ROM Khua Khristian Tei Lakah Paul i Laikuat (Paul’s Letter to the Romans) 1:1 - Ngawm Bible

¹ Pathian in, a Thuthangpha phuangtu tukin a tiikmi le a tenmi, Khrih Jesuh i sal, nungzuitu keimah Paul in laikuat ing hi.

ROM Khua Khristian Tei Lakah Paul i Laikuat (Paul’s Letter to the Romans) 1:1 Iomraidhean Croise

1 KHANGSIALNAK 23:13

Upabel Amram cu Aaron le Moses tei pa hi. Aaron le a casuante cu na thiangtho a kumkhua in, a cingkhawitu, Topa biak ten namtui haltu, Topa nadektu le a min tuah mipi muicu piatu tukin koih mite haw hi.

ISAIAH 49:1

Ngam khawlapi ah a ummi ngamte, ngai hem un! Khualzinte vang! Ka pian laih ngawlin Topa in teng zo; Ama nadektu tukin dehvo pia hi.

JEREMIAH 1:5

“Na nu i pum sung pen ka semtik laih ngawlin thei zo toh ing a, na suah laih ngawlin miphun tampi tei profet hi tukin teng zo toh ing,” ti hi.

MARKA 1:14

Mah ceng ten Johan cu thawnginn sungah khum haw a, Jesuh cu lungdamnak Thuthangpha hilhin Galilee ngam sungah vak hi.

JOHAN 12:26

Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

JOHAN 15:15

Nohte cu sila tih hei in, samleh tukma toh ing. Itahim titale sila ten a bawipa i bawlmi thei kha awng haw ma hi. ‘Sila,’ ti ngawltohin, ngualcam, tin sam ing: itahim titale ka Pa i lak pen ka zakmi hempoh hilh khawng zo ing hi.

JOHAN 15:20

‘Sila cu a bawipa sangin ngeng saw awng ma hi,’ tih thu ka hilhmi khi cing leleng un hi. Keimah a bawlsia haw tale nohte vang bawlsia bok haw tuk hi. Ka thuzilhmi a ngai haw tale nangmu zilhmi vang ngaibok haw tuk hi.

NUNGZUITU 13:9

Mahten Saul, Paul tih hei in sammi pa cu Hawvang Thiangtho tuah dimin, mitzial thiampa cu a maicang pen zo in,

NUNGZUITU 20:24

Mahnaven ka ca in ka nunnak hi imah in sial mang hi; Topa Jesuh in deh tukin a piakmi Pathian i hehpihnak Thuthangpha son tuk hi cangkim zetin son tuk bek hi ka thuduhsammi hi.

NUNGZUITU 21:40

Ngalbawi pa in thuhilhnak hun a piak ten Paul cu kailawn humah dingin mipi cu dai un tin a khutzap hi. Mipi dai ceng haw ten Paul in Hebru awnin thuhilh hi.

NUNGZUITU 22:21

Topa in, ‘Hawhta poh inna, Gentail mitei umnak ngam khua ah tiik tung hi,’ tin ti hi.”

NUNGZUITU 22:7

Lei ah lum ing a, aw pa khatin, “Saul, Saul! Itakaw keimah na bawlsiat lih? a tih khi za ing.

NUNGZUITU 26:1

Agrippa in Paul i lakah, “Na thu cu hilh thei ci,” ti hi. Paul in, a khut tungto in, a sihsan khualnak thu cu hi bangin son hi.

NUNGZUITU 26:14

Ka venghawng uhin lum ung a, Hebru awnin aw pa khat ka zakmi in, ‘Saul, Saul! itakaw kei na bawlsiat lih? Khuicangin, a neitu i ngolh a saih ten amah a nattik saw bangin nangmah natik saw ci,’ ti hi.

NUNGZUITU 27:23

Itahim titale zantakin keimah neitu le ka biakmi Pathian i vancungmi ka lakah hungin,

NUNGZUITU 9:15

Topa in, a lakah, “Hawhin hi, itahim titale amah cu Gentail mi, kumpi le Israel tei lakah ka minthangtik tukin le ka nadektu tukin teng zo ing.

ROM Khua Khristian Tei Lakah Paul i Laikuat (Paul’s Letter to the Romans) 1:16

Thuthangpha cu zahcak pih hihim mang hi. Itahim titale Pathian i huham hangin umtu hempoh ten nunpatnak ngah haw hi. A masa in Judah mitei ca hi, mahten Gentail mitei ca hei hi bok hi.

ROM Khua Khristian Tei Lakah Paul i Laikuat (Paul’s Letter to the Romans) 1:5

Khrih Amah hangin mite sangin a thu a zui theihnak haw tukin Pathian in nungzuitu hihnak covo keimah pia hi.

ROM Khua Khristian Tei Lakah Paul i Laikuat (Paul’s Letter to the Romans) 1:9

Ama Capa i Thuthangpha cu ka lungmu hempoh tuah hilhin, a na ka deh mite cu man hi tin Pathian in theihpih hi. Thu ka nget sial ten nangmuhte phawkngil awng mang tih cu Pathian in thei hi.

ROM Khua Khristian Tei Lakah Paul i Laikuat (Paul’s Letter to the Romans) 11:13

Atu-in Gentail mite nangmu lakah thu hilh ing hi: Gentail mitei lakah tiikmi ka hih sungzong cu ka nadehmi ah mitmai pha nei tung hi.

ROM Khua Khristian Tei Lakah Paul i Laikuat (Paul’s Letter to the Romans) 15:16

Gentail mite cu Pathian nelah cosan takmi biakpiaknak bang a hihnak haw tukin le Hawvang Thiangtho i thawmin Pathian lakah apmi a hihnak haw tukin Pathian lak pen a hengmi Thuthangpha ka phuan ten thiampi bangin dek ing.

ROM Khua Khristian Tei Lakah Paul i Laikuat (Paul’s Letter to the Romans) 15:29

Nangmu lak ka hen ten Khrih i thupha muicu cangkim cu sel thei tung tih thei ing.

ROM Khua Khristian Tei Lakah Paul i Laikuat (Paul’s Letter to the Romans) 16:18

Mahtibang na a dektute cu a Topa uh Khrih ca nadektu hi haw ma hi; amu pumpi ca nadektute haw hi. A ot naldan le a awnmawi dan haw in, imah thei ngawl mipite cu zol khawng haw hi.

ROM Khua Khristian Tei Lakah Paul i Laikuat (Paul’s Letter to the Romans) 16:25

Pathian nelah sunloihnak pia nung. Amah cu Jesuh Khrih i Thuthangpha ka au pihmi le a bosa khang tampi sungah selkuhin um naven atu-in phuansuahin, a ummi thu-ip hangin nangmu upnak sungah khoh zetin, a dingtiktu hi.

1 KORIN 1:1

Jesuh Khrih i nungzuitu hi tukin Pathian lungkimnak tuah sammi keimah Paul le a unau uh Sosthenes in,

1 KORIN 9:1

Miluat hi ma ing maw? Tiikmi hi ma ing maw? A Topa uh Jesuh mu zo ma ing maw? Nohte cu Topa ca tukin ka nadehmi i a ngah hi uh ci,

2 KORIN 1:1

Khrih Jesuh nungzuitu, Pathian i lungkimin tenmi, keimah Paul le a unau pih uh Timote in Korin Khua ummi Pathian i pawlpite le Akhaia ngamsung a khua hempoh ah a ummi Pathian i pawlpi hempoh na venghawng uh lakah laikuat ung hi.

2 KORIN 11:5

Noh ten, “Nungzuitu,” tuam vilvel na tih uh mite sangin dawmno hei a niam saw cuangin ngaisungdun bokma ung.

2 KORIN 11:7

Pathian Thuthangpha nohtei lakah ka phuan ten phuan man la awng mang, nangmuhte saw thupitik nuamin, keimah saw nuai khiadun ing. Mahtin ka um cu sual ing maw?

2 KORIN 12:11

Noh ten misil nundan bangin nung tukin na bawl uh hangin a sil bangin um ing! Ka humah lungkimnak a langtiktu tuk hi uh ci. Imah ngawl ka hi vangin, “Tiikmi cuangcungte,” tuah demno hei niam cuang mang hi.

2 KORIN 2:12

Khrih Thuthangpha phuang tukin Troas khua ka hen ten Topa in mahlai ah nadek tukin kongka honsak tin mu ing.

2 KORIN 4:5

Ka hilh uhmi hi keimu cungcang thu hi ma hi; Jesuh Khrih cu Topa hi a, Jesuh i ca in kohte hi nangmu umlawh ung hi, tihmi saw hi ka hilh uhmi hi.

GALATI 1:1

Paul in mihing tei samnak le cial thong hangin a dektu hi ngawlin, Jesuh Khrih thihnak pen a tholehtiktu Pa Pathian le Jesuh Khrih i tenmi le tiikmi ing ti hi.

EFESA 1:1

Pathian i lungkimnak bangin Khrih Jesuh i kamtai keimah Paul in Efesa khua ah a ummi Pathian i mite, Khrih Jesuh tuah na pehzop dunnak uhah muantakin, a nungmi, nangmu lakah hilai hi kuat ing.

EFESA 1:13

Nangmu lakah nunpatnak a hentu Thuthangpha a manmi thuthang cu na zak uhten nangmuh vang Pathian i mihing bok uh ci. Khrih sungah um uh ci a, Pathian in amata na hihnak uh langtiknakin nangmu humah melciknak pia hi; mahmi melciknak cu pia tukin a tepsami Hawvang Thiangtho khi hi.

EFESA 4:11

“Mihing tei lakah laksawng a piatu,” hei cu amah hi. Laksawng a piakmi a khenkhat cu tiikmite, khenkhat cu profette, khenkhat cu Thuthangpha phuangtute, a khente cu pastor le zilhtu haw hi.

DAAN PIAKLEHNAK 10:8

Mahlai pen Topa in Thutiam Kuang cingtu tukin, a thiampi nadektu tukin le ama minin muicu piatu tukin Levi hinnamte nadeh pia hi. Tutianin mahmi cu a nadeh haw na hita hi.

FILIPI 1:1

Khrih Jesuh i sila Paul le Timote in, Khrih Jesuh tuah a pehzommi Filipi khua a Pathian i mihing tei lakah le nangmu pawlpi sung a lamhuaitu le bawmtu tei lakah laikuat ung hi.

FILIPI 2:11

Jesuh Khrih cu Topa hi, tin Pa Pathian sunloihnakin phuang khawng haw tuk hi.

KOLOSE 1:1

Kolose khua a ummi Pathian i mihing, Khrih tuah na pehzopnak uh i hangin muantakmi Khristian unaupihte aw, nangmu lakah,

KOLOSE 1:25

Kei cu pawlpi nadektu in bawl zo hi. Hi nadeh a piakmi cu nangmu nemcuamnak tukin hi. Mahmi cu Pathian i Thuthangpha cangkim zetin phuanmi khi hi.

1 THESALON 2:2

Thesalon khua ka hen uh laih ngawlin Filipi khua ah bawlsiatnak le zotsaknak tawk zo ung tihte vang thei uh ci. Mahti bangin dodalnak tampi um naven Pathian in ngalhannak pia in, ama Thuthangpha cu nangmuh tei lakah phuang ung hi.

1 THESALON 2:8

Nangmuh ka ihzet uh hangin, Pathian Thuthangpha bek hei hi ngawlin ka nunnak loli uh vang pia nuam ung hi.

1 THESALON 2:9

Ka ihzet uhmi hi zo uh ci. U le naute aw, cawl le haksa zetin, na ka deh uh cu thei leng poh uh ci. Pathian Thuthangpha nangmuh tei lakah ka phuan uhten nangmu ca in vanngit a hih ngawlnak tukin sun le zan na ka dehnak uh hi.

1 TIMOTE 1:1

Ohtei Nunpantu a Pa uh Pathian le a muansan uhmi Jesuh Khrih i hangin Khrih i tiikmi keimah Paul in,

1 TIMOTE 2:7

Mah hangin hi upnak thu le thutak phuangtu tukin Gentail mitei lakah zilhtu le kamtai tukin a hahmi hi. Zolthu son mang, thutak son ing.

2 TIMOTE 1:11

Pathian in Thuthangpha phuang tukin kamtai le zilhtu ah teng zo hi.

TITUS 1:1

Pathian nadektu le Jesuh Khrih kamtai palai keimah Paul in laikuat ing. Pathian in, a tenmi a mihing tei umnak haw kho deuhtik tukin le eimu biaknak thudik sungah pui tukin, Pathian in tengin hah hi.

HEBRU 5:4

Kuamah in amuh le muh thiampi sangah tengdunin dangtodun cop thei haw ma hi. Aaron cu Pathian in samin, thiampi sang a can bangin kua hei hihen Pathian i samnak bekin thiampi sangah cangthei haw hi.

HEBRU 7:26

Mahti bang a hih hangin Jesuh cu a kul uhmi a kimtik theitu Thiampi Sangbel hi. Amah cu a thiangthomi hi; sualnak nei ngawlmi le sonbang ngawlmi hi. Misual lak pen khenkhuaimi hi a, vanhumah cawi toh hi zo hi.

JAMES 1:1

Pathian le Topa Jesuh Khrih i sila keimah James in leihum khua hempoh ah a lengkekmi Pathian mihing nangmuh tei lakah laikuatin nuksat ing.

1 PETER 4:17

Thukhennak a pat hun heng zo hi. Pathian i mihing ten thukhennak tawk masa haw tuk hi. Mahti bangin eimu humah a heng masa tale Pathian Thuthangpha a umngawltu cu itin tawpleh haw tuk him?

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.

MANGMUHNAK 1:1

Hi thu hi Jesuh Khrih i phuanmi hi: A hengpal tukmi nate, a sila tei lakah langtik tukin Pathian in, a lakah a phuanmi hi. Mahmi cu Khrih in, a vancungmi pa khat hahin, a sila Johan lakah a theihtikmi hi.

MANGMUHNAK 22:6

Mahten vancungmi in ka lakah, “Hi thute hi a manmi le muantakmi hi. Profet tei lakah a Hawvang Thiangtho a hahtu Topa Pathian in, a hengpal tukmi thilte khi ama nadektute theitik tukin a vancungmite hah hi,” ti hi.

MANGMUHNAK 22:9

Mahnaven amah in, “Bia pahsun! Kei hei nangmah bangin le na unau profette le hi laibu sung a ngatmi thu a zuitute bangin Pathian i nadektu hi bok ing hi. Pathian bia saw in hi,” tin ti hi;