ROM Khua Khristian Tei Lakah Paul i Laikuat (Paul’s Letter to the Romans) 7:4 - Ngawm Bible

⁴ U le naute, nangmu thu ah vang mahtih bang lelengin hi. Daan thu son ka hi tale, nohte cu Khrih pumpi i khenkhat na hih zo uh hangin a thi mi hi uh ci. Mahnaven atu-in Pathian i nadehnakah nemcuammi na hih theihnak tukin thihnak pen thawhlehtikmi pa ta hi zo uh ci.

ROM Khua Khristian Tei Lakah Paul i Laikuat (Paul’s Letter to the Romans) 7:4 Iomraidhean Croise

ISAIAH 54:5

Nangmah a piangtiktu, Cungnungbel Topa cu na pasal bang hi tuk a, A thiangtho Pathian, Israel i Pathian in pan tuk hi. Amah cu leihum buppi uktu hi.

ISAIAH 62:5

Tangval in khanglai thiang a huai bangin, nangmah vang a bawltu pa in huai tuk hi. Tangval cu a khanglainu i humah a lungdam bangin, Pathian cu na humah a lungdam bok tuk hi.

MATTHAI 26:26

An a eih haw laih takin Jesuh in cangho cu la in, lungdam thu a hilh celh ten bothemin, a nungzuitu tei lakah pia hi. “La unna, ei un; hihi ka taksa hi,” ti hi.

MARKA 4:20

Lei ngampha mun a, cumi ancite cu Pathian thu komno za a, lungdamzetno sangin, a let sawm thum, a let sawm luk, a let za khatin ngah haw hi.

JOHAN 15:8

Noh ten ngah tampi na ngahnak uh i hu le thawm hangin ka Pa i sunloihnak na langtik uh hangin ka nungzuitu na hih theihnak uh hi.

JOHAN 3:29

Huaimi mothak cu a huaitu tangvalpa ta hi; mahnaven zihuaitu tangvalpa i ngualcam, dingin, a aw nging a ngaitu pa cu, tangvalpa i aw a zak ten a lungdamnak cu cangkim hi.

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

ROM Khua Khristian Tei Lakah Paul i Laikuat (Paul’s Letter to the Romans) 6:11

Mahti bang bokin nangmuh vang sualnak lam pen mithi hung tin ngaisung bok unna, nunnak lam thu ah Khrih Jesuh i hangin Pathian tuah phialdunin nung hung, tin ngaisung un hi.

ROM Khua Khristian Tei Lakah Paul i Laikuat (Paul’s Letter to the Romans) 6:14

Sualnak cu nangmuh uktu bawi hi lehma toh hen; itahim titale daan nuai ah umleh ngawltohin, Pathian hehpihnak nuai ah nung zo uh ci.

ROM Khua Khristian Tei Lakah Paul i Laikuat (Paul’s Letter to the Romans) 6:2

Bawl hihim tukma hung. Sualnakah thi ceng zo a hih uh hangin, itin kaw a sungah a umleh theih tuk toh uh?

ROM Khua Khristian Tei Lakah Paul i Laikuat (Paul’s Letter to the Romans) 6:22

Mahti bangin thil sual i thaman cu thihnak hi! Mahnaven atu-in sualnak pen luattik hi zo uh ci, Pathian i sila in cang zo uh ci. Na met uhmi cu Pathian nelah nunnak na ap khawng uhmi nunnak thiang hi, mahmi i a suahpihmi cu kumkhua nunnak hi.

ROM Khua Khristian Tei Lakah Paul i Laikuat (Paul’s Letter to the Romans) 7:3

Pasalte nungleng napi in pano dang tuah a um kawm haw tale nupa sualnak a bawltu hi; mahnaven a pasal a thi tale midang a pasal vangin nupa sualnak bawltu hi lehma toh hi.

ROM Khua Khristian Tei Lakah Paul i Laikuat (Paul’s Letter to the Romans) 7:6

Mahnaven atu-in Daan pen luat zo hung hi; itahim titale sila in, a cangtiktu daanah mithi hi zo hung hi. Lai tuah ngatmi daan i lampi lun tuah hi ngawlin hawvang i piakmi lampi thak sungah Pathian i na dek hung hi.

ROM Khua Khristian Tei Lakah Paul i Laikuat (Paul’s Letter to the Romans) 8:2

Itahim titale Khrih Jesuh tuah pehzopnak hangin nunnak a piatu Hawvang daan in sualnak le thihnak daan sung pen luattik zo hi.

1 KORIN 10:16

Topa i Takeih eihnakin, a man uhmi khuathai ca in Pathian nelah thungenin lungdamnak hilhin, a in uhten hi khuathai cu Khrih i thisan kawmdun hi ma hung maw? Mahten Cangho a eih uhten Khrih i pumpi kawmdun hi ma hung maw?

2 KORIN 11:2

Pathian in mi a cin bangin kei hei in cing mahtak bok ing. Nohte cu Khrih amah bek tuah huaidun tukin ka hamsami khanglai thiangtho bang hi uh ci.

GALATI 3:13

Mahnaven Khrih cu eimu ca in tamsiatmi a hih hangin Daan i henpihmi tamsiatnak pia in, tanleh zo hi. Itahim titale Lai Thiangtho in, “A kuakua hei hihen thing hum a takmi cu Pathian i tamsiatnak cotu hi,” ti hi.

GALATI 5:18

Pathian Hawvangin lam a huai tale Daan nuai ah a nungmi hi lehma toh uh ci.

EFESA 2:15

Judah tei daan cu thukham le thupiakmite tuah phiat khawng hi. Mahti bangin a bawlnak cu amah Khrih tuah a pehzop dunnak hangin miphun pa nih cu miphun a thak pa khatin, a cantiknak tukin hi. Mahtin a bawl hangin lemnak umtik hi.

FILIPI 1:11

Jesuh Khrih bek i piak theihmi ngamtat pha ngangai cu na nunnak uhah dim tuk a, mahmi cu Pathian thangphatnak le sunloihnak tukin hi.

FILIPI 4:17

Ka deihmi cu na laksawng uh ngah tuk bek hi kha ma hi; nangmu cazin sungah a met um bok hen tih hi lak nuam ing.

KOLOSE 1:10

Mahten Topa i deihnak bangin nung thei tuk uh ci, amah lungdamtik leleng thei tuk uh ci. Mahten na nunnak uhin ngah pha a phunkim ngah tuk a, Pathian na theihnak uhah khangto pepel tuk uh ci.

KOLOSE 1:22

Mahnaven atu-in, a Capa i taksa pum loli in thihnak a thuaknak i hangin, Pathian in, a ngualcamin bawl hi. Mahtin a bawlnak cu a mai ah mi thiangtho, sualnak nei ngawlin le sonbang ngawlin hentik a nuamnak hangin hi.

KOLOSE 1:6

Pathian i hehpihnak na theih masakbel ni uh pepan atu tian, Thuthangpha in muicu cu nohtei lakah henpihin leihum khua hempoh ah zaitik hi.

KOLOSE 2:14

A sualnak leiba sialsiahnak cazin sung a ummi, mi a ken lotu daan neunote tuah thinglamteh humah khencihin phiat mai khawng zo hi.

KOLOSE 2:20

Khrih a thih ten nohte vang cu thi bok uh ci; mah hangin van le leihum uktu hawvang i khut sung pen nohte luat zo uh ci. Mahti bang hi na pi in, itakaw leihummi bangin na nun uh laih? Daan noinang ten,

HEBRU 10:10

Itahim titale Pathian i dehtik a nuammi cu Khrih in, a bawl khawng hangin ama pumpi kumkhua phatmi a piaknak hangin ohte a sualnak uh pen thiangtik hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

MANGMUHNAK 19:7

Lungdam thatui in um nung! A thawmngennak cu pahcawi nung; itahim titale Tuuno mopuai hun heng zo hi, a khanglai nu vang mopuai bawl tukin a mansa hilhialin um zo hi.

MANGMUHNAK 21:9

Vancungmi salih lak pen a dawltabel vancungmi, a lauhuai bawlsiatnak salih tuah a dimmi khuat salih a cawitu in ka nelah, “Hungin hi, Tuuno i zi tuk mothak lak nang,” ti hi.