MATTHAI 22:3 - Ngawm Bible

³ Mah mopuainakah tel tukin a sammi hempoh hilh tukin a umlawhte hah naven kuamah hung haw ma hi.

MATTHAI 22:3 Iomraidhean Croise

SAAM LABU 68:11

Topa in thukham pia in, numei tampi ten thuthang cu hawhpih haw;

ISAIAH 30:15

Topa Israel i Pathian thiangtho in mipi tei lakah, “Kikleh unna, mengdenin keimah muang un. Dapdenno in um hi na ngilnak uh le na himdam tuk uh ci,” ti hi. Mahnaven mahtih bangin um cu nuam ma uh ci.

JEREMIAH 25:4

Topa in, a sal profet a hah hei ten a thu haw ngai nuam ngawlin imah simsial kha ma uh ci.

JEREMIAH 35:15

Ka sal profet pa khat nung pa khat nangmu lakah hah leleng ing. Aman mi bawlin, thil sual bawlnak nundan zam tukin hilh li haw hi. Na pu le pate le nangmu lak a ka piakmi, hi ngamah na um leleng theihnak tukin, pathian dang tei nadek li tuk ngawlin le bia tuk ngawlin hilh li haw hi, ngallinnak vang pia haw hi. Mahnaven ka thuhilhmi cu ngai ngawlin, imah simsial ma uh ci.

HOSEA 11:2

Mahnaven ka capa tin ka sam dedeuh ten ka nel pen khua la dedeuhah pial hi. Ka miphunte cu Baal nelah biakpiaknakte pia in, milim nelah namtui haal haw hi.

HOSEA 11:7

Ka nel pen taitul tuk a tum leleng haw hangin, a hum hawah ngawngkol suan ing; a au li haw hei in, a dawntu tuk kuamah nei haw tukma hi.

ZEFANIAH 1:7

Topa i thukhennak ni cu nai zo hi. Mah hangin a mai ah daino in um un. Topa in, a miphunte cu biakpiaknakah piak tuk tumtahin, Judah ngam siatsuah tukin ngalte sawm hi.

MATTHAI 21:34

Sabit ngah thoih hun a hen ten a covo cian tukin a umlawhte cu huan zawngtu tei lakah hawhtik hi.

MATTHAI 23:37

“Jerusalem, Jerusalem! Na lakah Pathian in, a tiikmi profette thatin, suang tuah sep ci. Akpi i aknote a ha nuai ah a uap bangin na mite uap nuam li naveng nuam ma ci!

MATTHAI 3:2

“Vancung Uknak naizet zo toh hangin, na lungmu uh thek unna, na sualnak uh sik un,” ti hi.

MATTHAI 9:15

Jesuh in, “Mopuainak a sam mite cu mopa i um sungin, itin kaw thasia in, a um haw tuk? Thasia in um haw tukma hi! Mahnaven amuh tei lak pen mopa laknak hun hengleh tuk a, mah hun ten an cangleh haw tuk laih hi.

LUKA 13:34

“Jerusalem, Jerusalem aw! profet thatin, nangma lak a, Pathian hahmite khi suang tuah sep hum ci. Akpi in, a canote a ha nuai ah a uap bangin na mihingte vei tampi ka khut tuah hup nuam naveng phal awng ma ci.

LUKA 15:28

“A capa upa saw cu a thinuk leita in, innsung hei a tum nuam ngawl hangin a pa taitulin, inn sungah tum tukin leem hi.

LUKA 19:27

Atu-in, kumpi tukin a deih ngawltu ka ngalte cu hilai ah hunpih unna, ka mitmuhin that un,’ tin a kumpipa in ti hi,” tin Jesuh in hilh hi.

JOHAN 5:40

Mahnaven nunnak ngah tukin ka lakah hung nuamcuang ma uh ci.

NUNGZUITU 13:45

Mahmi cu Judah miten amuh haw ten iksik haw a, Paul i thuhilhmi cu elin zawnsak haw hi.

ROM Khua Khristian Tei Lakah Paul i Laikuat (Paul’s Letter to the Romans) 10:21

Mahnaven Israel tei thu ah: “Thungai ngawl le mi dodaltu Israel tei lakah sun nilui in ka khut zak ing,” tin ti hi.

HEBRU 12:25

Mah hangin nangmu lakah thu a hilhtu i thu el tuk ngawlin ngalling un. Pathian Thuthang lei humah a hilh haw mi a eltu hei khi luat haw ma hi. Vancung pen a hilhtu i thu a ngai uh ma tale itih zahin kaw a luat ngawl sesem tuk uh!

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

MANGMUHNAK 22:17

Hawvang Thiangtho le mothak ten, “Hungin hi,” ti haw hi. Hi thu a zatu hempoh ten, “Hungin hi,” ti haw hi. Adangdummi hempoh hung un, nunnak tui a duhtu hempohin man piak ngawlin in haw hen.

1 SAMUEL 9:13

An ei tukin mualhumah a hawh laihngawlin khuasung na tum bek uhten amah cu tawk tuk poh uh ci. Mualhumah amah a heng ma tale mipite an ei haw tukma hi; itahim titale biakpiaknak cu amah in thungen masa tuk a, mahceng ten mipi cu an ei haw tuk laih hi. Atu mamah hawh unna, tawk paih tuk poh uh ci, tin ti haw hi.”