MATTHAI 4:1 - Ngawm Bible

¹ Satan i sualsoh tukin Jesuh cu Hawvangin ngamkhingah hawhpih hi.

MATTHAI 4:1 Iomraidhean Croise

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

1 KUMPI 18:12

Ka hawh bek ten ka theih ngawlnak uh munah Topa i hawvangin, a puavawkta ahin itin kaw a tih tuk uh? Hilai a, na um thu Ahab lakah hilhin, amah in, a muleh ma tale kei cu that tuk hi. Na theih bangin kei cu ka naupang laih pepan Topa biatu le kihcatu ing.

2 KUMPI 2:16

Na nadektu “Mi ngil nguakcang mihing sawm nga hilai ah um ung. Hawh inna bawipa cu zei nung. Topa i hawvangin pui a, mualhumah maw, luam sungah maw, mun kha khatah zamta hi tuk,” tin ti haw hi. Elisha in, “Mah kha ma hi, hawh pahsuh un,” ti hi.

EZEKIEL 11:1

Pathian hawvangin, keimah cawi in, Biakinn nisuahnak lam kongkhahah koih hi. Mahlai ah mihing sawm nih le pa nga mu ing, a ngam haw hotu upa pa nih Azzur capa Jaazaniah le Benaiah i capa Pelatiah tel haw hi.

EZEKIEL 11:24

Mah ka muhnakah Pathian hawvangin cawi a, Babilon ngam saltang tei lakah koihleh hi. Muhnak cu pai in,

EZEKIEL 3:12

Pathian hawvangin cawi a, ka nunglam pen aw nging za ing. Mah aw in, “Vancungah Topa i sunloihnak cu thangphat un,” ti hi.

EZEKIEL 3:14

Topa i cahnak huham cu ka lakah nasezet hengin, hawvangin, a thiak ceng ten thinso le thinuk zetin um ing.

EZEKIEL 40:2

Muhnak ka neihmi ah, Pathian in Israel ngamah hawhpihin, mualsang pa khat humah koih hi. Ka mai ah khuapi a bangmi inn honpi umin mu ing.

EZEKIEL 43:5

Topa i hawvangin, keimah cu cawi in, a laizang inntualah hawhpih a, mahlai pen Biakinn cu Topa i sunloihnak tuah dim hi tih cu mu ing.

EZEKIEL 8:3

Khut bangkekin keimah sawkin, ka sam pen man hi. Pathian i hawvangin huih lakah cawi in, Jerusalem ah koih hi. Pathian a thinuktiktu milim a koihnak haw Biakinn saklam kongkhah sunglam kongka ah hawhpih hi.

JOHAN 14:30

Hi leihumpi uktu pa hung li toh a hih hangin thu saupi sonpih man lehma toh ing. Keima humah thuneihnak imah nei ma hi.

NUNGZUITU 8:39

Tuisung pen a thawh haw ten Topa i Hawvangin Filip cu thiakta hi. Mah bawi in Filip cu mu lehma toh hi; mahnaven lungdam zetin, a inn lamah pin hi.

ROM Khua Khristian Tei Lakah Paul i Laikuat (Paul’s Letter to the Romans) 8:14

Pathian Hawvang i lampui mite cu Pathian i cate haw hi.

HEBRU 2:18

Amah loli in sualsohnak le haksatnak thuak zo a hih hangin atu-in, sualsoh a thuakmite bawm thei hi.

JAMES 1:14

Mahnaven mihingin sualsohnak a tawh ten ama tisa deihnakin leem cihin, lampialah hawhpih hi. Mi pa kha khatin ama deihnak bangin a ngamtat ten sualnak piangtik hi.