MATTHAI 3:5 - Ngawm Bible

⁵ Jerusalem pepan, Judea ngam khua hempoh pen hihen, Jordan ngunmawk hempoh pen hihen ama lakah mi tampi hung haw hi.

MATTHAI 3:5 Iomraidhean Croise

MATTHAI 2:1

Herod i Judea ngam kumpipa a deh laihtakin, mahlai ngam a, Bethlehem khua sungah Jesuh cu hing hi; a ngei ngawlin nisuahnak lam pen aksi zothiamte cu Jerusalem khuapi ah heng haw hi.

MATTHAI 4:25

Galilee le Dekhapolis ngam, Jerusalem le Judea ngam le Jordan ngun ngal khatlam pen mi tampi hungin amah cu zui haw hi.

MARKA 1:5

Johan i thuhilhmi ngai tukin Judah ngam le Jerusalem khua sung a, mi hempoh cu hung haw hi. A sualnak haw siklehin, Jordan Ngunah tuiphum haw hi.

LUKA 16:16

Moses Daan le profet tei laingat cu tuiphum Johan khan tian ca bek hi. Johan pepanin Pathian Uknak Thuthangpha cu phuanin um hi. Mahlai ah mi hempoh heh tin luh tum haw hi.

LUKA 3:3

Mah hangin Johan cu Jordan ngun elkim hempoh ah zin kawkawi in, “Na sualnak uh sikkikin, tuiphumnak na lak uh tale Pathian in, na sualnak uh ngaithiam tuk hi,” tin phuang pepel hi.

LUKA 3:7

Mi honpi cu tuiphum tukin Johan lakah a hun haw ten Johan in, “Noh ngul ngilote! A heng tukmi Pathian thinuknak pen luat thei tuk uh ci tin, akua in hilh him?

JOHAN 3:23

Johan vang Aenon tihmi, Salim pen a khawla ngawlnak munah tuiphumnak pia bok hi, itahim titale mahlai ah tui tampi na um hi. Mi tampi a lakah hung haw a, tuiphumnak pia hi.

JOHAN 5:35

Johan cu a vakmi mei inn bang hi a, a vaknak cu hun comno sung bek pahcawi uh ci.