bawl ten a thutepmi a cangkim theihnak tukin hihen, thatui zetin, a piakmi biakpiaknakah hihen, a ngan cu sonbang hihim ma hen.

THIAMPI NADEHNAK 3:13

a keel lu humah a khutsuan tuk a, Puanbuk maiah ngo tuk hi. Thiampi ten a thi cu biaklandawh ningli ah theh haw tuk a,

THIAMPI NADEHNAK 3:2

A khui lu humah a khutsuan tuk a, Topa i umnak Puanbuk kongka ah a khui cu ngo tuk hi. Aaron casuan thiampi ten biaklandawh ningli ah khui thisan cu theh haw tuk a,

THIAMPI NADEHNAK 3:8

Mah a tuu i lu humah a khutsuan tuk a, Puanbuk kongka pen ngo tuk hi. A tuu thi cu Aaron hin thiampi ten biaklandawh ningli ah theh haw tuk hi.

THIAMPI NADEHNAK 4:15

Israel mi puitu ten a lu humah a khut haw suanin, mah laih munah ngo haw tuk hi.

THIAMPI NADEHNAK 4:20

Sualhah biakpiaknak khuicang a bawl bangbokin hi khuicang vang cu Israel tei sualnak hangin thiampi in biakpiaknak bawl tuk a, ngaihdam hi tuk hi.

THIAMPI NADEHNAK 4:24

Keelcang i lu humah a khutnga tuk a, halkang biakpiaknak ngan a ngawhnak haw biaklandawh i saklam mawkah ngo tuk hi. Hi cu sualhahnak tukin biakpiaknak hi.

THIAMPI NADEHNAK 4:26

lemnak biakpiaknak a piak haw mi ngan tei thau a halkang bangin keelcang thau hempoh cu biaklandawh humah haal tuk hi. Mahti bangin puitu i sualnak hangin thiampi in biakpiaknak pia tuk a, puitu cu a sual ngaihdam hi tuk hi.

THIAMPI NADEHNAK 4:29

Mah keelnu i lu humah a khutsuanin, halkang biakpiaknak a, ngan a ngawlnak haw biaklandawh pen saklam mawkah ngo tuk hi.

THIAMPI NADEHNAK 4:31

lemnak biakpiaknak cik i thau a lak haw bangin a thau la khawngin Topa i deihmi namtui hi tukin, biaklandawh humah haal tuk hi. Mahti bangin mahpa i sual hangin thiampi in biakpiaknak bawl tuk a, mahpa cu a sual ngaihdam hi tuk hi.

THIAMPI NADEHNAK 4:33

Mah tuu i lu humah a khutsuan tuk a, halkang biakpiaknak tuk a ngawhnak, biaklandawh pen saklam mawkah ngo tuk hi.

THIAMPI NADEHNAK 4:35

Lemnak biakpiaknak cik, a thau a lak haw bangin, thiampi in, a thau la khawng tuk a, halkang biakpiaknak a piak haw mi an tuah Topa pia tuk a, biaklandawh humah haal tuk hi. Mahti bangin mahpa i sualhahnak tukin thiampi in biakpiaknak bawl tuk a, mahpa cu ngaihdam hi tuk hi.

THIAMPI NADEHNAK 4:4

A khuicang cu Topa i umnak Puanbuk kongka ah hawhpihin, a khui lu humah a khutsuan tuk a, Topa i mai ah a khui cu ngo tuk hi.

THIAMPI NADEHNAK 5:6

Sualhahnak tukin thiampi in biakpiaknak bawlsak tuk hi.

THIAMPI NADEHNAK 6:7

Mahpa i sual hangin biakpiaknak cu thiampi in pia tuk a, ngaihdam hi tuk hi.

THIAMPI NADEHNAK 8:14

Sualhah biakpiaknak tukin khuicang cu Moses in kai in, Aaron le a capa ten khuicang i lu humah a khutsuan haw hi.

THIAMPI NADEHNAK 8:18

Mahceng ten Moses in halkang biakpiaknak tuk khuicang cu hunpihin, Aaron le a capa ten tuucang lu humah a khutnga haw hi.

THIAMPI NADEHNAK 8:22

Mahten thiampi sathau thihnak tukin man tukmi tuucang pa nihnak cu Moses in hunpihin, Aaron le a capa ten tuucang i lu humah a khutsuan haw hi.

THIAMPI NADEHNAK 9:7

Aaron i nelah, “Biaklandawhah hawh inna, na sualnak le mipi tei sualnak cu hahsak a hih theihnak tukin hi sualhah biakpiaknak le halkang biakpiaknak cu bawlin hi. Hi biakpiaknak cu mipi tei sualhahnak tukin Topa i thupiaknak bangin bawlin,” ti hi.

MIPUM SIALNAK 15:25

Thiampi in mipi tei ca in thianthohnak tuk biakpiaknak cu bawl tuk a, ngaihdam hi haw tuk hi. Itahim titale bawl himmi hi ngawlin bawl khak sualmi a hih hangin sualhah biakpiaknak le halkang biakpiaknak Topa i lakah a piak haw hangin hi.

MIPUM SIALNAK 15:28

Topa i mitmuhin, a sualnak pen thiantik tukin thianthoh biakpiaknak cu thiampi in bawlsak tuk a, amah cu ngaihdam hi tuk hi.

MIPUM SIALNAK 25:13

Keimah langpangtu iti bang pathian hei pom thei ngawlin, Israel mipi tei sual ngaihdamnak vang a umtik hangin amah le a casuante cu kumkhua in thiampi hi haw tuk,” ti hi.

MIPUM SIALNAK 8:10

Israel mipi ten Levi mitei lu humah a khut haw nga haw tuk a,

MIPUM SIALNAK 8:12

Levi miten khuicang pa nih tei lu humah khutsuan haw tuk hi. Levi mite thianthohnak tukin khuicang pa khat sualhah biakpiaknak tukin piak hi tuk a, adang pa khat cu halkang biakpiaknak tukin piak hi tuk hi.

ROM Khua Khristian Tei Lakah Paul i Laikuat (Paul’s Letter to the Romans) 12:1

Mahti bang a hih hangin ka u le naute aw, Pathian i hehpihnak hangin Pathian nelah na pumpi uh cu a nungin apmi biakpiaknak bangin pia un tin ngen ing. A nadehnakah pum a pia mi le a lungdamtiktu hi tukin sawm ing. Mahmi cu Pathian nelah na piak tuk uhmi biaknak tatak hi.

ROM Khua Khristian Tei Lakah Paul i Laikuat (Paul’s Letter to the Romans) 3:25

Pathian in Jesuh Khrih i thisan hangin, misual ngaihdamnak a um theihnak tukin a tuptahmi hi, mah ngaihdamnak cu amah upnak hangin ngah haw tuk hi. Pathian in hi bang thil a bawlmi hi Ama diknak a langnak tukin hi. Nidang laihin Pathian cu a thinsau in, mihing tei sualnakte kinmawh ngawlin um san thong hi. Mahnaven atu-in ama diknak khi langciang tukin mihing tei sualnak cu mu thong thei lehma toh hi; mahtih bangin a diknak cu langtikin, mahten a umtu hempoh diknak cotik hi.

ROM Khua Khristian Tei Lakah Paul i Laikuat (Paul’s Letter to the Romans) 5:11

Hi bek hei kha ma laih hi; Pathian ngualcamin, a bawlsaktu a Topa uh Khrih hangin Pathian i thil bawlmi ah lungdamzet hung hi.

FILIPI 4:18

Atu na piak uhmi hempoh cu ngah ing hi tin ngan ing. Na piak uhmi cu a kulmi sangin a val tianin pia uh ci. Na laksawng uh hempoh cu Epafroditas in puakin, atu-in ka kincak hempoh cu ting khawng hi. Hi na laksawng uhte cu Pathian i lungdammi le a cosanmi biakpiaknak, a namtui mi pak namtui bang haw hi.

HEBRU 10:4

Itahim titale khuicang thisan le keel thisanin sualnak thiangtik thei awng ma hi.

1 JOHAN 2:2

Jesuh Khrih amah hangin a sualnakte uh ngaidam hi, eimu sualnak bek hi ngawlin mi hempoh tei sualnak vang ngaidam hi.