RUTH 4:10 - Ngawm Bible

¹⁰ Mah i hum pen a thi zo mi Mahlon i zi Ruth cu ka zi hi tuk hi. Mahti bangin mithi pa i innkua le a hinnam cu ka miphun i lakah le a khua sungah um leleng thei tuk hi. Tuni in nohte cu hi thu ah theihpihtu uh ci,” tin ti hi.

RUTH 4:10 Iomraidhean Croise

PIANPATNAK 29:27

Ni pi khat, hih mopuai sung hi a ceng tian ngak inna, adang kum salih sung ka na nadeh sakleh tale, Rachel cu pia tung,” ti hi.

PIANPATNAK 38:9

Mahnaven Onan in, ca a cawi vangin ama casuan hi tukma tih cu thei hi. Mah hangin, a u i zi tuah a zaukawm sialin, a u i ca piang thei tuk ngawlin leiah caktik hi.

SAAM LABU 109:15

Topa in, a khelhnak haw cu thei leleng hen; Mahnaven amuhte cu phawhngilh khawng hi haw hen.

SAAM LABU 34:16

Mahnaven mipha ngawlte cu leihum pen, a min haw tian paithong tukin phiatvawk hi.

THUPAUCAP 18:22

Zi a muzote cu na pha mu na hi leng haw, mahmi in Topa i phatnak cu na humah langtik hi.

THUPAUCAP 19:14

Inn le sum le pai cu nu le pai lak pen ngahmi lo le lam hi. Mahnaven zi cip cu Topa i lak bek pen ngahmi hi.

ISAIAH 48:19

Na casuan uhte cu tuipi mawk a philnel zah haw tuk a, leihumah a pai thongmi hi tukma nave uhcin,” ti hi.

HOSEA 12:12

A pu uh Jakob cu Aram ngamah tai in, mahlai ah zi tuk tha lawhin tuu cing hi.

HOSEA 3:2

Mah hangin mah nu leinak tukin ngun tangka sawm le pa nga le barli cang seu salih pia ing.

ZEKHARIAH 13:2

Mah hun ten hi ngam milim tei min cu phiatvawk khawng tung a, kuamah in cing haw tukma toh hi. Profet ing tin, a titu hempoh cu lawl khawng tung a, milim biak nuamnak lungmu vang laksak khawng tung.

MALAKHI 2:14

Ita sang ma hum? tin dong uh ci. Ita sang ma hum titale na khangno laih uhin, na huai uhmi na zi uh tuah thutiamnak na bawl uhmi na siatsuah uh khi thei hi. Na zi uhte cu na ngualcam phabel hi in: muantak pasal hi tung, tin Pathian mai ah thutiamnak bawl uh ci, mahnaven na thutiam uhmi loli hei zuileh nuam ngawlin um uh ci.

EFESA 5:25

Pasalte aw, Khrih in pawlpi cu it in, a nunnak tian a piak bangin na zi uhte cu it un hi.

DAAN PIAKLEHNAK 25:6

Capa a nei tale, a thi tu a pasal i capa in sial hi tuk hi a, a hinnam sungah nuntik pepel hi tuk hi.

HEBRU 13:4

Huaidunnak cu kua hempoh i upat maizah tukmi hi. Nupi le pasal cu muantakin um veve haw hen. Nupa sualnak a bawltu le angkawm sualnak a bawltu cu thukhennak tawk haw tuk hi.

JOSHUA 7:9

A hilhnak haw thu Kanaan mite le midang ten a zak haw ten, keimuh cu kiimin, cimittik khawng haw tuk hi. Na min sunglawi cu itin kaw na cawisanleh tuk uh ti hi.

RUTH 4:9

Boaz in, “Hilai um upate le midang tei lakah Elimelech le a capa Chilion le Mahlon tei neihmi na hempoh Naomi lak pen ka leimi theihpihtu cu, nangmuhte hi uh ci.