RUTH 2:12 - Ngawm Bible

¹² Hi ti bangin na bawlnak hangin Topa in thupha pia hi. Himnak deihin, a ha nuai a, na belhmi Topa Israel tei Pathian in, a laksawng cu a kimno in pia tahen,” tin ti hi.

RUTH 2:12 Iomraidhean Croise

SAAM LABU 17:8

Na mitcang na cinkhawi bangin kei hu cing zalin hi. Mipha ngawl ten kei do haw hi.

SAAM LABU 19:11

Na sila kei ciptikin, na daan thukham zui cu nemcuamnak ngengpi hi.

SAAM LABU 36:7

Maw Pathian aw, a kho mi na mi ihnak cu sunglawizet si! Miten na ha nuai ah himnak ngah haw hi.

SAAM LABU 57:1

Kei hu hehpih zalin, Pathian aw, hehpih zalin, na lakah himnak deihin hung ing A lauhuai huihsiapi a bo khawng laklawh, na ha nuai ah himnak ngah ing.

SAAM LABU 58:11

Miten, “Midik ten laksawng ngah tatak haw. Leihum buppi thukhentu Pathian um ngangai na hi,” tin ti haw tuk hi.

SAAM LABU 61:4

Ka dam sung hempoh, na puanbuk sungah umtikin hi. Na ha nuai ah himnak cotik zalin hi.

SAAM LABU 63:7

Itahim titale nang cu keimah bawmtu leleng ci. Na ha lim nuai pen lungdamnak lasa ing.

SAAM LABU 91:4

A ha tuah uapin, a cinkhawinak sungah him tuk ci. Muantak a hihnak cu na lumphol le na ngalnam hi tuk hi.

THUPAUCAP 11:18

Mipha ngawl ten nemcuamnak ngangai tawk thei haw ma hi. Mahnaven thil man na bawl tale laksawng piak co tatak tuk ci.

THUPAUCAP 23:18

Mahti bangin na um ahi tale na mailam vak tuk a, Na muansannak pai tukma hi.

JEREMIAH 31:16

Kap ngawltohin, suup inna, na hitui hu tohin hi. Na ca tei ca na bawlmite cu dehman laksawng ngah ngawlin um tukma ci. Ngal tei ngam pen kikleh haw tuk hi.

MATTHAI 23:37

“Jerusalem, Jerusalem! Na lakah Pathian in, a tiikmi profette thatin, suang tuah sep ci. Akpi i aknote a ha nuai ah a uap bangin na mite uap nuam li naveng nuam ma ci!

MATTHAI 5:12

Na thuakman uh cu nohtei ca tukin vancungah laksawng ngengpi koihsa in um, a hih hangin lungdam thatui in, um un. Nangmu laihngawl a profette vang cu mahti bang bokin bawlsiatnak thuak zo haw toh hi.

MATTHAI 6:1

“Biaknak lam pen thilpha na bawl uhmi cu miten mu haw nahen tin mi zapi mai ah bawl tuk ngawlin ngalling un. Mahti bangin na bawl uh tale vancung a um na Pa uh i lak pen thaman ngah tukma uh ci.

LUKA 6:35

Mahti bang kha ma hi! Na ngalte it unna, amu humah phatnak bawl un, ngahleh tung tin ngaihsutnak tuah sum leicawi pahsun hi. Mahti bang na bawl uh tale laksawng tampi ngahin, Cungnungbel Pathian i ca hi tuk uh ci. Itahim titale amah cu misual le lungdamnak thei ngawl tei humah hei in pha hi.

KOLOSE 2:18

Muhnak a cuangin nei ing tin midang sangin dangsa cuangin, a ngaisung duntu tei muhnak bekah niamkhiat cuang ing, a tiduntute le vancungmi a biatu ten hihen, kuamah in sual nawn haw pahsuh hen, Mahti bang mite cu sullam imah nei ngawlin mihing ngaihsutnak thongah tuangkhawng haw hi.

2 TIMOTE 1:18

Mah ni ten Topa in hehpihnak pia tahen! Mahten Efesa khua pen itihzah tian ka ca in nadek haw him tihvang thei ciangzet ci.

2 TIMOTE 4:8

Atu-in ka Topa thudik khentu Topa in, mah ni khua ten a piak tukmi nehnak laksawng cu ka ca in, a koihsami cu ngak ing. Mah laksawng cu dikcangnak lukhu hi, keima ca bek kha ma hi; itnak tuah a lang tukmi amah a ngaktu hempoh tei ca hei in hi.

HEBRU 11:26

Khrih ca in nautatnak thuak cu Izipt ngamsung a hauhnak hempoh sangin mannei saw, tin ngaisung hi. Itahim titale a muibatmi cu mailam ten a ngah tukmi laksawng hi.

HEBRU 11:6

Upnak ngawl tuah kuamah in Pathian lungdamtik theih ma hi, itahim titale Pathian a zuantu in Pathian um hi, tih le amah a zeitu tei lakah laksawng pia hi tih a up haw kul hi.

HEBRU 6:10

Pathian in mi deidan ma hi. Na nadeh uhmi ah Pathian na itnak uh langtikin, Khristian unaupihte na bopnak uh le atu na bop lih laih uhte khi Pathian in sialsiah sak leleng hi.

RUTH 1:16

Mahnaven Ruth in, “Nangmah zamin kik tuk cu tili toh pahsun. Na lakah hawhtik saw in, na hawhnak hempoh ah hawh bok tung. Na umnakah um bok tung. Na mihingte cu ka mihing hi bok tuk hi. Na Pathian vang ka Pathian hi tuk hi.

RUTH 2:11

Boaz in, “Na pasal thih sawng na teknu i hum a na bawl hempoh a venghawngin keimah hilh khawng zo haw hi. Na nu, na pa, na suahnak ngam na zamsannak le na hawh awng ngawl le na theih awng ngawl miphun lakah na hen thu vang za khawng zo ing.

RUTH 2:13

Ruth in, “Bawipa aw kei cu na nadektu pa khatno hei bangma na veng, na hehpihnak awnkam ka zak ten lungmuangzet ing, tin,” ti hi.

RUTH 4:15

Na capa i zi in nangmah itzet hi. Capa salihte sangin nemcuam saw hi. Atu-in, na tek ten nunnak thak piatu tuk le himnak piatu tukin tupa hinsak hi” tin ti haw hi.

1 SAMUEL 24:19

Akua kaw a ngal a mat ten himno in hahleh na zak awng? Ka humah na bawl bangin Pathian in muicu pia zal tahen.

1 SAMUEL 24:20

Atu-in Israel kumpi hi tuk ci, Israel ngam cu na uknak sungah kho tuk toh hi.