NAHUM 2:2 - Ngawm Bible

² (Siatsuahtu ten a nate lonsakin, a siatsuah khawng haw hei in Topa in, Judah le Israel sunloihnak cu pia kikleh tuk hi.)

NAHUM 2:2 Iomraidhean Croise

SAAM LABU 47:4

Ohtei ca in, a umnak uh leingam hi na ten sak hi; A ihmi a mihing tei co mi, Jakob i sunsakmi ngam sunglawi cu!

ISAIAH 60:15

Hawlvawkmi le huatmi hileh tukma toh ci. Zamsanmi le a dai khipkhep khuapi hileh tukma toh ci. A nase mi le a mawimi in bawl tung a, kumkhua nunnopnak khuapi in cang tuk ci.

JEREMIAH 25:29

Siatsuahnak cu keima khuapi pepan tung hi. Bawlsiatnak tawk ngawlin a luat tuk hengin maw a ngaihsut haw? Luat thawthong haw tukma, bawlsiat khawng hi haw tuk hi. Leihum mi hempoh lakah ngaldonak hengtik tung hi. Keimah Cungnungbel Topa in, hilh zo toh ing.

JEREMIAH 48:11

Topa in, Moab cu himno le mengdenin um leng hi. Ngalmatmi hi awng haw ma. Moab cu beel pa khat pen a dang pa khatah tot lihmi sabittui bang kha ma hi. Kua ma khalh ngawlmi a tawntilin koihmi sabittui bang hi. A ngim hei sia awng ma, a uk lelengmi sabittui bang hi.

JEREMIAH 49:9

Miten sabit ngah a thawih haw ten, a ngui humah demno bek zam haw hi; nguca ten zanlaihin, mi a suam haw ten a deihmi na bek la haw hi.

EZEKIEL 37:21

Cungnungbel Topa in, hi bangin hilh hi tin thanin hi. Ka mihingte cu a vahvaihnak miphun tampi sung pen puikik tung a, hulawm khawngin, a ngam hawah kik lehtik tung hi.

EZEKIEL 37:23

Ningdelhhuai milimte tuah nawngkai duncop haw tukma toh a, sualnak tuah nintik duncop haw tukma toh hi. Sualnak bawlin keimah a naunehnak haw hempoh pen luattik tung hi. Thiangthotik tung a, ka mihing hi in, a Pathian haw hi tuk toh ing.

HOSEA 10:1

Israel cu a ngah zetmi sabit kung bang hi. A hauh dedeuh haw ten biaklandawh tam dedeuh bawl haw hi. A ngam hawah an tam deuh a suah ten a biak haw mi thingmungte cu mawi dedeuhin bawl haw hi.

NAHUM 2:10

Nineveh cu siatsuah khawng sa zo hi. Zamsanmi le ngamko in cang zo hi! A tha haw bo in, a mai haw dalkhawng hi.

NAHUM 3:14

Ngal ten umcip haw tuk a hih hangin tuicawi ham un. Na ngalpannak mun uhte kho zetin bawl un. Ukkhe bawl tukin taklei cil ham unna, ukkhe ahnak tuk kuang vang bawlham un.

ZEFANIAH 3:11

noh ka mihingte, keimah na langpang uh hangin zakca in um tukma toh uh ci. Mi ngal le mi pualthau hempoh cu phathongtik khawng tung a, noh ten ka mual thiangtho hum pen dodalleh tukma toh uh ci.