ROM Khua Khristian Tei Lakah Paul i Laikuat (Paul’s Letter to the Romans) 2:3 - Ngawm Bible

³ Mah hangin ka ngual aw, midang tei na pha ngawl a bawl haw hangin a thu haw na khen ten nangmah cu amuh bang bok ci. Pathian i thukhennak pen luat tung hi tin ngaisung cim?

ROM Khua Khristian Tei Lakah Paul i Laikuat (Paul’s Letter to the Romans) 2:3 Iomraidhean Croise

2 Samuel 10:3

Ammon mi puitu ten a kumpipa haw lakah, “Nangmah hehnemtu tukin David in hi bangin mi a hah hi, na pa a upat hangin hi, tih um cim maw? Mah kha hihim ma hi, eimuh a neh nuam haw hangin a kumpi uh zociang tukin vilvengtu hah hi,” tin thusia so haw hi.

SAAM LABU 50:21

Hizahta in, na pha ngawl bawl nave uhcin, Kei in imah awn mang. Mah hangin keimah tianin nangmuh bangin ngaisung uh ci. Mahnaven atu-in nun hilh tung. Ciang zetin hilh tung hi.

SAAM LABU 56:7

Maw Pathian aw, a phat ngawlnak hangin bawlsia in, na thinukin vawk khawngin hi.

THUPAUCAP 11:21

Mipha ngawlte bawlsiat tawk tuk cu thungai hi. Mahnaven midikte cu luat haw tuk hi.

THUPAUCAP 16:5

Topa in mipual le ngilote cu hua hi. Mah mite cu dantatnak pen luat haw tukma hi.

EZEKIEL 17:15

Mahnaven Judah kumpi cu ngaltho a, cipuh tampi le ngalkap tampi ngah nuamin, Izipt ngamah palai hah hi. Lawhting, ngai a ni maw? Bawlsuak thei ngai a ni maw? A thutepnak siatsuahin le bawlsiatnak thuak ngawlin luat thei tukma hi.

EZEKIEL 17:18

A siatcam thutepmi pahbalin, lungkimnak laikhet a bawlmi siatsuah zo. Hiti bang a bawl nungsang cu luat hihim tukma,” ti hi.

DANIEL 10:19

Amah in ka lakah, “Pathian in nangmah it hi. Mah hangin imah lau pahsun, imah in lautik pahsuh hen,” ti hi. Mahtin a tih ten tha nei deuhin, theidun ing a, ama lakah, “Bawipa, na hilh tukmi cu hilhin hi. Tha nei deuhtik zo ci,” tin ti ing.

MATTHAI 23:33

Noh ngul le ngul tei ca! Itin kaw hell sung pen luat tuk hung tin, na ngaihsut ngam uh?

MATTHAI 26:53

Ka Pa i lakah bopnak ka ngen tale thakhatin vancungmi ngalkap hon sawm le hon nih hah thei tih thei ma uh cim?

LUKA 12:14

Jesuh in, “Unau pa aw, noh laklawh a thukhentu tukin le na lo le lam semsaktu tukin akua in ka humah thupia him?” tin don hi.

LUKA 22:58

Dawmlaihno a ngei ten pano pa khatin, mu leleu bokin “Nang vang tel bok ci,” tin tita leleu hi. Mahnaven Peter in “Mihingpa, kei tel kha mang hi,” tin nialleh hi.

LUKA 22:60

Mahnaven Peter in, “Mihing pa, ihim na son lih cu thei mang hi,” tin nial leleu ta hi. Mahtibang a otlih laih takin ak khuang hi.

ROM Khua Khristian Tei Lakah Paul i Laikuat (Paul’s Letter to the Romans) 1:32

Hitih bangin a nungcate cu thi tak hi tin, Pathian i daan piakmi um tihvang thei haw hi. Mah i humah hitih bang thilpha ngawlte amuh loli in, a bawl haw bek sial ngawlin midang tei bawl ten vangin lungkimpih haw hi.

ROM Khua Khristian Tei Lakah Paul i Laikuat (Paul’s Letter to the Romans) 2:1

Midang tei humah thu a khentu, ka ngual aw, na sualnak cu sel thei tukma ci. Midang tei thu na khen uhten a muhte bang lengin ngamta na hih uh hangin nangmah le nangmah misual ing hi tin thu khen cop zo ci.

ROM Khua Khristian Tei Lakah Paul i Laikuat (Paul’s Letter to the Romans) 2:2

Hitih bang na pha ngawl a bawltu tei humah Pathian in thu a khen ten thildik bawl hi tih thei hung hi.

ROM Khua Khristian Tei Lakah Paul i Laikuat (Paul’s Letter to the Romans) 9:20

Mahnaven, ngualcam pa, mahtin Pathian a nial ngamtu akua uh cim? Beel in beel bawlpa i lakah, “Itakaw kei hi tin na bawl?” tin dong awng maw?

1 THESALON 5:3

Miten, “Ihempoh dai in himnak a um laihtak hi,” a tih haw laih takin numei tei nauhing tuk vonnat a tawh haw bangin ngallin ngawlpi in, siatsuahnak a hum hawah heng tuk a, kuamah luat haw tukma hi.

HEBRU 12:25

Mah hangin nangmu lakah thu a hilhtu i thu el tuk ngawlin ngalling un. Pathian Thuthang lei humah a hilh haw mi a eltu hei khi luat haw ma hi. Vancung pen a hilhtu i thu a ngai uh ma tale itih zahin kaw a luat ngawl sesem tuk uh!

HEBRU 2:3

Mahtibang ahi tale oh ten a thupi zetmi nunpatnak hi imah simsial ngawlin a um uh tale itin kaw bawlsiatnak a luat theih tuk uh? Topa amah loli in, hi nunpatnak thu cu than masabelin, a zatu hempoh ten a dikzia langtik zo haw toh hi.