MATTHAI 5:3 - Ngawm Bible

³ “Hawvang lamah thanem ung tih a theitute cu, thupha muicu ngahte haw hi. Itahim titale vancung Uknak cu amu sungah um hi.

MATTHAI 5:3 Iomraidhean Croise

2 KHANGSIALNAK 33:12

vancaukapin, a um hangin a lungmu kiam lehin, Topa Pathian nelah hekkik lehin, Topa i bopnak ngen hi.

2 KHANGSIALNAK 33:19

Kumpi Manasseh i thungetnak le Pathian i sannak, sualnak le phatngawlnak a bawl mite, dawi biaknak le Asherah dawinu zuk a bawl mite le milim a biaknak thute cu cangkimno in, Profet Tei Tangthu Laibu sungah ngan haw hi.

2 KHANGSIALNAK 33:23

Mahnaven a pa bang hi ma hi, a lungnem ngawlin Topa i lamah vang hekkikleh ma hi, a pa sangin a sualnak cuang deuh hi.

2 KHANGSIALNAK 34:27

Jerusalem ka mihingte ka bawlsiat tuk thu na zak ten na puan botkekin, kap le sikkikin, na lungmu a nem hangin na thungetnak za zo ing.

2 KHANGSIALNAK 7:14

ka lakah lungmu sihkiknak tuah thungenin, ka mitmai zei in thilpha ngawl a bawlnak haw pen a kikleh haw ahi tale van pen a thungetnak haw cu za tung a, a sualnak haw cu ngaidam tung, a ngam haw cu ngampha in suaklehtik tung hi.

JOB Laibu (The Book of Job) 42:6

Mah hangin zakca in keimah le keimah ningdelhin, leivul le vut lakah khungin sikleh ing.

SAAM LABU 1:1

Mi ngilo tei ngaihsutnak piakmi sang ngawlin, misual tei ngamtat a zui ngawltu le Pathian a zawnsaktu tei lakah a tel ngawltu cu mi lungdam hi.

SAAM LABU 112:1

Topa cu thangphat un; Topa a kihcatu le a thupiakmi a zuitute cu mi muicu haw hi.

SAAM LABU 128:1

Topa a kihcatute le a thupiakmi bangin a nungtute cu mi lungdam haw hi.

SAAM LABU 146:5

Amah bawmtu tukin Jakob i Pathian a neitu cu mi muicu haw hi.

SAAM LABU 2:12

Can tawtok thahin, a mai ah kun unna, mahma tale, a thinuk tuk a, lalthong tuk uh ci; Itahim titale thakhatin, a thinuk tuk hi. Amah zuanin, humhimnak a ngahte cu mi muicu haw hi.

SAAM LABU 34:18

Topa cu thinnau tei elah umin, muansannak a nei ngawl toh tei nunpan hi.

SAAM LABU 41:1

Mi ca-ngah a ngaihsaktu cu mi muicu hi. A haksat haw ten Topa in bawm tuk hi.

SAAM LABU 51:17

Maw Pathian aw, ka piakmi biakpiaknak cu a tamzanmi lungmu hi. A tamzanmi le sual sik lehmi lungmu cu kik awng tukma ci.

SAAM LABU 84:12

Maw Cungnungbel Pathian, nangmah a muangtu cu mi muicu hi haw hi.

THUPAUCAP 16:19

Mi ca-ngahte tuah niamkhiatno um cu, mi pualthaute tuah ngal tei van lonsak mi sem sangin pha saw hi.

THUPAUCAP 29:23

Pualthaunak le uangkho dunnakin siatnakah na hengtik thei hi. Mahnaven niamkhiatnakno tuah na um tale mitei upatnak co tuk ci.

THUPAUCAP 8:32

Ka cate aw, ka hilhmi thu hi ngai un, ka hilhmi bangin dek unna, na lung uh dam tuk hi.

ISAIAH 30:18

Mahti hi naven Topa cu na hum uhah hehpihnak nei laih hi. Amah cu thudik bebek a bawl hangin nangmuh hehpih tukin ngak laih hi. Lungdamnak tatak cu Topa muansannak pen heng hi.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

ISAIAH 66:2

Lei le vante cu keima semsuahmi haw hi. Lung nemmi, sihkiknak lungmu neimi le ka thu zui in, a kihca tei humah ka lungdam hi.

MIKAH 6:8

Mah kha ma hi, Topa amah in, a phabelmi cu hilh zo hi. A deihmi cu: a dikmi bawl tuk, a kho mi itnak neih tuk le niamkhiat zetin Pathian tuah pawlkom leleng khi na hi.

MATTHAI 11:25

Jesuh in, “Maw ka pa, lei le van i Topa! Micip le mithiam tei lak pen a sel lelengmi khi atu-in imah a thiam ngawl tei lakah na langtik hangin lungdam ing.

MATTHAI 11:6

Keima thu ah lungmu aicang po ngawltu cu thupha ngahmi haw hi,” tin ti hi.

MATTHAI 13:16

Mahnaven, nohte cu itihzah mi bawngpha uh cim! na mit uhin mu in, na beng uh vangin za uh ci.

MATTHAI 19:14

Jesuh in, “Vancung Uknak cu hi bang tei tatuk a hih hangin, naupangte cu ka lakah hung haw poh hen, kham pahsuh un,” tin ti hi.

MATTHAI 24:46

Phano in, na deh lih laihtakin, a bawipa a hungkikleh tale itih zahin kaw mah umlawhpa cu a lung a dam tuk?

MATTHAI 25:34

Mahten Kumpipa in, a taklam a mipha tei lakah, ‘Hung un ka pa i thupha piakmite! Hung unna, leihum semsuah pepan nangmu ca lepsami ngamnop luah un hi.

MATTHAI 3:2

“Vancung Uknak naizet zo toh hangin, na lungmu uh thek unna, na sualnak uh sik un,” ti hi.

MATTHAI 8:11

Thungai in hilh ing, nisuahnak le nitumnak lam pen mi tampi hungin vancung ngam puai an eihnakah Abraham, Isaak Jakob tuah khung langkhat haw tuk hi.

MARKA 10:14

Mah thu cu Jesuh in, a zak ten a thinukin, a nungzuitu tei lakah, “Naupangte cu ka lakah hunpih un hi, kham pahsuh un! Itahim titale Vancung Uknak cu hi bang naupang tei ca in hi.

LUKA 11:28

Mahnaven Jesuh in, “Pathian thu zain, a zuitu tei humah thupha um saw,” ti hi.

LUKA 18:14

Ciang zetin hilh ing. Farasi pa hi ngawlin, siahkhontu pa saw khi innah a pin haw ten sual ngaihthiamin um hi. Itahim titale akua hei hihen mah le mah a ultung duntu cu nuainepin um tuk hi. Mahnaven amah le mah a niamkhiat mite cu pahcawi in um tuk,” ti hi.

LUKA 22:29

Ka pa in uk theihnak thu a piak bangin kei hei in uk theihnak thupia bok tung hi.

LUKA 22:30

Ka uknak sung a, ka cabuai ah in le ei bok tuk uh ci. Israel miphun sawm le pa nih uktu tukin bawi khunnakah khung tuk uh ci,” ti hi.

LUKA 4:18

“Topa i Hawvang cu ka humah um hi. Itahim titale mi ca-ngah tei lakah lungdamnak thuthangpha phuang tukin sathau thihsakin kei cu teng zo hi. Saltangmi tei lakah luatnak thu hilh tukin le mitcaw tei khua muhleh theihnak tukin keimah teng zo hi. Bawlsiat thuakte luattik tukin le

JOHAN 20:29

Jesuh in, “Na muh hangin um poh sisi? Keimah mu ngawl napi in, a sangtute cu thupha ngahmi haw hi,” ti hi.

DAAN PIAKLEHNAK 8:2

Phillawn ngamkhingah kum sawm li sung Topa na Pathian in pui in, a thupiakmi zui tum haw maw, zui tum haw ma him, tih na lungmu sungah na ngaihsutnak uhte thei nuamin, na lak uh a, haksatnak a hentik daante ngaisung un hi.

JAMES 1:10

Mahten a hausa zo Khristian unau khi mi ca-ngahin, a umleh tale a lungdam leleng hen. Itahim titale mihaute cu hampa lak a, pak bangin thiim haw tuk hi.

JAMES 1:12

Thiathazohnak a tawh hun ten khim zetin a ding theitu cu mi lungdammi hi. Itahim titale mahtibang haksatnak a neh theih hangin Pathian in amah a ittu tei ca in, a tepsami nunnak cu laksawngin co tuk hi.

JAMES 2:5

Ka ihmi u le naute aw, ngai hih un, Pathian in, mi ca-ngah hi upnak lamah mi hausa hi tukin le amah a ittu tei lakah a tepsami a uknak cotu tukin teng hi.

MANGMUHNAK 19:9

Vancungmi in, “Hihi nganin: Tuuno mopuainakah sammi cu mi lungdammi haw hi. Hi thu hi Pathian thuman,” ti hi.

MANGMUHNAK 22:14

A vansilh haw mi thianglim zetin, a sawpciangtute le nunnak thingkung le a ngah eih theihnak thu le khuapi kongka pi pen tum theihnak thu a neitute cu mi lungdam mi haw hi.

MANGMUHNAK 3:17

Nangmah in, “Kei cu mihau mi neinung ing, ka kin ka sapmi hempoh nei ing,” tin ti ci. Mahnaven nangmah cu mi ca-ngah, mi hehpihhuai na hihlam theidun cawm ma ci. Nangmah cu mi ca-ngah, puansilh ngawl thacang le mitcaw mi hi ci.