ROM Khua Khristian Tei Lakah Paul i Laikuat (Paul’s Letter to the Romans) 2:9 - Ngawm Bible

⁹ A pha ngawl a bawltu hempoh ten haksatnak le cimnak thuak haw tuk hi. A masa in Judah ten thuak haw tuk a, a nungten Gentail ten thuak bok haw tuk hi.

ROM Khua Khristian Tei Lakah Paul i Laikuat (Paul’s Letter to the Romans) 2:9 Iomraidhean Croise

2 KHANGSIALNAK 6:23

Maw, Topa vancung pen hu ngai inna, na mihing tei thu cu hu sonsak zalin hi. A mawh mi cu a mawhnak bangin dantat inna, a sual ngawlte cu suakcatikin hi.

SAAM LABU 32:10

Mipha ngawl tei thuakmi cu tamzet hi; Mahnaven Topa a muangtute cu a khomi a ihnak tuah hup hi.

THUPAUCAP 11:23

Mipha tei deihnak cu phatnak suaktik hi. Mipha ngawl ten a deihmi haw a ngah haw ten mi hempoh thinuktik haw hi.

EZEKIEL 18:4

Mi hempoh i nunnak cu keima ta hi; nu le pa i nunnak, ca tei nunnak hei hihen kata hi khawng haw hi. Sualnak a bawltu cu thi tuk hi.

EZEKIEL 22:31

Mah hangin ka thinuknak cu a hum hawah buak tung a, a ngamtat dan haw hangin ka thinsonak mei tuah siatsuah tung,” ti hi. Cungnungbel Topa in hilh zo hi.

AMOS 3:2

“Lei hum miphun hempoh lak pen nangmuh bek hi ka theihmi le ka cinkhawi uhmi ci. Mah hei ten sual nawmta laih uh ci; mah hangin dantat tung hi,” tin ti hi.

MATTHAI 16:26

Mi pa khatin leihum buppi a co hei in, a nunnak a sung tale i nemcuamnak um kaw? Imah nemcuam ma hi! A nunnak cu imah in leileh thei tukma hi.

LUKA 24:47

Mahten Jerusalem pepanin miphun hempoh lakah ama minin sual ngaihthiamnak thu le sihkiknak thu cu tangau in um tuk hi.

NUNGZUITU 11:18

Mahmi a zak haw ten a sonsiatnak haw cu cawl haw a, Pathian thangphatin, “Pathian in Gentail mitei lakah vangin sualsikin le nung tukin hun pia bok hi,” tin ti haw hi.

NUNGZUITU 13:26

Ka phunpih Israel mite, Abraham i casuante le hilai a Pathian a biatu Gentail mite, hi nunpatnak thuthang hi, a venghawng uh ca in piakmi hi.

NUNGZUITU 20:21

Judah le Gentail mitei lakah hihen, a sualnak haw zamsanin, Pathian nelah kiklehin, a Topa uh Jesuh a up haw a kul hihim tin ka hilh i humah ngallinnak tuk vang celzet hilh ing.

NUNGZUITU 26:20

Amasabelin Damaskas khua ah, mahten Jerusalem khua ah, mah nungten Judah ngamsung hempoh le Gentail mitei lakah vang hawhin, na sualnak uhte sik unna, Pathian nelah kikleh un hi; mahten sual na sihlehnak uh khi na nunzia uhin langtik un, tin hilh pepel ing.

NUNGZUITU 28:17

Ni thum nungten mahlai a ummi Judah hotute tawkdun khawm tukin Paul in sawm hi. A hun haw ten Paul in amuh tei lakah, “Ka phunpih Israel mite, a miphun uh le a pupa tei lak pen a ngahmi a nundan uh i humah siatsuahnak bawl ma naveng Jerusalem ah thawng a khiak haw i humah Rom tei khutah pia haw hi.

NUNGZUITU 28:28

Mahten Paul in, a dawlbelin, “Pathian i nunpatnak Thuthangpha cu Gentail mitei lakah hentik hi zo, tih hi na theih uh kul hi. Amuh ten mah thuthang cu ngai haw tuk hi,” tin ti hi.

NUNGZUITU 3:26

Mah hangin Pathian in, akua hei hihen ngitlohnak pen kiklehin, thupha a piak theihnak tukin a masabelah a Salpa a tenmi cu nangmu lakah tiik,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:16

Thuthangpha cu zahcak pih hihim mang hi. Itahim titale Pathian i huham hangin umtu hempoh ten nunpatnak ngah haw hi. A masa in Judah mitei ca hi, mahten Gentail mitei ca hei hi bok hi.

ROM Khua Khristian Tei Lakah Paul i Laikuat (Paul’s Letter to the Romans) 10:12

Hi bangin a umtu hempoh cu a tih ten akua na bangin tel khawng hi, itahim titale Judah mi le Gentail mitei laklawhah deidat dunnak umleh ma toh hi. Pathian cu mi hempoh tei Topa, hi a, Ama min samtu hempoh tei lakah thupha muicu tampi in pia hi.

ROM Khua Khristian Tei Lakah Paul i Laikuat (Paul’s Letter to the Romans) 2:10

Mahnaven thilpha a bawltu hempoh tei lakah Pathian in sunloihnak, minphatnak le lemdaihnak thupha pia tukin, a co masatu cu Judah hi tuk a, a co dawltatu cu Gentail mite hi haw tuk hi.

ROM Khua Khristian Tei Lakah Paul i Laikuat (Paul’s Letter to the Romans) 8:35

Mah ahi tale, akua in kaw Khrih i itnak pen a khen thei tuk? Haksatnak, thuaknak, bawlsiatnak le ngilkialnakin hihen, zawngkhal tingsapnak, launak le thihnak ten khen thei haw a ni maw? Khen thei haw tukma hi!

ROM Khua Khristian Tei Lakah Paul i Laikuat (Paul’s Letter to the Romans) 9:24

Itahim titale ohte cu ama mihing a sammite hung hi; Judah tei sung pen sammi bek hi ngawlin Gentail tei sung pen sammite hung hi.

GALATI 3:28

Mah hangin Judah mi le Gentail mi tin deidat dunnak umleh ma toh hi; sal le a luatmi, numei le pano ah hei hihen deidat dunnak umleh ma toh hi. Na venghawng uhin Khrih Jesuh tuah pehzop dunnak sungah pa khat hi uh ci.

KOLOSE 3:11

Mahti bang a hih hangin Gentail mi le Judah mi tih deidat dunnak umleh ma toh hi, vunceptan le tan ngawlin deidatnak umma toh hi, misil phun le ngamsa phun, sila le miluat tih deidat dunnak imah umleh ma toh hi; Khrih cu ihempoh hi in, ihempoh sungah um hi.

2 THESALON 1:6

Pathian in, a manmi bawl tuk hi. Haksatnak a piatu tei humah haksatnak henglehtik bok tuk hi.

1 PETER 4:17

Thukhennak a pat hun heng zo hi. Pathian i mihing ten thukhennak tawk masa haw tuk hi. Mahti bangin eimu humah a heng masa tale Pathian Thuthangpha a umngawltu cu itin tawpleh haw tuk him?