ROM Khua Khristian Tei Lakah Paul i Laikuat (Paul’s Letter to the Romans) 3:4 - Ngawm Bible

⁴ Pathian vangin amu humah muantak ngawl hi bok ni maw? Mahtin hi ma hi! Mi hempoh zolthu sontu ngeh ahi haw hei in, Pathian cu a manmi le muantakmi hi tuk hi, Lai Thiangtho in: “Na ot ten na otmi man hi tih langtiknak tukin le thukhen ten na neh theihnak tukin,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 3:4 Iomraidhean Croise

JOB Laibu (The Book of Job) 36:3

Keimah Semsuahtu Pathian hi dikcang hi, tih langtiknakin, ka thutheihnak cangkim zetmi hi, ka theih zahin mang tung.

JOB Laibu (The Book of Job) 40:8

A dikcang ngawlin kei bawl tum cim? Kei hi misualah koihin, nangmah saw a dikcangmi in ngaisung duncop tum cim?

SAAM LABU 100:5

Itahim titale Topa cu pha hi. A itnak cu kumkhua in kho hi; Muantak a hihnak cu khang khat nung khang khatin kho hi.

SAAM LABU 116:11

Thinsuk launak nei ing a, “Muantak kuamah um haw ma,” Ka tih hei ten, ka muannak cu kiam cuang ma hi.

SAAM LABU 119:160

Na daan i a mu ngil cu thutak hi. Na thukhennak cu dikcangin, kumkhua in kho hi.

SAAM LABU 138:2

Na Biakinn thiangtho lam hekin kun ing; A thek awng ngawl mi na ihnak le muantak na hihnak hangin; nangmah le na thupiakmite cu a sangbelin, na langtik hangin, Na min cu thangphat ing.

SAAM LABU 51:4

Na humah sual ing, na hum bebekah sual ing. Thil pha ngawl na tihmi cu bawl zo ing. Mah hangin thukhennak na piakmi cu a manmi hi. Mikhial a na koihmi vang cu a manmi hi.

SAAM LABU 62:9

Mihing cu haihawh hawl khat bangthong haw poh hi. Mi ngeng, mi neu, imah haw ma poh hi. Cuai khai teh inna, imah hi haw tukma. Haihawh sangin zang saw haw hi.

MIKAH 7:20

Ni dang laih a, ka pu le pa tei lak a, na thutiamsa bangin Abraham casuan, na mihing Israel tei nelah muantak na hihnak le a khomi na itnak cu langtik leleng tuk ci.

MATTHAI 11:19

Mihing Capa hungin a eih le a in, amuh haw ten mi hempoh ten, ‘hi pa khi zo hem un! Mi longaak le zu ngawp misilpa; siahkhontu le misual tei ngualcam hi,’ ti haw hi. Mahnaven Pathian i cihnak cu man hi tih a nadehnakin langtik,” ti hi.

LUKA 20:16

“Amah loli hungin huan nadektu a thah celh ten nadektu dang tei lakah a huan cu saptik tuk,” ti hi. Hi thu cu mipi in, a zak haw ten, “Hitih bangin ti hihim tukma hi,” tin ti haw hi.

JOHAN 3:33

Mahnaven kua hei in, a thuhilhmi a pomtu cu mahti bangin a pom hangin Pathian cu dik hi tih khohtik hi.

ROM Khua Khristian Tei Lakah Paul i Laikuat (Paul’s Letter to the Romans) 11:1

Mah ahi tale Pathian in, a mite cu lawl ni maw? Lawl hihim tukma! Keimah vang hi Israel mi, Abraham i casuan Benjamin hin bok ing.

ROM Khua Khristian Tei Lakah Paul i Laikuat (Paul’s Letter to the Romans) 11:11

Mah ahi tale, Judah mite bahin, a lup haw ten, bah nomvawk haw tuk maw? Bah nom haw tukma! Amuh tei sualnak hangin nunpatnak cu Gentail mitei lakah heng hi. Mahmi cu Gentail mitei humah Judah miten iksiknak nei haw hen, tih deihnak hi.

ROM Khua Khristian Tei Lakah Paul i Laikuat (Paul’s Letter to the Romans) 3:31

Mah ahi tale hi upnak hangin Daan cu vawkta hung tihnak hi tuk maw? Mahtin kha ma hi, Daan khotik saw hi.

ROM Khua Khristian Tei Lakah Paul i Laikuat (Paul’s Letter to the Romans) 6:15

Mah ahi tale itin tuk kaw? Daan nuai ah um ngawlin Pathian i hehpihnak nuai ah a um uh hangin sual bawl tuk laih hung maw? Bawl hihim tukma hung!

ROM Khua Khristian Tei Lakah Paul i Laikuat (Paul’s Letter to the Romans) 6:2

Bawl hihim tukma hung. Sualnakah thi ceng zo a hih uh hangin, itin kaw a sungah a umleh theih tuk toh uh?

ROM Khua Khristian Tei Lakah Paul i Laikuat (Paul’s Letter to the Romans) 7:13

Mahtin ahi tale, a phami cu kei ca in, ka thihnakin cang lamsang ma maw? Mahti bang tuk kha ma! Thihnak a bawltu ngangai cu sualnak hi. Sualnakin sualnak ngangai i a hihdan langtik tukin phatnak mangin ka humah thihnak hengtik hi. Mah hangin thukhamin sualnak cu mullinghah sualnak a hihlam langtik hi.

ROM Khua Khristian Tei Lakah Paul i Laikuat (Paul’s Letter to the Romans) 7:7

Mahti bang ahi tale itin ti kam nung? Daan hihim hi sualnak hi, tituk hung maw? Ti hihim tukma! Mahnaven sualnak cu sualnak hi tin, a theitiktu cu Daan hi. Daan in, “Midang tei thil hawza pahsun,” a ti ma tale, midang tei thil hawzak cu i him tih thei tukma hung hi.

ROM Khua Khristian Tei Lakah Paul i Laikuat (Paul’s Letter to the Romans) 9:14

Mahti bang ahi tale Pathian cu lamcam ma hi tin tithei nung maw? Ti thei hihim tukma hung!

1 KORIN 6:15

Na taksa pumpi uh hi Khrih i pumpi sungah tel bok tih hi thei ma uh cim? Khrih i pumpi sung a, telmi pa khat cu la in, numei pha ngawl sungtelin bawl tuk hung maw? Bawl tukma hung hi.

2 KORIN 1:18

Pathian cu thutak phuangtu a hih bangin nangmu lakah ka thutepmi cu “Mah hi,” tih le “Mahma mi,” tih cemcih ma hi.

GALATI 2:17

Jesuh Khrih tuah a pehdunnak uh i hangin Pathian mai ah diknak cotikmi hi tukin a zuam lih uhten Gentail mite bangin “Misualte” tin sam co ahi uh tale Khrih cu sualnakah a hawhpihtu hi, tih theih a ni maw? Tih theih hihim tukma!

GALATI 2:21

Pathian i hehpihnak cu zamsan thei mang. Mihingte cu Daan zuinak hangin thiancotik ahi tale Khrih thihnak cu man nei ngawl thawnthongin cang tuk hi!

GALATI 6:14

Mahnaven kei ca in, a Topa uh Jesuh Khrih i thinglamteh sial ngawl tuangkhawn tuk a dang imah nei mang. Itahim titale Khrih cu thinglamtehah a thih zo hangin hi leihum pi hi kei ca in thi zo a, kei vang hi leihumpi i ca in, a nungmi hileh bokma toh ing.

DAAN PIAKLEHNAK 32:4

Topa cu nangmuh nunpantu a ngilbel hi. A bawlmi hempoh cu dikcangin, cangkim hi. Na Pathian uh cu a dikmi le muantak hi. A dikmi le a manmi bek bawl hi.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

TITUS 1:2

Mah a biaknak uh cu kumkhua nunnak muansannakah bulphuh pha mi hi. Zolthu son awng ngawl Pathian in hi nunnak cu leipi a bawl laih ngawlin a tepsami hi in,

HEBRU 6:18

Hi thu pa nih hi thek thong theih ngawlmi a hih hangin Pathian hei in hi thu humah zolthu sonnuam ma hi. Mahti bang a hih hangin ama lak pen humhimnak a ngahtu cu ngalphatnak le thathonak ngengpi nei in, a mai uhah a koihsami muansannak cu khimzet pom hung hi.

1 JOHAN 5:10

Mah hangin kua hei hihen Pathian Capa a umtu in ama lungmu sungah theihnak nei hi; mahnaven Pathian a umngawltu in, Pa in, a Capa thu a hilhmi a up ngawl hangin, Pathian khi zolthu sontik hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

MANGMUHNAK 3:7

“Filadelfia pawlpi i vancungmi lakah hi bangin nganin hi. “A thiangthomi le a dikmi i thucahmi cu hi bangin hi. Amah cu David i tawh keemtu na hi a, kongka a honmi kuamah in khak thei haw tukma hi. Ama khahmi cu kuamah in hong thei haw tukma hi.