ROM Khua Khristian Tei Lakah Paul i Laikuat (Paul’s Letter to the Romans) 12:3 - Ngawm Bible

³ Pathian in, a hehpihnak laksawng a piaknak hangin nangmu bulpak tek humah hitih bangin hilh ing hi: Na ngaihsut tuk uhmi sangin sang saw deuhin ngaisung pahsuh un. Iti bang ing kaw tih khi theidun saw unna, Pathian i upnak a piakzat tenin, na ngaihsut dan uh cu hi saw tahen.

ROM Khua Khristian Tei Lakah Paul i Laikuat (Paul’s Letter to the Romans) 12:3 Iomraidhean Croise

THUPAUCAP 25:27

Khuaihum tam leita eih cu pha ma hi, mah bangin mi lak pen pahcoihnak tampi ngah nuam cu pha ma hi.

THUPAUCAP 26:12

Mah le mah cip ing tin, a titu sangin, misilbel ca in muansannak um saw laih hi.

THUHILHTU 7:16

Mipha ngawl leita hi pahsun; micip leita vang hi kha pahsun, nangmah le nangmah ita siatsuahdun nge cim?

MIKAH 6:8

Mah kha ma hi, Topa amah in, a phabelmi cu hilh zo hi. A deihmi cu: a dikmi bawl tuk, a kho mi itnak neih tuk le niamkhiat zetin Pathian tuah pawlkom leleng khi na hi.

LUKA 18:11

“Farasi pa in, a khawla thim deuhah amah nguakcang dingin, hi bangin thungen hi, ‘Pathian aw, kei cu midangte bangin hampumli mang. Zolthu vang son awng mang, nupa sualnak vang ka bawl awng ngawl hangin nangmah thangphat ing a, hilai khin a, siah khontu bang ka hih ngawl hangin, na humah lungdam ing.

JOHAN 3:34

Pathian i tiikmi cu Pathian in, a Hawvang cangkimnak a piak hangin Pathian i thu cu phuang hi.

ROM Khua Khristian Tei Lakah Paul i Laikuat (Paul’s Letter to the Romans) 1:5

Khrih Amah hangin mite sangin a thu a zui theihnak haw tukin Pathian in nungzuitu hihnak covo keimah pia hi.

ROM Khua Khristian Tei Lakah Paul i Laikuat (Paul’s Letter to the Romans) 11:20

Mahmi cu thuman hi: amu Judah mite cu a up haw ngawl hangin talhmi hi haw hi; nohte cu na up uh hangin hi mun hi luah uh ci. Mahnaven pualthau in, ultung kha pahsuh un! A lau in lau saw un hi.

ROM Khua Khristian Tei Lakah Paul i Laikuat (Paul’s Letter to the Romans) 11:25

U le naute, selkuhmi thutak um hi, na thei uh ahin deih ing. Mahmi na thei uh tale micip ung tin ngaisung tukma uh ci. Itahim titale Israel tei lungkhohnak cu kumkhua in hi tukma hi; Pathian nelah Gentail mi a heng tuk zah a hen haw laih ngawl sungno tuk poh hi.

ROM Khua Khristian Tei Lakah Paul i Laikuat (Paul’s Letter to the Romans) 12:16

Nangmu ca na ngaihsut uh bangin midang tei ca hei ngaihsutsak bok un. Keimah hibel ing tin ngaisung pahsuh un; nadeh neuno hei hihen deh nuamnak lungmu nei un. Cip ing tin ngaisungdun pahsuh un.

1 KORIN 15:10

Mahnaven Pathian hehpihnak hangin tu bangin ka hih theihnak hi. Ka humah a itnak le hehpihnak a neihmi cu a thawnthong hi ma hi. Tiikmi dangte sangin nase saw in, nadek ing. Mahnaven mahmi cu keima dehmi tih tuk hi ma hi. Ka nel a, um Pathian hehpihnak i dehmi hi saw hi.

1 KORIN 3:10

Pathian in keimah a piakmi ka covo laksawng mangin innsa thiamzet bangin innkuul khuampi phut ing a, midang ten mahmi humah sa haw hi. Mahnaven itin kaw a sak uh tih cu kua hei in, a ngallin tek uh kul hi.

1 KORIN 7:17

Kua hei hihen, Pathian laksawng na ngah uh bangin le nohte a sam laihin, na umdan uh bangin um poh un. Mahti bangin pawlpi dangte vang zilh ing.

2 KORIN 10:13

Mahnaven kohten ka ultung uh hei in, valthong tukma hi, Pathian i nadeh tuk piakmi ngamngi sung zong bekah um tuk a, mahmi ka nadehnak uh ciangtanmi sungah nangmu lakah, na ka deh uhmi vang tel hi.

2 KORIN 12:13

Pawlpi dangte sangin iti bangin kaw a sia saw cuangin ka bawl? Tangka bopnak ngenin, ka nawngkaitik ngawl bek hi poh ma maw? A man ngawlin ka umnakte ah ngaidam zal un hi.

2 KORIN 12:7

Mahnaven nalamdang tampi ka muh hangin ultunnak tuah ka pualthau ngawlnak tukin le satan palai bangin ka pualthau ngawlnak tukin a vattu tukin ka sungah ling pia hi.

GALATI 6:3

Mi pa kha khatin imah ngawl napi in, mi thupi bangin a ngaisung duncoptu cu amah le amah zoldun cop hi.

EFESA 3:2

Pathian in nangmu phatnak tukin hi nadeh hi a hehpihnakin pia zo tih cu thei khawng zo tuktoh uh ci.

EFESA 3:4

mah ka ngatmi na sial uh tale Khrih i thu-ip keima theih dan cu theithei tuk poh uh ci.)

EFESA 4:16

Ama uknak nuai ah pumpi hum a, khen dangte cu lemzetno in pehdun khawng haw hi. Nguh pehdunnak nguh cangno ten taksa pumpi cu munkhatah lendun khawm khawng hi. Mah hangin taksa pum i khen dangte cu amu nadeh tuk tek a deh haw ten taksa pumpi cu a venghawngin itdunnakin khangto hi.

FILIPI 2:13

Itahim titale ama tuptahmi deih tukin le nadek suak tukin Pathian cu nangmu sungah nadek hi.

KOLOSE 1:29

Ahi cu deksuak tukin amah Khrih i piakmi cahnak, ka sung a, nadektu mangin nase zetin thuaklo in, nadek li ing.

KOLOSE 2:13

Ni dang laihin, na sualnak uh hangin le Daan pawlam a ummi Gentail mi na hih uh hangin hawvang lampialin mithi hi uh ci. Mahnaven atu-in Khrih tuah munkhatah Pathian in nungtik zo hi. Pathian in, a sualnak uh hempoh ngaidam khawng zo.

1 TIMOTE 1:14

Topa in, a hehpihnak cangkim cu leihin upnak le itnak pia hi. Mahmi upnak le itnak cu Khrih Jesuh tuah a pehdunnak uh i hangin eimuta hi zo hi.

1 TIMOTE 2:15

Mahnaven numei ten lungnemin, itnak upnak le thianthohnak sungah a khohkhah haw tale ca a neihnak haw i hangin nunpat hi haw tuk hi.

1 TIMOTE 2:9

Numeite vang cu a zoh mawi in um haw hen na, zoh mawi in paallel haw hen. A sam haw cu a tom haw ten a valin tom haw pahsuh hen; neih le lam, sui, suang manpha le nikcen puansilh manphazet tuah thuam haw mahen.

TITUS 2:12

Mah hehpihnakin Pathian ziaza tuah a lemcang thei ngawlmi nundan le leihum tisa nopnakte zamsan tukin zilh hi. Mahten mah le mah ukduncop theimi le diknak le hi leihumah Pathian tuah a lemcangmi ziaza tuah a nun theihnak tuk uhin hilh sih bok hi.

TITUS 2:2

Papi deuh ten zu poh cu in pahsuh un, lungmu ciangkai zetin um un, mah le mah ukdun theih tum un, upnak dik, itnak le haksat thuak theihnak neimi hi un, tin zilhin hi.

TITUS 2:4

Nupi deuh ten khangno deuh numeite cu a pasal le a cate it deuh tukin, mah le mah ukdun theitu hi tukin le mithiang a hih theihnak haw tukin a pasal tei khut nuai ah niamkhiat thiamin, zi pha a can theih hawnak tukin zilh inna, hilhin hi. Mahten Pathian lak pen a hungmi thuthang cu kuamah in sonsia haw tukma hi.

TITUS 2:6

Mahtibang bokin tangvalte vang mahleh mah ukdun theitu a hih theihnak haw tukin sosuahin hi.

JAMES 4:6

Mahnaven Pathian i piakmi hehpihnak cu mah sangin ngil saw hi. Hi lai thiangtho i tihnak bangbokin, “Pathian in mi pualthaute do in lungnem mite hehpih hi.”

1 PETER 1:13

Mah hangin nadek pan tukin na lungmu uh tuangtim sa in um un, ngalling sa in um unna, Jesuh Khrih a lang ten na ngah tuk uhmi thupha muicu laksawng humah na ngaihsutnak uh a venghawngin nga un.

1 PETER 4:11

Ihempoh humah Pathian in Jesuh Khrih hangin thangphatnak a ngah theihnak tukin thusontu ten Pathian i thu son unna, nadektu ten Pathian piakmi thazaang tuah dek un hi. Sunloihnak le huham hempoh cu kumkhua in amata hi. Amen.

1 PETER 4:7

Ihempoh ca in hun dawlbel ni heng awndiak toh a hih hangin phazetno in thu na nget theihnak tukin supnak nei in, lungmu cihnak tuah um un.

1 PETER 5:5

Mahtibang bokin noh khangnote nangmuh sangin kum upa saw tei thu khi ngai tuk uh ci. Na venghawng uhin niamkhiatnak tuah thuam unna, pa khat le pa khat bawmdun un. Itahim titale Lai Thiangtho in, “Mi tuangkhawngte cu Pathian in do in, mi niamkhiatte cu mitmai pha pia,” ti hi.

1 PETER 5:8

Cingcaizet le ngalling zetin um un! Na ngalpa uh Dawihmangpa cu mat tuk zei in, a thum limi kiosa bangin vak kawkawi li hi.

3 JOHAN 1:9

Pawlpi tei lakah lai comno ngan ing. Mahnaven hotu dek nuamtu Diotrefes in ka hilhmi cu imah simsial tukma hi.