ROM Khua Khristian Tei Lakah Paul i Laikuat (Paul’s Letter to the Romans) 2:8 - Ngawm Bible

⁸ Mi khenkhat ten mai matan bek ngaisungin, a pha saw mi zamin, a pha ngawl saw zui haw hi. Mah tei humah Pathian in, a thinuknak cu meiling bangin leihsuk tuk hi.

ROM Khua Khristian Tei Lakah Paul i Laikuat (Paul’s Letter to the Romans) 2:8 Iomraidhean Croise

2 KHANGSIALNAK 6:23

Maw, Topa vancung pen hu ngai inna, na mihing tei thu cu hu sonsak zalin hi. A mawh mi cu a mawhnak bangin dantat inna, a sual ngawlte cu suakcatikin hi.

JOB Laibu (The Book of Job) 24:13

Amuhte cu vaknak deih ngawltute haw hi; A thei hei thei ngawlin a lampi hei zui nuam haw ma.

SAAM LABU 90:11

Na thinuknak a huham cu akua in thei zo tuk him? Na thin pulhangnak izahtak lauhuai him tihmi akua in thei zo tuk him?

THUPAUCAP 11:23

Mipha tei deihnak cu phatnak suaktik hi. Mipha ngawl ten a deihmi haw a ngah haw ten mi hempoh thinuktik haw hi.

THUPAUCAP 13:10

Pualthaunakin haksatnak bek suaktik hi, midangte thu kuppih cu a cih sawdeuhnak hi.

ISAIAH 50:10

Topa kihca in, a sila awnkam a ngaitute, na hawhnak uh lampi cu khua a thim vangin Topa cu muang un. Na Pathian uh cu ngaingam un hi.

JEREMIAH 34:18

Judah ngam le Jerusalem khua sung bawite, kumpi inn a, bawite, thiampite le hotu hempoh ten khuicang pa khat ngo in, a ngumzaang kek pen phel nih laizangah hawhin, keimah tuah thutiamnak bawl haw hi. Mahnaven ma thutepnak cu siatsuahin, zui tuk a tih haw mi hei zui haw ma. Mah hangin khuicang humah a bawl haw bangin, hi tei humah bawlbok tung.

EZEKIEL 22:31

Mah hangin ka thinuknak cu a hum hawah buak tung a, a ngamtat dan haw hangin ka thinsonak mei tuah siatsuah tung,” ti hi. Cungnungbel Topa in hilh zo hi.

NAHUM 1:6

A thinuknak mai ah akua kaw a ding thei tuk? A thinuk pulhang laihtak cu akua in thuak thei tuk him? A thinuknak cu tuisa bangin buak hi. A mai ah suangte hei leivulah cang khawng haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:18

Pathian i thinuknak cu vanhum pen mihing tei sualnak le phat ngawlnak hempoh humah lang hi; mahmi mihing tei phat ngawlnakte cu thutak theih theihnak tuk a khaktute na hi haw hi.

ROM Khua Khristian Tei Lakah Paul i Laikuat (Paul’s Letter to the Romans) 10:16

Mahnaven mi hempoh ten Thuthangpha cu pom haw ma hi. Isaiah hei in, “Topa akua kaw thuthang ka phuan uhmi a sang,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 15:18

Gentail mite Pathian thu a zuinak haw tukin Khrih in keimah mangin, na dehmi bek hi ngalpha zetin zilh tung hi.

ROM Khua Khristian Tei Lakah Paul i Laikuat (Paul’s Letter to the Romans) 6:17

Mahnaven Pathian nelah thangphatnak um tahen! Itahim titale nohte cu sualnak i sila hi awng zo nave uhcin atu-in zilhnak na ngah uhmi sung a thutak khi na lungmu hempoh tuah zui zo uh ci.

ROM Khua Khristian Tei Lakah Paul i Laikuat (Paul’s Letter to the Romans) 9:22

Mahti bang bok lengin Pathian i thil bawldanah hei in, hi bok hi. A thinuknak langtik tukin le a huham muhnak tuk khi deih hi. Mahnaven a thinuknak a thuaktu tuk le siatsuahnak a tawktu tuk tei humah a thinsau zetin hehpihzet sih hi.

1 KORIN 11:16

Mahnaven mi pa khatin, a el nuam tale kam khat bek hilh tung; eimu lakah hihen, Pathian i pawlpi tei lakah hihen biak tuk thu lamdang um cuang ma hi.

2 KORIN 12:20

Mahnaven nangmu lak ka hen ten mahti bang um haw le pha tin ka thuduhsammi bangin na hileh uh ma pang ahin tih hi lau em ing a, keimah vang mah tin hileh tin na deih sak uhmi ka hileh ma ahin tihvang cu lauzet bok ing. Nangmu lakah hauhdunnak, iksiknak, thincomnak, mai matan bek ngaihsutnak, zotsaknak le sonsiat dunnak, pualthaunak le buai cecunakte tawk kha kawn ing, tih hi lauzet ing.

GALATI 5:20

Mi pa khat le pa khat ngaldunin haudun haw, iksikdunin, thinuk haw, hampumin, ahon ahonin khendun haw hi.

FILIPI 1:17

Mi khenkhat ten tuangno in Jesuh Khrih thu hilh ngawlin amu hampumnak le ngaihsak dunnak tuah hilh haw hi. Thawnginn sungah a umlaihin haksatnak bet thuah nung tin ngaisung haw hi.

FILIPI 2:3

Mi nautat nimnak nei in, mai matan bek ngaisungin le mai minphatnak tuk bek zei in imah bawl pahsuh un hi. Pa khat le pa khat niamkhiat dunnak nei unna, midang sangin pha saw deuh ing tin, itik mah hei ten tidun pahsuh un hi.

2 THESALON 1:8

Pathian thei ngawlte le Topa Jesuh i Thuthangpha a um a sang nuam ngawl cu mei sungah khia in, bawlsia tuk hi.

TITUS 3:9

Mahnaven silhah zetmi thu eldunnak, pupa min cazin eldunnak, hauhdunnak le Daan thu eldunnak cu pialin hi. Mah mite cu nemcuamnak le man theihnak imah umma hi.

HEBRU 10:27

Amu ca in, a heng tukmi Pathian thukhennak le Pathian a dotute kang khawngtu tuk a lauhuai meipi khi lau mahtakin ngak tuk bek na hi haw hi.

HEBRU 11:8

Abraham cu upnak a neih hangin Pathian in pia tung hi tin, a tiammi ngamah hawh tukin a sam ten Pathian deihnak a zuinak cu a upnak hangin hi. Ilai lamah hawh tung tih hei thei ngawl na pi in, a khua le tui cu tulsan hi.

HEBRU 5:9

Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;

JAMES 3:14

Mahnaven nangmu lungmu sungah iksiknak, mihuatnak le mai matan ca ngaihsutnak bek a dim tale cip ing tin, ultung pahsuh un, thutak humah sualnak a bawl limi hi saw uh ci.

JAMES 3:16

Iksiknak le hampumnak bek umnakah buainak le phat ngawlnak a phunkim um bok hi.

1 PETER 3:1

Mahti bang bokin zite aw na pasal tei thu ngai un. Pathian umngawltu ahi vangin nangmu ngamtat phatnakin thu umtu ah cangleh tuk hi. Kam khatno hei na ot uh kul tukma hi.

1 PETER 4:17

Thukhennak a pat hun heng zo hi. Pathian i mihing ten thukhennak tawk masa haw tuk hi. Mahti bangin eimu humah a heng masa tale Pathian Thuthangpha a umngawltu cu itin tawpleh haw tuk him?

MANGMUHNAK 14:10

Pathian thinuknak khuathai sung a, sun tukmi sabittui cu intuk hi. Mahti bangin Pathian thinuknak sabittui a intu cu vancung mithiangthote le Tuuno mai pen kaat mei alh sungah bawlsiatnak thuak haw tuk hi.

MANGMUHNAK 16:19

Khuapi ngengzet cu khen thum suahin khenkhek hi, ngamdang a khuapi hempoh vang sia khawng hi. Pathian in Babilon cu cing leleng hi. Pathian in, a thinuknak sabittui cu khuathai in Babilon khuapi intik hi.