MATTHAI 4:2 - Ngawm Bible

² Ni sawm li le zan sawm li, an ei ngawlin a um hangin a ngilkial mahtak hi.

MATTHAI 4:2 Iomraidhean Croise

1 KUMPI 19:8

Elijah cu tho in, a eih le a in nungten, a tha umlehin, Pathian i mual thiangtho, Sinai Mualhumah sun sawm li le zan sawm li sung hawh hi.

SUAHTULNAK 24:18

Moses cu mualhum meingo sungah sun sawm li le zan sawm li um hi.

SUAHTULNAK 34:28

Mah hangin Moses cu sun sawm li le zan sawm li an ei ngawl le tui in ngawlin Topa i lakah um hi. Thutepnak awnkam Thukham sawm khat sung a, ummi Pathian awnkam cu suangpeek humah Moses in ngan khawng hi.

MATTHAI 21:18

A zing, zingtungno in Jerusalem khuapi lamah a hawhleh ten a ngilkialzet hi.

MATTHAI 25:35

Itahim titale ka ngilkial ten an pia uh ci; ka dangdum ten, intuk tui pia uh ci, mikhual ka hih laihtakin, na inn uhah zintungtik uh ci;

MATTHAI 25:42

Itahim titale ka ngilkial ten an pia ma uh ci; ka dangdum ten tui pia ma uh ci;

MARKA 11:12

A zingten Bethani khua pen a kihleh haw laihin, Jesuh cu a ngilkial hi.

LUKA 4:2

Mahlai munah ni sawm li sung Satan in khingkhai hi. Hi sung hempoh imah ei ngawlin a um hangin a ngilkial mahtak hi.

JOHAN 4:6

Mahlai ah Jakob tuikhuk um a, Jesuh cu a khualzinnak a cawl leita hangin mah tuikhuk elah khung hi. A hun cu sun hawng khi hi.

DAAN PIAKLEHNAK 18:18

Amuh lak pen nangmah bang profet cu a ot haw tukmi hilh tung a, ka thupiakmi hempoh mipi lakah hilh khawng haw tuk hi.

DAAN PIAKLEHNAK 9:18

Mahnung ten Topa i mai ah sun sawm li le zan sawm li sung leihumah bokleh ing; Topa i humah na sual uh hangin le a thin na uktikleh uh hangin mahtin um ing a, an hei ei mang, tui vangin mang hi.

DAAN PIAKLEHNAK 9:25

Mahti bangin nangmuh siatsuah khawng a tum hangin Topa i mai ah sun sawm li le zan sawm li sung ka mai lei tawngkha tian bok ing.

DAAN PIAKLEHNAK 9:9

Topa in nangmuhte tuah thutepnak a bawlmi ngatnak suangpeekte la tukin mualhumah hawh ing. Mahlaiah sun sawm li le zan sawm li sung imah ei le in ngawlin um ing.