RUTH 4:6 - Ngawm Bible

⁶ Mahpa in, “Hi thu ah lo lei theihnak ka neihmi hi, mang tuk mang, itahim titale ka canau ten co ngawlin um kha haw kawn, nangmah in lei in hi. Kei cu lei tuk mang,” tin ti hi.

RUTH 4:6 Iomraidhean Croise

PIANPATNAK 38:8

Judah in Onan lakah, “Na u i zi tuah zaukawm unna, na u in casuan a neih theihnak tukin, a pasal i unau na hihnak na dehvo cu kimtik inna, na unaupa ca tukin ca nei in,” ti hi.

THIAMPI NADEHNAK 25:25

Israel mi pa kha khat a zawn hangin a leingam a zuak tale, a naibel unaupihin lei kikleh thei tuk hi.

DAAN PIAKLEHNAK 25:7

Mahnaven a unau pa in, a huai nuamma ahi tale numei nu cu khuasung upa lakah hawhpihin, ‘Ngaihsut pih tek un: ka pasal i unau pa in, a dehvo la nuam ma hi: Israel mi lak pen a unau i min cu nuntik tum ma hi,’ tituk hi.

DAAN PIAKLEHNAK 25:8

khuasung upa ten mahpa cu sam haw tuk a, hilh haw tuk hi. A huai nuam leleng ahimata,

DAAN PIAKLEHNAK 25:9

a unau pa i zi in khuasung upa tei maiah a pasal i unau pa i kedam pa khat cu laksak tuk a, ‘A unau ca in ca a neihsak nuam ngawltu cu hi bangin bawl tuk hi,’ a tih nungten a maiah cilsiak tuk hi.

RUTH 2:20

Naomi in, “A nungmi tei humah hihen, a thisa tei hum hei ah hihen hehpihnak a nei lelengtu, Topa in Boaz cu thupha pia tahen,” ti hi. Ruth lakah “Boaz cu ka phunpih ka unau ngangai hi. Eimuh a cingkhawitu tuk vang amah hi,” tin hilh hi.

RUTH 3:13

Tu zan cu hilai ah ngiak hih inna, zingten mahmi pa in dehvo la thei tuk maw, la thei tuk ngawl him tih sonciangleh nung. Amah in dehvo a la thei tale pha, a la thei ma tale keimah in dehvo la tung, tin, a nungmi Topa i minin thutiam ing.

RUTH 3:9

“Nang akua nge cim,” tin dong hi. “Na umlawhnu keimah Ruth ing hi, bawipa,” tin don hi. “Itahim titale na unaupih naino hi ing a, keimah cingkhawitu tuk na hih hangin na puan hu zawnin,” tin Ruth in ti hi.