ROM Khua Khristian Tei Lakah Paul i Laikuat (Paul’s Letter to the Romans) 5:2 - Ngawm Bible

² Upnak hangin a co uhmi Pathian i hehpihnak sungah Aman henpihin, atu-in mah a hehpihnak sungah um hung. Mah hangin Pathian i thawm ngengnak co thei bok tuk hung tih muansannak a um hangin lungnopzet hung hi.

ROM Khua Khristian Tei Lakah Paul i Laikuat (Paul’s Letter to the Romans) 5:2 Iomraidhean Croise

SAAM LABU 17:15

Mahnaven kei in diknak tuah na maimu tung hi. Ka khatlawh ten na maimu in, ka lungdamnak kim tuk hi.

SAAM LABU 73:24

Na ngaihsut phatnak tuah kei pui ci. A tawpnakah upat minthannak tuah nangmah in kei pom ci.

THUPAUCAP 14:32

Mipha ngawlte cu amu bawlmi phat ngawlnakin siatnak henpih hi. Mahnaven miphate cu a diknak haw in, amuh hup hi.

HABAKKUK 3:18

Ka lungdamin ka thinnop leleng tung hi. Itahim titale Topa Pathian cu keimah pantu pa hi.

MATTHAI 25:21

A bawipa in, ‘Umlawh pha, muantakzet ci! A dawmno i humah muantak na hih hangin tampi cingtu in bawl tung hi. Hung inna, ka lungdamnak puai sungah tel bokin,’ tin ti hi.

JOHAN 10:7

Mah hangin Jesuh in hi bangin hilhleh hi. Thutakin hilh ing. Keimah cu tuu tei tumnak kongka ing.

JOHAN 10:9

Kei cu kongka tumnak ing. Keimah tawnin, a hawhtu pawpoh cu nunpatnak ngah tuk hi. Tumtuak, tultuakin hamhing dimdem mu haw tuk hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 5:24

Thutakin hilh ing; kua hei hihen ka otmi zain, kei a tiiktu a um tale kumkhua nunnak nei hi. Thukhennak tawk ngawltohin, thihnak pen nunnakah tum zo hi.

NUNGZUITU 14:27

Antiok khua a hen haw ten pawlpi mite cu hulawmin, Pathian in amuhte a mandan le Gentail mite Pathian thu um tukin lampi a honsaknakte hilh haw hi.

ROM Khua Khristian Tei Lakah Paul i Laikuat (Paul’s Letter to the Romans) 11:20

Mahmi cu thuman hi: amu Judah mite cu a up haw ngawl hangin talhmi hi haw hi; nohte cu na up uh hangin hi mun hi luah uh ci. Mahnaven pualthau in, ultung kha pahsuh un! A lau in lau saw un hi.

ROM Khua Khristian Tei Lakah Paul i Laikuat (Paul’s Letter to the Romans) 12:12

Na muansannak uhin, na lung uh damtik hen; haksatnak na tawh uhten thinsau in um un; catngawlin thungen un.

ROM Khua Khristian Tei Lakah Paul i Laikuat (Paul’s Letter to the Romans) 14:4

Mi pa khat i umlawh thu ah i hangin kaw thukhentu na nadeh nuam lih uh? A umlawh cu lawhting maw tingsam kaw tih cu a Topa i thubek hi. Mahnaven a lawhtingmi hi tuk, itahim titale Topa in lawhtingin bawl thei hi.

ROM Khua Khristian Tei Lakah Paul i Laikuat (Paul’s Letter to the Romans) 15:13

Hawvang Thiangtho i cahnak thawmin, na muansannak uh cu khang tawto hen na, muansannak bulpi Pathian in, amah na upnak uh thawmin lungdamnak le lemdaihnak phunkim tuah dimtik tahen.

ROM Khua Khristian Tei Lakah Paul i Laikuat (Paul’s Letter to the Romans) 2:7

Mi khenkhat ten thilpha bawl lelengin sunloihnak, minphatnak le kumkhua nunnak zei haw hi; Mah mite cu Pathian in kumkhua nunnak pia tuk hi.

ROM Khua Khristian Tei Lakah Paul i Laikuat (Paul’s Letter to the Romans) 3:23

Mah hangin deidat dunnak imah umma toh hi; a venghawng uhin misual hung a, Pathian i sunloihnak co baan ma hung hi.

ROM Khua Khristian Tei Lakah Paul i Laikuat (Paul’s Letter to the Romans) 5:5

Hi muansannakin, a lung uh siatik ma hi, itahim titale Pathian in, a itnak cu Hawvang Thiangtho mangin eimu thin sungah buak zo hi. Mah Hawvang Thiangtho cu Pathian piakmi laksawng hi.

ROM Khua Khristian Tei Lakah Paul i Laikuat (Paul’s Letter to the Romans) 8:1

Atu-in Khrih Jesuh tuah a pehdun mitei ca in sual thukhennak pen luat zo haw toh hi.

ROM Khua Khristian Tei Lakah Paul i Laikuat (Paul’s Letter to the Romans) 8:24

Itahim titale muansannak bek tuah nunpatmi hung hi. A muansan uhmi khi amu thei uh tale muansannak ngangai hi ma hi. Kua kaw a mitin, a muh theihmi cu a muansan awng?

1 KORIN 15:1

U le naute aw, nohtei lakah ka phuanmi Thuthangpha khi tu in theilehtik nuam ing. Mah Thuthangpha cu na pom sa uhmi le na upnak uh kho zetin, a dinnak mun hi.

2 KORIN 3:18

Ohte hei cu a venghawng uhin a mai uh puan tuah tuammi a hihleh uh ngawl toh hangin Topa i sunloihnak cu thalang bangin a langtiktu hung hi. Mah sunloihnak cu Hawvang a himi Topa i lak pen a hun hangin a nunnak uh sunglawi sesemin le amah bang dedeuhin thek tawto hi.

2 KORIN 4:17

Mahten haksatnak hun comno sung ka tawh uhten a let tampi in kumkhua sunloihnak pia tuk hi.

EFESA 2:18

Khrih i hangin Judah mi hihen, Gentail mi hihen, a venghawng uhin Pa Pathian mai ah Hawvang pa khat i hangin zuan thei hung hi.

EFESA 3:12

Khrih tuah a pehzop dunnak uh i hangin le Amah a upnak uh i hangin Pathian umnak munah lungmuang zetin tum theihnak nei hung hi.

EFESA 6:13

Mah hangin tu pepan Pathian i ngalthuam khi silh unna, hun sia a hen ten na ngal uhte cu do thei in, a tawp tian na do nung uhten na dinmun uh cu hum ngah tuk uh ci.

2 THESALON 2:16

Kohte it in, a hehpihnak i hangin catngawlin ngilnak le muankhonak a piatu Topa Jesuh Khrih le Pa Pathian in,

HEBRU 3:6

Mahnaven Jesuh cu Pathian i innkua ah muantak, Pathian i Capa hi. Oh ten a ngaihsut san uhmi khi khohkhahzet le ngalpha zetin, a lenkhim uh tale, a innkua hi hung hi.

HEBRU 6:18

Hi thu pa nih hi thek thong theih ngawlmi a hih hangin Pathian hei in hi thu humah zolthu sonnuam ma hi. Mahti bang a hih hangin ama lak pen humhimnak a ngahtu cu ngalphatnak le thathonak ngengpi nei in, a mai uhah a koihsami muansannak cu khimzet pom hung hi.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

MANGMUHNAK 21:11

Pathian sunloihnak tuah a vakmi khuapi hi. Jasper tihmi suang manpha bang de in, thalang bangin ciang hi.

MANGMUHNAK 21:23

Ni le hade tei vaknak vang kulma hi. Itahim titale Pathian sunloihnak cu mah khuapi ah vakin, a mei inn haw cu Tuuno hi.

MANGMUHNAK 21:3

Kumpi khunnak pen aw ngingzet ka zakmi in, “Pathian umnak inn cu mihing lakah hi zo! Amah cu amu lakah um tuk a, amuhte cu ama mihing hi haw tuk hi. Pathian amah loli cu amu lakah um tuk a, a Pathian haw hi tuk hi.

MANGMUHNAK 3:21

Nehtu hi zo ing a, atu-in ka pa i kumpi khunnak humah ka khun bangin nehtute cu ka kumpi khunnak humah khun theihnak thupia tung hi.