RUTH 1:15 - Ngawm Bible

¹⁵ Mah hangin Naomi in, a lakah, “Ruth na pasal unau i zi cu a miphun pih tei lakah le a pathian lakah kikleh zo hi. Amah tuah innah pinkik bokin hi.”

RUTH 1:15 Iomraidhean Croise

2 KUMPI 2:2

a hawhlih haw laihin Elijah in, Elisha lakah, “Nang hilai ah hin na umin hi. Kei cu Topa in Bethel hawhtik hi,” ti hi. Elisha in, “Topa i min salin le nangma nunnak tuah thutiamdun ing. Nangmah cu kihsan hihim tuk mang,” ti hi. Mah hangin a pa nih haw in, Bethel ah hawh haw hi.

SAAM LABU 125:5

Misualte dan natat ten, a lampi pha ngawl a zuitute cu dantat bokin hi. Israel ngamah lemdaihnak um tahen!

SAAM LABU 36:3

A kam pen a tulmi cu sualnak le zolthu bebek hi. Phatnak le cihnak imah bawl ma hi.

ZEFANIAH 1:6

Keimah zamsanin, a zuileh ngawltu le ka nelah a hung ngawltu, keimah thu a sonpih ngawltu cu siatsuah khawng tung,” ti hi.

MIPUM SIALNAK 10:30

Hobab in, “Hung tuk mang; ka ngam le ka miphun tei lakah kik saw tung hi,” tin don hi.

LUKA 24:28

A hawhnak tuk khua a hen kuan haw ten, Jesuh cu hawhvawk tuk bangkekin um hem hi.

HEBRU 10:38

A dikcangmi ka miphun ten sangin nung haw tuk a, mahnaven nungkiktu a um haw tale, a hum hawah ka lungdam tuk mang,” ti hi.

JOSHUA 24:15

Topa i na nadeh nuam uh ma tale, tuni in teng un; Mesopotamia ngam na pu le pa tei biakmi pathian maw na biak tuk uh; mahma tale atu na umnak ngam a neitu Amor mitei pathian kaw na biak tuk uh, teng un. Kei le ka innkua hawng uhin Topa i na bek dek tuk ung,” ti hi.

JOSHUA 24:19

Joshua in, a lak hawah, “Topa i na cu dek thei sap tukma uh ci; itahim titale amah cu a thiangthomi Pathian le micing thei Pathian hi. Na khelhnak uh le na sualnak uhte ngaidam tukma hi.

1 JOHAN 2:19

Hite hi eimu mi ngangai a hih haw ngawl hangin taisan haw hi. Eimu sung a telmi tatak ahi haw tale pawlkom leleng haw tuk hi. Hitih bangin a tul sannak haw cu a muhte eimu pawl sung a, mihing ngangai hi haw ma hi tih langtik hi.

THUKHENTUTE 11:24

Mahmi cu lakleh tum cim maw? Na pathian Khemosh i piakmi hempoh na co tuk hihim hi. Mahti bang lengin, Topa ka Pathian i piakmi hempoh cu ka co tuk uh hihim bok hi.

RUTH 1:14

Kap leleu haw a, Orphah in, a teknu cu thutin, a nuksat ceng ten innah pinleh hi. Ruth in, a teknu cu pom lo hi.

RUTH 1:16

Mahnaven Ruth in, “Nangmah zamin kik tuk cu tili toh pahsun. Na lakah hawhtik saw in, na hawhnak hempoh ah hawh bok tung. Na umnakah um bok tung. Na mihingte cu ka mihing hi bok tuk hi. Na Pathian vang ka Pathian hi tuk hi.