ROM Khua Khristian Tei Lakah Paul i Laikuat (Paul’s Letter to the Romans) 2:5 - Ngawm Bible

⁵ Mahnaven nang cu thinlian le lungmu ngeng zetin um ci. Mah hangin Pathian in, a thinuknak le thudik thuman tuah thu a khen ni ten na tawh tukmi dantat cu a ngeng dedeuh tukin nangmah le nangmah bawl cop ci.

ROM Khua Khristian Tei Lakah Paul i Laikuat (Paul’s Letter to the Romans) 2:5 Iomraidhean Croise

2 KHANGSIALNAK 30:8

Amuhte bangin na lungmu uh khohtik pahsuh hen, Topa i thu cu zui saw un. Na hum uhah Topa a thinuk ngawl tukin Topa na Pathian uhin, a kumkhua thiangtho tukin a bawlmi Jerusalem Biakinn ah hungin, Amah cu bia un.

2 KHANGSIALNAK 36:13

Zedekiah cu kumpi Nebuchadnezzar do tukin ngaltho hi. Nebuchadnezzar in, a khutnuai ah um tukin Pathian min salin thutiamtik hi. Zedekiah in Topa Israel Pathian nelah sualsikin, Pathian nelah hekkik tum hihim ma hi.

JOB Laibu (The Book of Job) 21:30

Pathian cu a thinukin, mi a bawlsiat ten, a luattu cu mipha ngawlte hi mek haw hi.

SAAM LABU 110:5

Topa cu na taklamah um, a thinuk ni ten kumpite cu neh tuk hi.

SAAM LABU 95:8

“Meribah ah a hengmi na pu le pa uhte bangin! Lungmu ngeng pahsuh un. Massah phillawnah a hengmi na pu le pate bangin lungmu ngeng pahsuh un.

SUAHTULNAK 14:17

Izipt mitei lungmu khohzettik tung a, nangmuh hilin, hung haw tuk hi. Kumpi le a ngalkap tei cipuhleng le a cipuhleng mawngtu cu neh tung a, mahmi in ka min cu sunglawitik tuk hi.

SUAHTULNAK 32:34

Mah hangin tu cu ka lak tukmi munah Israel mite hawhpihin hi. Zo in, ka vancungmi pui tung a, ni kha khat a hun kim ten a sualnak haw hangin dantat tung hi, tih cu ciing lelengin,” ti hi.

SUAHTULNAK 8:15

Kumpipa in simphuk thi khawng zo haw tih amuh ten a lungmu cu khoh leleu hi. Topa i hilh hamsa bangin Moses le Aaron i thu cu ngai nuam ma leng hi.

THUPAUCAP 1:18

Mahnaven hiti bang misualte cu amuh le muh thangsiah cop na hi haw in mahmi thang sungah amuh awk cihleh haw tuk hi.

THUPAUCAP 11:4

Thihnak a hen ni ten hauhnak cu imah nemcuam ma hi, mahnaven diknakin, na nunnak luan thei hi.

THUPAUCAP 28:14

Pathian cu a kumkhua in kihca inna, na lungnop tuk hi, Na lunglian tale, na nunnak sia tuk hi.

THUPAUCAP 29:1

Na ngamtat ziaza a hilhhawl haw sial ten na lung ngeng ahi tale, ni kha khat ni ten tho thei ngawl tianin sia tum tuk ci.

THUHILHTU 12:14

Pathian in ihempoh a bawl uhmi humah thukhen tuk hi; a pha hihen, a sia hihen, a kuhno in, a bawl uhmi hum tianin thukhen tuk hi.

ISAIAH 48:4

Na lungmu cu thik le daal bangin khohzet tuk tihvang thei ham zo ing.

JEREMIAH 40:3

atu-in, a hilh hamsa bangin heng ngangai hi. Na mihingte sualin, Topa i thu a ngaih nuam haw ngawl hangin, hitih bangin, a piannak hi.

EZEKIEL 11:19

Amu humah lungmu thak le ngaihsutnak thak pia tung. Suang bangin a cangmi a lungmu haw cu lawl tung a, taksa bangin a nemmi lungmu pia tung hi.

EZEKIEL 3:7

Mahnaven Israel mi kuamah in ngai ngawlin keima thu tian ngai haw tukma hi. A venghawng haw in, mi lunglian le mi pualthau ngeh haw hi.

DANIEL 5:20

Mahnaven mahtih bangin pualthau in, lungmu ngoltolin le hehpihnak nei ngawlin a um hangin a kumpi khunnak cu lonsak hi a, upatnak dinmun co ngah ma hi.

HOSEA 13:12

“Israel i sualnak cu laizial humah nganin, phazet a koihmi hi.

AMOS 3:10

Topa in, “Hihmi ten a kumpipa i innsung cu sualnak le thisan luannak tuah a lak haw mi nate tuah dimtik haw hi. Midik hihnak lampi hei theileh haw ma toh hi.

ROM Khua Khristian Tei Lakah Paul i Laikuat (Paul’s Letter to the Romans) 1:18

Pathian i thinuknak cu vanhum pen mihing tei sualnak le phat ngawlnak hempoh humah lang hi; mahmi mihing tei phat ngawlnakte cu thutak theih theihnak tuk a khaktute na hi haw hi.

ROM Khua Khristian Tei Lakah Paul i Laikuat (Paul’s Letter to the Romans) 11:25

U le naute, selkuhmi thutak um hi, na thei uh ahin deih ing. Mahmi na thei uh tale micip ung tin ngaisung tukma uh ci. Itahim titale Israel tei lungkhohnak cu kumkhua in hi tukma hi; Pathian nelah Gentail mi a heng tuk zah a hen haw laih ngawl sungno tuk poh hi.

ROM Khua Khristian Tei Lakah Paul i Laikuat (Paul’s Letter to the Romans) 9:22

Mahti bang bok lengin Pathian i thil bawldanah hei in, hi bok hi. A thinuknak langtik tukin le a huham muhnak tuk khi deih hi. Mahnaven a thinuknak a thuaktu tuk le siatsuahnak a tawktu tuk tei humah a thinsau zetin hehpihzet sih hi.

2 KORIN 5:10

Itahim titale thukhen tukin a venghawng uhin Khrih mai ah dingleh tuk hung hi. Kuakua hei a pha hihen a sia hihen a nun sung a bawlmi bangkekin ngahleh tuk hi.

DAAN PIAKLEHNAK 2:30

“Mahnaven Kumpi Sihon in, a ngamsung pen hawh tuk cu phal ma hi. Amah a nehnak tuk uhin le atu a luah uhmi a ngam hi a lak theihnak tukin Topa na Pathian uhin, a lungmu kho tukin mi langpangtu hitik hi.

DAAN PIAKLEHNAK 32:34

Topa in, a ngal tei bawlmi cu thei hi. Amuh bawlsia tukin khawihcangin ngak hi.

2 THESALON 1:5

Hite in, Pathian thukhennak cu camcawi hi tin langtik a, Pathian Uknak i hangin a thuakmi na hih uhten Pathian Uknak sungah a tham, a takmi hi uh ci.

HEBRU 3:13

Mah sangin sualnak i zolmi na hih ngawlnak tukin le lungmu ngoltol na neih ngawlnak tukin, Lai Thiangtho in, “Atu ni” a tihmi awnkam hi eimu ca in sullam nei a hih bangin, nisial pa khat le khat bawmdun saw un hi.

HEBRU 3:15

Lai Thiangtho in, “Tuni in Pathian i aw na za tale lungmu ngoltolmi hi pahsuh un. Na pu le pa uh ten Pathian a langpang haw bangin um pahsuh un,” ti hi.

HEBRU 4:7

Hihi cu Pathian i “Tuni” a tihmi ni dang pa khat a koih lehmi in ciangtik hi. Kum tampi nungten a humah a sonsami Lai Thiangtho sungah a um bangin Pathian in David lak pen, “Tuni Pathian i aw na za uh tale lungmu ngoltolmi hi pahsuh un,” tin hilh hi.

JAMES 5:3

Na sui le ngun uhte cu salkai khawngin, mah salkaimi in nangmuh a mawhsiattu tetti in cang tuk a, meikang bangin na taksa uh a eitu hi tuk hi. Tu in, a dawlbel hunah a lalthong khawng tukmi sum le pai khawl uh ci.

JOSHUA 11:20

Hehpihnak um ngawlin thah khawng le siatsuah khawng tukin a lungmu haw cu Israel mite do tukin Topa in khohtik hi. Hiti bangbokin Topa in Moses tiam ham zo hi.

2 PETER 2:9

Mahten Topa cu amah a kihcatu tei haksat a thuak haw ten panin mipha ngawlte cu Thukhennak Ni tian bawlsiatnak thuaktik tukin koih hih hi.

2 PETER 3:7

Mahnaven atu a ummi van le lei pi hi mei tuah siatsuah tukin, Pathian i thupiaknak lelengin, a khawih hihmi haw hi. Pathian a zawnsaktute cu thu a khen ni le siatnak a tawh haw tuk ni ca in khawih hihmi hi haw hi.

JUDE 1:6

A thuneih theihnak haw sungah um nuam ngawlin a umnak mun a zamsantu vancungmite khi thei leleng un hi. Amuhte cu leihum khuathim sungah kumkhua thik taicin tuah khih comi hi haw in, thukhen Ni ten Pathian in siatsuahleh tuk hi.

MANGMUHNAK 2:21

A sihkik lehnak tukin hun pia naveng a nunsualnak lampi pen kikleh nuam ma hi.

MANGMUHNAK 6:17

A thinuknak hangin, a lauhuai zetmi ni cu heng zo hi, akua kaw a thuak thei tuk,” tin au haw hi.

1 SAMUEL 6:6

Ita Faro le Izipt mite bangin mi thinlianin um nuam li uh cim? Izipt ngam pen Israel mite a suahtik haw laklawh Izipt mite cu Pathian in, a nuanuamin khalsia li hi tih cu phawk ngil pahsuh un.