ROM Khua Khristian Tei Lakah Paul i Laikuat (Paul’s Letter to the Romans) 4:2 - Ngawm Bible

² Thil a bawlmi hangin Pathian tuah lemdunnak co a ti uh ahin, tuangkhawn tuk dawmlaih cu neibel tuk hi! Mahnaven Pathian i mai ah tuangkhawn tuk imah nei ma hi.

ROM Khua Khristian Tei Lakah Paul i Laikuat (Paul’s Letter to the Romans) 4:2 Iomraidhean Croise

PIANPATNAK 12:18

Izipt kumpipa in, Abram cu samin, “Ita hi bangin kei bawl cim? Itakaw ka zi hi tin ciangno na hilh ngawl?

PIANPATNAK 12:20

Kumpipa in, a khutnuai tei lakah thupia in, Abram cu a zi Sarai le a neihmi hempoh tuah Izipt ngam pen hentul haw hi.

EZEKIEL 8:9

“Tum inna, mahlai a, ningdelhhuai a bawl haw khi zo in ti hi!”

ROM Khua Khristian Tei Lakah Paul i Laikuat (Paul’s Letter to the Romans) 15:17

Khrih Jesuh tuah pehzopnak hangin Pathian na ka dehmi ah mitmai phatnak nei ing.

1 KORIN 1:29

Mahtibang a hih hangin Pathian mai ah kuamah in tuangkhawng thei haw tukma hi.

1 KORIN 1:31

Mah hangin Lai Thiangtho in; “Akua hei hihen a tuangkhawng nuam ten, Topa i bawlmi hum bekah, tuangkhawng hen,” ti hi.

1 KORIN 4:7

Kua in kaw midang sangin cuangcung deuh tukin a bawl? Na neihmi hempoh hi Pathian piakmi hi khawng ma maw? Mahti bangin laksawngin, na ngahmi ahi tale itin kaw na ultung theihnak a um?

1 KORIN 9:16

Thuthangpha ka phuannak hangin ultung theihnak nei mang hi. Hi bangin ka phuannak cu thupiakmi ka hih hangin hi. Thuthangpha phuang ngawlin ka um tale ka matan bing thong hi.

2 KORIN 11:12

Nungzuitu hi bok ung a titu ten, “Amuhte bangbokin, na dek bok ung hi,” tin, a tuangkhawng theih haw ngawlnak tukin atu a, ka bawlmi hi pehzom sesem tung hi.

2 KORIN 11:30

A tuangkhawng tukmi ka hi tale ka thanemnak a langtiktu thil humah tuangkhawng tung hi.

2 KORIN 5:12

Nangmu lakah ka phatnak uh langtikleh nuam hi kha ngawlin, keimuh hangin maiphatnak na co theihnak tuk uhin, hun pha nangmu lakah piak tukmi hi ka zuam uhmi na hi saw hi. Mahti bangin mi khenkhat, sunglam ziaza zo ngawlin a pualam muh theihmi thu ah a tuangkhawng thei mite khi a thu haw don thei tuk uh ci.

GALATI 3:22

Mahnaven Lai Thiangtho in, “Leihum buppi hi sualnak huham i nuai ah um,” ti hi. Mah hangin Jesuh Khrih muansannak hang bekin tepsami Pathian i thutepnak laksawng cu a umtu hum bekah piak hi.

FILIPI 3:9

Amah i hangin ihempoh cu vawk khawng ing. Khrih ka co theihnak tukin le amah tuah thiamting zetin ka pehzomdun theihnak tukin ihempoh hi buak bang thongin ngaisung ing. Keima bulin dikcangnak nei lehma toh ing. Atu a dikcangnak ka neihmi cu Khrih upnak hangin piakmi diknak hi; upnak thawmin Pathian lak pen a ngah uhmi diknak hi.

JOSHUA 24:2

Joshua in, a lak hawah, “Israel tei Pathian Topa in, na lak uhah, ‘Tanglaih cawngin, na pu le pa uhte cu Eufrates ngun ngal lamah um haw in, pathian dadang bia haw hi. Mah na pu le pa lak pen pa khat cu Abraham, le Nahor i pa Terah hi.