MATTHAI 3:2 - Ngawm Bible

² “Vancung Uknak naizet zo toh hangin, na lungmu uh thek unna, na sualnak uh sik un,” ti hi.

MATTHAI 3:2 Iomraidhean Croise

1 KUMPI 8:47

na mihing tei thungetnak cu ngai zalin hi. Mah ngam pen sualsikin, na lakah thungenin, a sualdan haw le a phatngawl dante na lakah a phuang haw tale, maw Topa, hehpih a ngetnak haw cu ngai zalin hi.

JOB Laibu (The Book of Job) 39:12

Na cangcilnak pumah kikleh tuk hi tin um cim? Na pumah an khawmtik thei ni cim?

JOB Laibu (The Book of Job) 42:6

Mah hangin zakca in keimah le keimah ningdelhin, leivul le vut lakah khungin sikleh ing.

EZEKIEL 33:11

Phano in hilhin; Cungnungbel Topa keimah cu a nungmi Pathian ka hih bangin hilh ing hi; misual pa khat a thih muh cu ka lungdam zawng kha ma hi. Sualnak zamsanin, a nuntuk cu mu nuam saw ing. Maw Israel, thilpha ngawl na bawlmi cu cawl tohin hi. Ita thih tuk cu nuam li nge cim?

DANIEL 2:44

Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

MATTHAI 10:7

Hawh unna, ‘Vancung Uknak nai zo!’ tin hilh un.

MATTHAI 11:20

Jesuh i nalamdang tambel a bawlnak khua ten a sualnak haw a sih cuang haw ngawl hangin liat hi.

MATTHAI 12:41

Thukhennak Ni ten Nineveh khuate dingin mawhsiat haw tuk hi, itahim titale Jonah i thuhilhmi a zak haw ten sualsik haw hi. Thungai in hilh ing. Jonah sangin a ngeng saw hilai ah um hi.

MATTHAI 13:11

Jesuh in amu lakah, “Vancung ngam thukuh theih theihnak cu nangmu lakah piak hi zo naven mipi tei lakah piak hi kha ma hi.

MATTHAI 13:24

Jesuh in tehkipnak thu a dang hilh lehleu in: “Vancung Uknak cu hi bangin hi. Mi pa khatin, a lo sungah anci pha vawh hi.

MATTHAI 13:31

Jesuh in tehkipnak a dang pa khat hilh lehin: “Vancung Uknak cu hi bangin hi. Mi pa khatin ankam ci la in, a lo sungah vawh hi.

MATTHAI 13:33

Jesuh in tehkipnak pa khat amu lakah hilh lehleu in; “Vancung Uknak cu numei pa khatin naman neuno la in sangvut seu thum sung a, cawhhelmi tuah bangten hi. Mahmi naman neuno in cangho bawm khat cu a venghawng thotik khawng hi,” tin ti hi.

MATTHAI 13:47

“Vancung Uknak cu hi bangin hi, tuinim sungah vawkin ngasa namkim a awkmi suuk tuah bangve hi.

MATTHAI 13:52

Mahten Jesuh in, “Mah ahi tale Vancung Uknak sung a, Daan zilhtu hempoh cu a na koihnak inn sung pen thil thak le a lun kaisuah libektu inn neitu pa bang hi,” tin hilh hi.

MATTHAI 18:23

Itahim titale Vancung Uknak cu hi bangin hi. Vei khat cu kumpipa pa khat umin, a umlawh tei nadeh dante dongkan tukin ngaisung hi.

MATTHAI 20:1

Jesuh in, “Vancung Uknak cu hi bangin hi. Mi pa khat cu a sabit huan sungah nadektu zei tukin zingtungno in tul hi.

MATTHAI 22:2

“Vancung Uknak cu hi bangin hi. Kumpi pa khatin, a capa i zihuainak puai bawl hi.

MATTHAI 23:13

“Daan zilhtu le Farasi mite! noh ca in lauhuaizet hi. Noh mi ultung theite, vancung Uknak kongka cu mitei tum theih tuk ngawlin khakin nohte tale tum nuam sih ngawl; midang a tum nuam tei ca in, hon nuam ma uh ci.

MATTHAI 25:1

“Mah hun ten Vancung Uknak cu mohuaitu tangvalpa muak tukin mei inn tuah a hawhtu khanglai sawm khatte tuah bangten tuk hi.

MATTHAI 25:14

“Mah hun ten Vancung Uknak cu hitih bangin hituk hi. Mipa pa khat cu khualzintuk ngaisungin, a hawh laih ngawlin a umlawhte samin, a na cingtik hi.

MATTHAI 4:17

Jesuh in, “Na sualnak uh sik un, itahim titale Vancung Uknak nai zo hi,” tin thuhilh pan hi.

MATTHAI 4:23

Jesuh cu Galilee ngam a khua hempoh ah hawhin, pumkhawm inn hempoh ah thuzilh ngut hi. Vancung Uknak Thuthangpha hilh pepelin, natnak phunkim a thuakmite damtik pepel hi.

MATTHAI 5:10

Pathian deihnak bawl hangin bawlsiatnak a thuaktute cu thupha muicu ngahte haw hi. Itahim titale vancung ngam cu amuta hi.

MATTHAI 5:3

“Hawvang lamah thanem ung tih a theitute cu, thupha muicu ngahte haw hi. Itahim titale vancung Uknak cu amu sungah um hi.

MATTHAI 6:10

Na Uknak hengbel hen; Vanhum a, na deihnak a kim bangin, Leihumah kimtik bokin hi.

MATTHAI 6:33

Mah sangin Pathian Uknak le a dikcangnak zei masa saw unna, a dang hempoh cu piathuah tuk hi.

MARKA 1:15

“Hun pha heng zo hi,” ti in, “Pathian Uknak nai zo! Na sualnak uhte siklehin, lungdamnak Thuthangpha um un,” tin hilh hi.

MARKA 1:4

Tuiphum Johan cu phillawn pen tulto in, sualzahnak tukin, “Na sualnak uhte sikin, tui na phum uh tale Pathian in, na sual uhte ngaithiam tuk,” tin hilh hi.

MARKA 6:12

A nungzuitute cu hawh haw a, mipite cu sualsihnak thute hilh haw hi.

LUKA 1:16

Topa a Pathian haw i lakah Israel mi tampi a pui kikleh tuk hi.

LUKA 11:20

Beelzabul hu le thawm tuah dawi ngilo hawlvawk thei hi kha mang hi. Pathian hu le thawm tuah hawlvawk hi saw ing. Mah hangin Pathian Uknak cu nohtei lakah heng zo tih langtik hi.

LUKA 13:3

Mah kha moh ma! Ciang zetin hilh ing. Na sualnak uh sikin, na nundan uh na khel cuang ma uh tale amuh bangin thi khawng bok tuk uh ci.

LUKA 13:5

Mah kha moh ma! Ciang zetin hilh ing: na sualnak uh sikin, na umdan uh na khel uh ma tale amuhte bangin thi khawng leleng tuk uh ci,” tin ti hi.

LUKA 15:10

Mahti bang bokin sual sihkiknak a neimi misual pa khat humah Pathian i vancungmite a lungdamzet haw,” ti hi.

LUKA 15:7

Mahti bang bokin sual sihkik a kul ngawl mipha sawm kuah le kuah sangin sual sikkiktu misual pa khat humah vanhum pen lungdamnak tam saw tuk,” ti hi.

LUKA 16:30

Mihaupa in, ‘Ka pa Abraham aw, hi tih bekin tawk ma laih hi. Mi pa khat thihnak pen tho in amuh tei lakah a heng bang ahin, a nunsualnak kheel haw tuk hi,’ tin ti hi.

LUKA 21:31

Mahti bang bokin, a hum a, thu a kim ten Pathian Uknak cu nai zo hi tih na theita un hi.

LUKA 24:47

Mahten Jerusalem pepanin miphun hempoh lakah ama minin sual ngaihthiamnak thu le sihkiknak thu cu tangau in um tuk hi.

LUKA 6:20

Jesuh in, a nungzuitute a zoh cangcian ten, “Noh mizawngte aw mi muicu hi uh ci, Itahim titale Pathian uknak ngam cu nangmuta hi!

LUKA 9:2

Vancung Uknak thu hilh tuk le tina damtik tukin hawhtik hi.

NUNGZUITU 11:18

Mahmi a zak haw ten a sonsiatnak haw cu cawl haw a, Pathian thangphatin, “Pathian in Gentail mitei lakah vangin sualsikin le nung tukin hun pia bok hi,” tin ti haw hi.

NUNGZUITU 17:30

Mihing tei Pathian theih ngawl hun khi Pathian amah in amu ngawl bangin umsan thong hi; Mahnaven a atu-in, a nundan haw a pha ngawlmi khi nunghek san tukin mi hempoh thupia hi.

NUNGZUITU 2:38

Peter in, amuh tei lakah, “Na venghawng uhin, na sualnak uhte sik unna, Jesuh Khrih minin tuiphum un hi, mahten na sualnak uh ngaithiam hi tuk uh ci a, Pathian i laksawng Hawvang Thiangtho ngah tuk uh ci.

NUNGZUITU 20:21

Judah le Gentail mitei lakah hihen, a sualnak haw zamsanin, Pathian nelah kiklehin, a Topa uh Jesuh a up haw a kul hihim tin ka hilh i humah ngallinnak tuk vang celzet hilh ing.

NUNGZUITU 26:20

Amasabelin Damaskas khua ah, mahten Jerusalem khua ah, mah nungten Judah ngamsung hempoh le Gentail mitei lakah vang hawhin, na sualnak uhte sik unna, Pathian nelah kikleh un hi; mahten sual na sihlehnak uh khi na nunzia uhin langtik un, tin hilh pepel ing.

NUNGZUITU 3:19

Sikkik unna, Pathian nelah kikleh un hi. Mahti bang ahi tale na sualnak uh ngaidam tuk hi. Mahti bangin na ti uh tale,

2 KORIN 7:10

Pathian in thasiatnak cu thintheknakin mangin nunpatnakah hengtik hi. Mah hangin mah lungsiatnak hangin sihlehnak imah umma hi, mahnaven leihum lungsiatnak thong ahi tale thihnak hengtik hi.

KOLOSE 1:13

Amah in khuathimnak huham sung pen ohte pan suakin, a Capa i uknak sungah ohte tumpih zo hi;

2 TIMOTE 2:25

amah a dodaltu nun a hilh ten thinnemno in mi a hilh theitu hi saw hen. Mahtin a bawl tale amuhte thinthekin thutak a theih hawnak tukin Pathian in huncan pha a pia hei hi thei hi.

HEBRU 6:1

Mah hangin mailamah not tuk hung; Khristian thuthang a tawpatnak a, zilhdunnak cu zamsanin, piting hilhdunnakah hawh tuk toh hung. Nemcuamnak imah nei ngawlmi nadeh a zamsa zo uhmi cu a taw pepanleh tukma toh hung. Pathian a upnak uh vang a taw pen panleh tukma toh hung hi.

2 PETER 3:9

Topa cu a thutepmi kimtik tukin a zuancum hi, tin mi khenkhat ten a ngaisung haw hei in, a zuancum hi kha ma hi, nangmu humah thinsaunak a neih hang hi saw hi, itahim titale pa khatno hei siatnak tawk ngawlno in, mi hempoh a sualnak haw pen a kihleh theihnak haw tuk a deih hangin hi.

MANGMUHNAK 2:21

A sihkik lehnak tukin hun pia naveng a nunsualnak lampi pen kikleh nuam ma hi.

MANGMUHNAK 2:5

Na caksuknak a san zia hi ngaisungin! Na sualsik inna, masa a na bawlmi khi bawllehin, na sualnak na zamsan ma tale hung tung a, na meivaknak mundangah thawnsak tung hi.