RUTH 3:7 - Ngawm Bible

⁷ Boaz cu a in, a eih celh ten nopsa zetin barli cangtel tampi a koihnak hawah zau in hihbu hi. Ruth in ti dedenno Boaz i puan hongin, a kebulh zau bok hi.

RUTH 3:7 Iomraidhean Croise

PIANPATNAK 43:34

Josef cabuai hum a, ante cu la in, a unaupihte cu belh haw naven Benjamin cu a unau dang tei co mi sangin a let nga tamin, an pia haw hi. Josef tuah le ei in, nop zetin hun mang haw hi.

2 Samuel 13:28

Absalom in, a umlawh tei lakah, “Ammon hi zo kuh unna, zukham thahin, a um tale that tukin thupialeh tung hi. Lau nuam pahsuh un. Keimah in dehvo la ing. Ngaihsut hak pahsuh un. Ngalpha zetin bawl poh un hi,” tin tiam hi.

1 KUMPI 21:7

A zi Jezebelin, “Israel ngam kumpi hi ma cim maw? Tho in! Zau toh pahsun. Lungnopin um inna, an vang ei in hi. Naboth i sabit huan cu keimah in ngahtik tung hi,” tin tih hi.

Esther 1:10

An eih puai a bawl ni salih ni-in, kumpipa cu sabittui a inmi in, a lungmu sotik hi. Mah hangin tilngehmi a nadektu mihing salih Mehuman, Biztha, Harbona, Bigtha, Abagtha, Zethar le Karkas cu samin,

SAAM LABU 104:15

A lungnoptiktu tukin sabit, a lungdamtiktu tukin olif situi le a tha ngiltiktu tukin an bawlsak ci.

THUHILHTU 10:19

An cu mi lungdamtikin, sabit cu mi lungnoptiktu hi, sumin, na hempoh cangkimtik hi.

THUHILHTU 2:24

Mihing ca in, ei le in le, nopnak a ngahmi cu phabel hi. Mah hei cu Pathian kut sung pen a hengmi hi haw tih mu zo ing.

THUHILHTU 8:15

Mah hangin nopnak hi thilpha hi tin ti ing, itahim titale leihum mihing ca in, ei le in, le lungdam sangin, a pha saw mi imah umma. Vanhaang nuai Pathian piak mi hun comno a neih sungah hihi cu a nadeh haksa lak a, lungnoptiktu laksawng hi.

THUHILHTU 9:7

Hawh inna, na an cu lungnop zetin ei in hi. Na sabittui cu lungdam zetin, in pohin! Pathian in, na bawlmi cu lungkim pih zo hi.

1 KORIN 10:31

Hi zuh hi; iti bang nate na bawl uh hei in, na eih uhten hei hihen, na in uhten hei hihen, a venghawngin Pathian sunloihnakin bawl un hi.

EFESA 5:18

Micipte zukham pahsuh un, zu cu mi siatsuahtu bek hi. Mah sangin Hawvang tuah dim saw un hi.

THUKHENTUTE 16:25

Thawnginn pen Samson cu pui haw a, cekpan bawlnak mangin khuam pa nih laklawhah dingtik haw hi.

THUKHENTUTE 19:22

Mahti bangin nop zetin, a um haw laihtakin, khuasung mihuatsuak ten a inn cu kimin, kongka a seh nung haw ten inn neitu putekpa cu, “Na inn a, zintungpa suahin: sualpih nuam ung,” tin au leilui haw hi.

THUKHENTUTE 19:6

Mah hangin a sungca haw khung langkhatin, ei le in kawmin um haw hi. A pu in, “Tuzan cu camhihin, nopzetno in umhihin,” ti hi.

THUKHENTUTE 19:9

Levi mi pa, a zineu le a umlawhpa cu thawn pan haw in, a sung pa in, “Zo teh un, taklam zo si, tu zan cu camhih poh un, a ngei ngawlin khuathim paih tuk hi. Tuzan cu camhih unna, um hiahhuah hih un. Zingten zingtungno in tho unna, pinleh un,” tin hen lehleu hi.

RUTH 3:6

Mah hangin Ruth cu cangcilnak munah hawhin, a teknu i hilh bangin bawl khawng hi.

RUTH 3:8

Zan khuanu deuh ten Boaz cu khanglo to lokin, a kebul a zau lengmi numei amuh ten,