RUTH 1:16 - Ngawm Bible

¹⁶ Mahnaven Ruth in, “Nangmah zamin kik tuk cu tili toh pahsun. Na lakah hawhtik saw in, na hawhnak hempoh ah hawh bok tung. Na umnakah um bok tung. Na mihingte cu ka mihing hi bok tuk hi. Na Pathian vang ka Pathian hi tuk hi.

RUTH 1:16 Iomraidhean Croise

2 Samuel 15:21

Mahnaven Ittai in, “Maw kumpi pa, Pathian minsalin tiam ing hi; Na hawhnak hempoh ah thihnak mun ahi vangin hawh bok tung hi,” tin ti hi.

SAAM LABU 45:10

Maw kumpipa i khanglai ka hilhmi hi theihpih zalin hi. Na mihing le na innkuate phawkngil hihin hi.

THUPAUCAP 17:17

Ngualcam pha in itnak langtik leleng hi, haksatnak bawmdun ma tale u le nau hihnak i him a nemcuam?

ISAIAH 14:1

Topa in, a mi Israel tei lakah hehpih lainatnak neileh tuk a, ama mihingin tengleh tuk hi. Amu ngamah umlehtikin, amu lakah ngamdang mite hei um haw tuk hi.

DANIEL 2:47

Kumpi in, “Na Pathian hi pathian dang hempoh lak pen thawmngengbel hi; kumpi tei humah Topa hi a, thasiahhuai nate hilhciangtu Pathian hi. Hi cu thei ing, itahim titale thasiahhuai nate nangmah in hilhciang zo ci,” ti hi.

DANIEL 3:29

“Mah hangin atu-in thupia ing hi: Akua bang miphun le nam ahi haw hei in, iti bang awn mangtu ahi haw hei in, Shadrak, Meshak le Abednego tei Pathian upat ngawlin a awntu a um haw tale amuh cu a khut le a ke haw bawhkek khawngin le a inn haw cu buak vawknakin cang tuk hi. Hiti bangin mi humhim theitu pathian dang ilai hei ah umma,” ti hi.

DANIEL 4:37

“Atu-in, keimah Nebuchadnezzar in vancung kumpi upat, pahcawi in, sunloih ing. A bawlmi hempoh cu a manmi le a dikmi hi, pualthauzet nadektu cu khiaksuk hi,” tin kumpi in ti hi.

HOSEA 13:4

Topa in, Izipt pen a puitultu cu keimah Topa na Pathian uh ing. Keimah sial ngawl Pathian dang nei ma uh ci. Keimah bek cu nangmuhte pantu ing.

ZEKHARIAH 8:23

Judah mi pa khat nelah ngamdangmi sawm khat hungin, ‘Na nuncak khuasaknak sungah um nuam bok ung, itahim titale Pathian cu na nelah um tih thei zo ung, tin ti haw tuk hi.’ ”

MATTHAI 8:19

Daan zilhtu pa khat a lakah hungin, “Sazapa, na hawhnak mun hempoh ah nangmah zui tung,” ti hi.

JOHAN 13:37

Peter in, “Topa, atu-in ita zui thei tuk ngawl ing kaw?” Nangma ca in, a thi tukin a ngallingsa in um ing,” ti hi.

NUNGZUITU 21:13

Mahten Paul in “Ita hitin um kam uh ci! Hi bangin na kap uh tale ka thinnatik sesem tuk uh ci. Topa Jesuh ca in keen le khih bek hei in, tham ngawlin thih tuk tianin mansa zo ing,” ti hi.

1 THESALON 1:9

Na upnak thu uh a thei ngahtu hempoh ten nangmu lakah ka zin uhten itihzah khual pha uh cim tih le itih bangin milim zamsanin, Pathian lam hek uh cim tih le, a dikmi le a nungmi Pathian nadek tukin na zotnak thu uhte cu hilh haw in, a Capa vancung pen a hunnak tuk na ngahnak uh thute vang hilh haw hi.

JOSHUA 24:18

Mailam a hawh pepelnak uhah vangin Topa amah lelengin, hi ngamsung a um miphun le Amor mite cu hawlvawk khawng hi. Mah hangin ohte vang Topa bia bok tuk ung hi. Amah cu a Pathian uh hi,” tin ti haw hi.

MANGMUHNAK 14:4

Amuhte cu mi thiangtho, numei tuah sual awng ngawlmite hi haw in, khanglai thianlim bang haw a, tuuno i hawhnak hempoh ah zui haw hi. Mi hempoh lak pen tatlehmi hi haw in, Pathian le Tuuno lakah anthak bangin piak masabelmi hi haw hi.

RUTH 1:15

Mah hangin Naomi in, a lakah, “Ruth na pasal unau i zi cu a miphun pih tei lakah le a pathian lakah kikleh zo hi. Amah tuah innah pinkik bokin hi.”

RUTH 1:17

Na thihnakah thi bok tung, mahlai ah vui hi bok tung. Thihnak sial ngawl nang le kei a khenduntik tale Topa i bawlsiatnak ka humah heng tahen,” ti hi.

RUTH 2:6

A umlawhpa in “Naomi in Moab ngam pen a pinpihmi nu hi.

RUTH 4:15

Na capa i zi in nangmah itzet hi. Capa salihte sangin nemcuam saw hi. Atu-in, na tek ten nunnak thak piatu tuk le himnak piatu tukin tupa hinsak hi” tin ti haw hi.