MATTHAI 8:3 - Ngawm Bible

³ Jesuh in, “Damtik nuam ing, tu pepan thiang tohin,” ti hi. Mah ceng bek ten thakhatin mahpa cu dam paih hi.

MATTHAI 8:3 Iomraidhean Croise

PIANPATNAK 1:3

Pathian in, “Khuavak um hen,” a tih ten vaknak cu um hi.

2 KUMPI 5:11

Naaman cu a thinukin kikleh hi, “Mahti lawlawm! Ka lakah hungin, Topa a Pathian nelah thungenin ka natnak meima humah a khutsuanin damtik tuk tin ngaisung ing.

2 KUMPI 5:14

Mah hangin Naaman cu Jordan Ngunah hawhin, tui sungah Elisha i tihnak bangin vei salih nimin, mahnung ten a natnak cu dam ngangai hi. A taksa dam khawngin, nauno taksa bangin mom mimmemleh hi. Damleh zetin naupang bangin suak hi.

SAAM LABU 33:9

A ot ten leipi cu semsuah hi, A thupiakmi in ihempoh piang hi.

SUAHTULNAK 4:7

Topa in “Na khut cu na angki sungah koih lehin hi,” ti hi. A tih bangin Moses in koih hi. A khut cu a suahleh ten dam khawngin, a taksa dang bangin suakleh hi.

MATTHAI 12:13

Khut zawngpa i lakah, “Na khut zak hemin,” ti hi. A khut cu zakin, a langlam khut bangin damleh hi.

MARKA 1:41

Jesuh in, a hehpihzet taktohin, a khut tuah zenin, “Damtik nuam ing hi,” tin donin, “Thiang tohin!”

MARKA 4:39

Jesuh cu tho in, huihpi le tuipi cu “Daiden un, phia toh pahsuh un,” tin, a liat ten huihpi theu le tuihualpi cu cawl paih hi.

MARKA 5:41

Jesuh in numei nu i khut pen lenin, “Talitha koumi,” ti hi. Talitha koumi i sullam cu, “Numei nu aw, tho in hi, ti ing,” tihnak hi.

MARKA 7:34

Jesuh cu vanlam zoto in, “Effatha,” ti hi. Effatha tih cu, “Hong in!” tihnak hi.

MARKA 9:25

Mi honpi ten a zot susuih haw cu Jesuh in amuh ten, “Awn thei ngawl bengbul khawhuai, ama sung pen tulvutin hi. Tu nungten ama sung hihimah tumleh toh pahsun, tin thupia ing,” tin liat hi.

LUKA 4:27

Profet Elisha khan laihin, Israel ngamsung um mi tampi cu phaak haw hi. Mahnaven damnak ngahtu midang kuamah umma hi. Syria mi Naaman bek dam,” ti hi.

LUKA 5:13

Jesuh in, a khutzaakin, a zen ceng ten, “Thiangtik nuam ing hi, thiangin,” tin a tih ten thakhatin, a natnak cu dam hi.

LUKA 7:14

Jesuh cu hawhin, mithi kuang cu a khut tuah a zen ten mithi zawngte cu cawlpaih haw hi. Jesuh in, “Tangval pa, tho in, ti ing hi,” ti hi.

JOHAN 11:43

Mahtin a tih ceng ten, “Lazaras aw, tulin!” tin nging zetin au hi.

JOHAN 15:24

Kuamah i bawl awng ngawl ka bawlmite cu bawl ngawlin ka umta ahin, amuh tei humah sualnak um tukma hi. Mahnaven atu tianah ka bawlmi khi mu leng haw naven ka Pa le Keimah hua haw hi.

JOHAN 5:21

Pa in mithi thotikin, nunnak a piak bangin Capa hei in nunnak a deihtu lakah pia bok hi.