NAHUM 1:3 - Ngawm Bible

³ Topa cu baihno in, a thinuk ma hi, mahnaven a huham nasezet hi. Misualte dantat ngawlin luattik hihim tukma hi. Simpei le huihpi sungah a lampi umin, meingo cu a keciahnak pen a khu tomi leivul khu hi.

NAHUM 1:3 Iomraidhean Croise

2 Samuel 22:10

Topa in van cu lipin, tolh hi. Khawnimte cu a ke nuai ah koih hi.

NEHEMIAH 9:17

Na thu zui nuam ngawlin na bawlmi nate phawkngil khawng haw, Na lamdang na bawl mite cu cingleh haw ma toh. A uangthuannak haw tuah hotu teng haw hi, Izipt saltannakah kihpihleh tukin hi. Mahnaven nang cu mi ngaidamtu, thangaitu Pathian hi ci, Hehpihnak le itnak nei ci, thinsauzet ci. Na hehpihnak cu ngeng ngangai hi, nung hek tuk phal ma ci.

JOB Laibu (The Book of Job) 10:14

Ituk ten sual tuk nentim tin pang leleng ci; Ka sualnakte cu demno hei ngaihdam tum vingviang ma ci.

JOB Laibu (The Book of Job) 38:1

Mahten simpei sung pen Topa in, Job lakah hi bangin donleh hi.

JOB Laibu (The Book of Job) 9:4

Pathian i cihnak cu thukzet hi, a huham neihmi cu zalzet hi, Kuamah in dodalin, a mai ah ding thei haw tukma hi.

SAAM LABU 103:8

Topa in hehpihnak le hehpihnak nei hi; A thinduai in itnak tuah dim hi.

SAAM LABU 104:3

Humlam tui humah na inn cu sa ci. Khawnim cu na cipuhlengin mang ci a, huih i ha humah khung ci,

SAAM LABU 145:8

Topa cu mi ittu le mi hehpihtu hi; A thinsau zetin, itnak tuah dim hi.

SAAM LABU 147:5

A Topa uh cu a thawmngengmi le a Cungnungbel hi; A thil tihtheih dan cu teh theih tukmi hi ma hi.

SAAM LABU 50:3

A Pathian uh cu hung naven mengdenno in hung ma hi. A mailamah mei alh huhum tuk a, a elkimah nase zetin huihpi theu tuk hi.

SAAM LABU 62:11

Pathian awnkam zali zo ing, Huham hempoh cu amata hi;

SAAM LABU 66:3

Pathian nelah, “Na thil bawl mite thasiahhuai daan hi! Na huham a nasezet tak, na ngalte cawmin lau in, na mai ah bok haw hi.

ISAIAH 19:1

Izipt ca in, a hengmi thu cu hi bangin hi. Topa cu manlang zetin meingo humah khungin, Izipt ah hung hi. A mai ah Izipt tei milimte cu hingin, Izipt mitei ngalphatnak cu bo hi.

ISAIAH 29:6

Cungnungbel Topa in, a nase zetmi huih le nguah, van thum le kekta, hiinhing tuah el pan tuk hi. Huihsia le a alh dudummi mei khiak suak tuk hi.

ISAIAH 66:15

Topa cu mei tuah hung tuk hi. Huihpi humah Topa cu khungin, a thinuktik tute cu bawlsia tuk hi.

JEREMIAH 4:13

Zo hem un, ngalte cu meingo niimpi bangin tul luluih haw hi. A cipuhlengte cu simpeipi sangin cak saw in, a cipuhte cu muvanlai sangin manlang saw haw hi. A lampi uh bing! Bothal zo hung!

DANIEL 7:13

Zanlam ka muhmi ah mihing bang pa khat mu ing. Meingo hum pen hungin kumkhua a nungmi lakah hawhin, a lakah heng hi.

HOSEA 8:7

Huih ci a vawh haw ten huihsia pi cawm haw tuk a, ngui a nei ngawlmi an kungin, an suaktik tukma hi. An a suak thei hei in ngamdangmi ten ei haw tuk hi.

JOEL 2:13

Na thasiatnak uh cu na lungmu tak loli tuah langtik unna, na puansilh uhte balkeknak bekin tawk ma laih,” ti hi. Topa na Pathian nelah kikleh un. Amah cu hehpihnak le itnak neitu hi; thinsau in, a kho mi itnak tuah dim hi; dantat tuk a ngaihsutsa vang supleh thei hi.

JONAH 4:2

Topa nelah thungenin: “Topa aw, ka ngam sungah ka umlaih pepan hiti bang tukin ti hamsa mang maw! Hi hangin hi ven Tarshish khua ah ka tainak cu! Mi hehpih thei le mi it thei Pathian, thinsau mi le a kho mi itnak neitu Pathian, mi na siatsuah nuam hei in, a sikleh lelem theitu Pathian na hihnak cu thei zo ing.

ZEKHARIAH 9:14

Topa cu a mihing tei humah langin; a thalcangte khuaphelep bangin kap tuk hi. Cungnungbel Topa in, a pengkul cu tumin; Hanglam huihpi sung pen hawh tuk hi.

MATTHAI 26:64

Jesuh in, “Nangma sonnak bangin hi! Mahnaven nangmah hilh khawng tung hi: tu pepan Mihing Capa cu Cungnungbel i taklamah khungin, mu tuk uh ci, vancung meingo hum pen a hunleh tuk vang mu tuk uh ci,” ti hi.

JAMES 1:19

Ka ihmi u le naute aw, hi thu hi cing leleng un. A kuakua hei hihen, thu theih nuamnak lamah a zuan ngangmi hi unna, ot tuk le thinuknak lamah zuancum mi hi un.

MANGMUHNAK 1:7

Zo un! Khrih cu meingo hum pen hung tuk a, mi hempoh ten mu haw tuk hi; amah a suntute vangin mu bok haw tuk hi. Leihum mi hempoh ten sikkikin, kap haw tuk hi. Mahtin um tatak tuk hi! Amen.