ROM Khua Khristian Tei Lakah Paul i Laikuat (Paul’s Letter to the Romans) 1:7 - Ngawm Bible

⁷ Mah hangin Rom khua a um Pathian i ihmi le ama mihingte hi tukin a sammi na venghawng uh lakah hi laikuat hi ngan ing. Pa Pathian le Topa Jesuh Khrih in hehpihnak le lemdaihnak cu nohte pia tahen.

ROM Khua Khristian Tei Lakah Paul i Laikuat (Paul’s Letter to the Romans) 1:7 Iomraidhean Croise

SAAM LABU 60:5

Na ngilnak tuah hu panin, na ihmi na mihingte a luatnak haw tukin ka thungetnak uh donleh zalin hi.

SOLOMON LA 5:1

Cang tepsa ka ngaihno aw, ka dum sungah hawh zo veng! Mura le namtui khawm ing; khuaiphang le a hum ei ing, Sabit le khuinawi in ing. Ei un, in un, thin thino in, khanpihno camlualte aw.

MIPUM SIALNAK 6:25

Topa cu na hum uhah hehpihnak nei zal hen,

MATTHAI 5:16

Mahtibang bokin na vaknak uh cu mitei mai ah vaktik saw unna, thilpha na bawl uhmi amuh haw ten van a ummi na Pa uh thangphat haw tuk hi.

JOHAN 20:17

Jesuh in Mary lakah, “Keimah zen hih pahsun! Itahim titale pa i lakah heng ma laih ing. Mahnaven ka unau tei lakah hilhta inna, a Pa haw ahi bokmi ka Pa, a Pathian haw ahi bokmi ka Pathian nelah hawh tung hi, tin hilhin,” ti hi.

NUNGZUITU 15:23

a nuailam a laikuat hi a khut hawah sanin: “Na unau uh keimuh nungzuitute le upa ten Antiok, Siria le Silisia ah a ummi, Gentail unaupih na venghawng uh i lakah nuksatnak laikuat ung hi.

NUNGZUITU 9:13

Ananias in, “Topa, hi pa i thu hi mi tampi ten hilh li zo haw toh hi, Jerusalem khua a, na mihing tei humah thilpha ngawl a bawl lihte vang hilh haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:6

Noh Rom khua a ummite vangin, Jesuh Khrih ta hi tukin Pathian i sammi ah a tel mite hi bok uh ci.

ROM Khua Khristian Tei Lakah Paul i Laikuat (Paul’s Letter to the Romans) 5:1

Atu-in upnak hangin thiancotikmi hi zo hung hi; a Topa uh Jesuh Khrih hangin Pathian tuah lemdun zo hung hi.

ROM Khua Khristian Tei Lakah Paul i Laikuat (Paul’s Letter to the Romans) 5:5

Hi muansannakin, a lung uh siatik ma hi, itahim titale Pathian in, a itnak cu Hawvang Thiangtho mangin eimu thin sungah buak zo hi. Mah Hawvang Thiangtho cu Pathian piakmi laksawng hi.

ROM Khua Khristian Tei Lakah Paul i Laikuat (Paul’s Letter to the Romans) 8:28

Ihempoh ah Pathian in amah a ittu le ama tuptahnak bangin a sammi tei ca in, a phatnak haw tukin nadek hi tih cu thei hung hi

ROM Khua Khristian Tei Lakah Paul i Laikuat (Paul’s Letter to the Romans) 8:39

leihum le leinuai ummi hihen khen thei haw tukma hi. A Topa uh Jesuh Khrih hangin Pathian i itnak pen a khen theitu tuk siammi sung hempoh pen imah umma hi.

ROM Khua Khristian Tei Lakah Paul i Laikuat (Paul’s Letter to the Romans) 9:25

Pathian in Hosea laibu sungah, “Ka mihing, ahi ngawlte khi, ‘Ka mihing,’ tin ti tung. Ka deih ngawlmi hinnam vang, ‘Ka ihmi,’ tin sam tung.

1 KORIN 1:24

Mahnaven Pathian i a samsa tei ca in Judah mi hihen, Grik mi hihen, a phuan uhmi cu Khrih hi. Khrih cu Pathian ngilnak le cihnak hi.

1 KORIN 16:23

Topa Jesuh i hehpihnak cu nohtei lakah um zal tahen.

GALATI 6:18

U le naute aw, Topa Jesuh Khrih i hehpihnak cu nohtei lakah um zal tahen. Amen.

EFESA 1:2

A Pa uh Pathian le a Topa uh Jesuh Khrih in hehpihnak le lemdaihnak pia zal tahen.

EFESA 6:23

Pa Pathian le Topa Jesuh Khrih in Khristian unaupih na venghawng uh lakah lemdaihnak le itdunnak cu upnak tuah pia zal tahen.

DAAN PIAKLEHNAK 33:12

Benjamin hinnam cu hi bangin muicu pia hi: “Hi hinnam cu Topa i deihmi hi in, lungmuangno in cawl hi. Pathian amah in sun thaleng cingkhawi in, a mi laizangah um hi.”

FILIPI 1:2

A Pa Pathian le a Topa uh Jesuh Khrih in hehpihnak le lemdaihnak thupha pia zal tahen.

FILIPI 4:13

Khrih i piakmi huham tuah ihempoh nawkzawh theihnak ngilnak nei zo ing.

FILIPI 4:20

A Pathian uh le a pa uh i lakah thangphat sunloihnak cu kumkhua in um leleng tahen! Amen.

FILIPI 4:23

Topa Jesuh Khrih i hehpihnak thupha cu na venghawng uh i humah um leng zal tahen.

KOLOSE 1:2

Pathian i lungkimnakin Khrih Jesuh i palai keimah Paul le Khrih sungah a unau uh Timote in laikuat ung hi. A Pa uh Pathian in, a thupha le lemdaihnak thupha pia zal tahen.

KOLOSE 3:12

Noh cu Pathian i mihingte hi uh ci. Nangmuh it zetin, ama ca in, a tenmite hi uh ci. Mah hangin hehpihnak, niamkhiatnak, thinnemnak le thinsaunakte cu puan bangin silh un.

KOLOSE 3:15

Khrih i piakmi khenkhuai theihnak cu thu na son uhten na soncatnak hempoh uhah a hotu in bawl un, itahim titale hi lemdaihnak sungah um tukin Pathian in taksa pumpi pa khat sungah a sam mite hi uh ci. Mah hangin lungdamin um un.

1 THESALON 1:1

Paul, Silas le Timote, Thesalon khua a ummi pawlpi, Pa Pathian le Topa Jesuh Khrih i ta a himi, nangmu lakah laikuat ung hi. Pathian hehpihnak le lemdaihnak cu noh tei lakah um zal tahen.

1 THESALON 1:3

Itahim titale na upnak uh nisial na nundan uh pen a langmi itdunnak na neih uh hangin nase zetin, na nadehnak uh thu le, a Topa uh Jesuh Khrih sungah muansannak na neih uhmi a khodan thu thungetnak tuah a pa Pathian uh lakah hilh leleng ung hi.

1 THESALON 1:4

U le naute aw, Pathian in nangmuh it in, ama mihing hi tukin tenmi tih cu thei ung hi.

1 THESALON 4:7

Pathian in nupa sualnak bawl tukin sam ma hi, a thiangtho tukin sam saw hi.

1 THESALON 5:28

A Topa uh Jesuh Khrih i hehpihnak cu nangmu humah um zal tahen.

2 THESALON 1:2

Pa Pathian le Topa Jesuh Khrih in hehpihnak le lemdaihnak thupha pia tahen.

2 THESALON 3:16

Lemdaihnak bulpi ohtei Topa in lemdaihnak cu a phunkimin, i hun bang hunah hei in, pia tahen. Topa cu nangmu venghawng lakah um tahen.

2 THESALON 3:18

Ohtei Topa Jesuh Khrih i hehpihnak thupha cu na venghawng uh humah um leleng tahen.

1 TIMOTE 1:2

upnak sungah ka capa ahi ngangai mi Timote na lakah laikuat ing. A Pa uh Pathian le a Topa uh Jesuh Khrih in hehpihnak le lemdaihnak thupha pia zal tahen.

1 TIMOTE 6:2

A to haw cu Khristian ahi tale sila ten, “Khristian a unau ten poh ung,” tin zawnsak haw pahsuh hen. A nadeh haw pha sesemin, a deh haw tuk saw mi hi. Itahim titale a nadeh haw mi nemcuamnak a cotu cu a ih haw mi thu umtute haw hi. Thu na hilh uhten hitih bangte hi hilh un hi.

2 TIMOTE 1:2

Ka ihmi ka capa Timote aw, na lakah laikuat ing. Pa Pathian le Khrih Jesuh ohtei Topa in hehpihnak le lemdaihnak thupha pia tahen.

2 TIMOTE 4:22

Topa cu na hawvang humah um tahen. Pathian hehpihnak cu nangmu venghawng humah um tahen.

TITUS 1:4

Upnak bangve a neih uhmi sungah ka ca ngangai a himi Titus, na lakah hilai hi ngan ing. Pa Pathian le Nunpantu Khrih Jesuh in hehpihnak le lemdaihnak thupha pia tahen.

FILEMON 1:25

Topa Jesuh Khrih i hehpihnak thupha cu nangmu venghawng humah um tahen.

FILEMON 1:3

Pa Pathian le Topa Jesuh Khrih in hehpihnak le lemdaihnak thupha pia tahen.

JAMES 1:1

Pathian le Topa Jesuh Khrih i sila keimah James in leihum khua hempoh ah a lengkekmi Pathian mihing nangmuh tei lakah laikuatin nuksat ing.

1 PETER 1:15

A samtu Pathian cu Pathian Thiangtho a hih bang bokin, nisial na nunnak uhah thiangtho zetin nungbok un.

1 JOHAN 3:1

Pathian, ohtei Pa i a ihdan hi ngaisung teh un! A ihnak cu nase ngangai in, Pathian cate tin sammi hung hi. Mahtin a tih bangin hi ngangai hung hi. Mah hangin hi leipi in ohte a theih ngawlnak cu! Pathian hei thei haw ma hi.

2 JOHAN 1:3

Ohtei Pa Pathian le a Capa Jesuh Khrih in hehpihnak le lemdaihnak thupha pia tahen, thutak le itnakte vang eimuta hi leleng tahen.

MANGMUHNAK 2:1

“Efesa Pawlpi i vancungmi lakah hi bangin nganin hi. A taklam khutah aksi salih cawi in, sui meivaknak salih lak a, a vak kawkawi litu i thucahmi cu hi bangin hi.

MANGMUHNAK 2:12

“Pergamum pawlpi i vancungmi lakah hi bangin nganin hi. “Namsau lang nih hiam neitu i thucahmi cu hi bangin hi.

MANGMUHNAK 2:18

“Tiatira pawlpi i vancungmi lakah hi bangin ngan hi. “A mit mei alh bang vak a, a ke cu ciangzet nawtmi daal bangin a de mi Pathian Capa i thucah cu hi bangin hi.

MANGMUHNAK 2:29

Beng a nei hempohin, Hawvang Thiangtho i pawlpi tei lak a, ka hilhmi cu ngai un! ti hi.

MANGMUHNAK 2:8

“Smyrna pawlpi i vancungmi lakah hi bangin nganin hi. “A bulpatnak le tawpnak, thi naven a nunglehmi i thucahmi cu hi bangin hi.

MANGMUHNAK 22:21

Topa Jesuh i hehpihnak thupha cu nohtei humah um tahen.

MANGMUHNAK 3:14

“Laodisia pawlpi i vancungmi lakah hi bangin nganin hi. “Amen tihmi, muantak le theitu tetti dik hi in Pathian i semsuahmi hempoh tei bulpi, a tawpatnak i thucahmi cu hi bangin hi.

MANGMUHNAK 3:22

“Beng a nei hempohin, Hawvang Thiangtho i pawlpi tei lakah a hilhmi cu ngai un!” ti hi.

MANGMUHNAK 3:7

“Filadelfia pawlpi i vancungmi lakah hi bangin nganin hi. “A thiangthomi le a dikmi i thucahmi cu hi bangin hi. Amah cu David i tawh keemtu na hi a, kongka a honmi kuamah in khak thei haw tukma hi. Ama khahmi cu kuamah in hong thei haw tukma hi.