ROM Khua Khristian Tei Lakah Paul i Laikuat (Paul’s Letter to the Romans) 1:11 - Ngawm Bible

¹¹ Itahim titale nangmuh thazaang khotiktu tukin Pathian i Hawvang laksawng na co theihnak tukin nangmuh tei lakah zin nuamzet ing.

ROM Khua Khristian Tei Lakah Paul i Laikuat (Paul’s Letter to the Romans) 1:11 Iomraidhean Croise

PIANPATNAK 31:30

Na tainak hi na innah manlangin, na hen nuam hang hi tih cu thei leng ing. Mahnaven ita ka milim ngu nge cim? tin ti hi.

2 Samuel 13:39

David cu a mithi ngaih phadeuhin capa Absalom lehlam ngaizet hi.

2 Samuel 23:15

David cu a lunglengin, “Aw, Bethlehem kongka el a um tuikhuk a tui khuat khatno bek a piatu um le pha, tin tau ua-uan hi.

2 KHANGSIALNAK 20:20

A zingten zingtungno in tho haw a, Tekoa el ngam lamah hawh haw hi. A tul haw ten Jehoshafat in, a lak hawah, “Judah le Jerusalem mite, Topa na Pathian uh cu muang unna, khoh zetin ding thei tuk uh ci. A profet tei thuhilhmi um unna, lawhting tuk uh ci,” tin cah hi.

NUNGZUITU 16:5

Mah hangin pawlpi cu Khristian upnakah cak dedeuh a, ni khat nung ni khat, mihing tam sesem haw hi.

NUNGZUITU 19:21

Mahti bang thil a um nungten Paul in Mesidonia ngam le Akhaia ngamah zinin, Jerusalem ah lehvawk tuk khi ngaisung hi. “Mahlai ka hen nungten Rom vang cu ka muh thah kul bok tuk,” tin ti hi.

NUNGZUITU 19:6

Paul in, a hum hawah a khutnga in, Hawvang Thiangtho cu heng hi; awn phun dadang tuah awnin Pathian thu phuang haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:12

Mahtin ka tih ten keima upnakin nangmu upnak tha khotikin, nangmu upnakin keima upnak tha khotik bok tuk ka tihnak hi.

ROM Khua Khristian Tei Lakah Paul i Laikuat (Paul’s Letter to the Romans) 15:23

Mah hangin atu-in hi ngamah nadeh ka celh zo hangin le nangmuh mu tuk hi kum tampi sung ka nuammi a hih bang bokin,

ROM Khua Khristian Tei Lakah Paul i Laikuat (Paul’s Letter to the Romans) 15:29

Nangmu lak ka hen ten Khrih i thupha muicu cangkim cu sel thei tung tih thei ing.

ROM Khua Khristian Tei Lakah Paul i Laikuat (Paul’s Letter to the Romans) 15:32

Pathian lungkimnak a um tale, lungdam zetin nangmu lakah heng thei tung a, colhdamnak hunpha vang ngah tung hi.

ROM Khua Khristian Tei Lakah Paul i Laikuat (Paul’s Letter to the Romans) 16:25

Pathian nelah sunloihnak pia nung. Amah cu Jesuh Khrih i Thuthangpha ka au pihmi le a bosa khang tampi sungah selkuhin um naven atu-in phuansuahin, a ummi thu-ip hangin nangmu upnak sungah khoh zetin, a dingtiktu hi.

2 KORIN 1:15

Hi thu hi ka theih cangcianzet hangin vei nih thupha co haw hen tin, a masa in nangmu lakah zintuk tum ing.

2 KORIN 1:21

Keimuh hihen, nangmuh hihen, munkhatin Khrih tuah pumkhat hung hi, tih a theiciangtiktu cu Pathian amah hi. Pathian in ama bulta hi tukin khenkhuai zo hi.

2 KORIN 11:4

Itahim titale keimuh tei phuanmi hi ngawlin, a dang Jesuh thu a phuangtu a hung haw tale lungdam zetin sang paih uh ci a, kohtei hilhmi Hawvang Thiangtho le lungdamnak Thuthangpha tuah bangve ngawlmi, hawvang dang le lungdamnak thuhilh a um haw ten sang paih uh ci.

2 KORIN 9:14

Pathian hehpihnak thupha tam cuangin, na hum uhah a hen hangin nangmuh deihsak zetin nangmu ca in thungen haw tuk hi.

FILIPI 1:8

Khrih Jesuh i lungmu sung pen a hungmi itnak tuah nangmuhte itzet ing ka tihmi hi thutak hi tih a theitu Pathian um hi.

FILIPI 2:26

keimah bawm tukin na hah uhmi hi. A nat thu na theih uhmi khi a thinnop ngawlnakah cangin, nangmuh tawk tuk ngakhelzet hi.

FILIPI 4:1

Ka ihmi u le naute aw, nangmuhte ngaizet ing. Nohte hi keimah nemtu hi uh ci, ka ultunnak sui lukhuh hi uh ci. Ka ihmi u le naute aw, hi bangin Topa i sungah na nunnak uh cu khoh zetin ding lelengta un.

1 THESALON 3:13

Mahti bangin amah in, na thazaang uh khohtik hen na, Topa Jesuh Khrih cu a mihingte tuah a hunleh ten a Pathian uh i mai ah mi cangkim le mi thiangtho hi tuk uh ci.

1 THESALON 3:2

Timote hi nangmu lakah hah tukin ngaisung ung hi. Timote cu Khrih Thuthangpha a phuannak uhah Pathian nadektu a unau uh hi. Bawlsiatnak na tawh uhmi i hangin kuamah nunglamah na kik ngawl tukin,

2 THESALON 2:17

Thapia in, a pha mi na bawl theihnak tuk uhin ngilnak dimtik tahen.

2 THESALON 3:3

Mahnaven Pathian cu muantak zetin amah in ngilnak pia in, mi ngilo tei khut sung pen humhim tuk hi.

HEBRU 13:9

Zilhnak phun dadang ten a dikmi lampi pen pui sual haw pahsuh hen. A lungmu, thazaang cahnak uh cu an eih cungcangah eih tuk le eih tuk ngawl tihmi daan zuinak pen ngahmi hi ngawlin Pathian i hehpihnak sung pen ngahmi hi saw hi. Daan a zuitute cu a zui haw mi daan in bawm cuang ma hi.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

1 PETER 5:12

Hi laikuat comno hi muantak Khristian unau tin ka ngaihsutmi Silas i bopnak tuah nangmu lakah ka ngatmi hi. Ka sosuah nuammi cu hi laikuat sung a ka ngatmi hi. Pathian i hehpihnak tatak hi tin, a thei ciangtu hi ing a, mah hehpihnak sungah kho zetin ding un hi.

2 PETER 1:12

Hi thu le la hi na theihsa uhmi le thutak na theih uhmi sungah khohkhah zetin, a dingsami hi nave uhcin theilehtik leleng ing.