MATTHAI 2:6 - Ngawm Bible

⁶ “Judah ngamsung a ummi nang Bethlehem, Judah ngamsung khuapi lak pen a neubel cu hi ma ci. Itahim titale nangma sung pen lamhuaitu pa khat piang tuk a, ka mihing Israel mite lamhuaitu tuk,” ti hi.

MATTHAI 2:6 Iomraidhean Croise

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

2 Samuel 5:2

Masa laih a, Saul a kumpi uh lai in, Israel mite cu ngaldonakah pui in Amah Pathian loli in, a mihingte puitu tukin le uktu tukin nangmah cu thutiam zo hi” tin ti haw hi.

1 KHANGSIALNAK 2:51

Shobal i capa pa nihnak Salma cu Bethlehem khuasattu hi, Salma i capa Haref cu Beth Gader khuasattu hi.

1 KHANGSIALNAK 5:2

Judah hinnam cu a ngilbel haw hi, a nam haw venghawng uktu vang amu hinnam sungmi na hi leleng hi; mahnaven upabel covo co theihnak cu Josef ta hi.)

EZRA 2:21

A nuailam khua a, um tei casuante a kikmi lakah tel haw hi. Bethlehem khua mi casuan za le sawm nih le pa thum. Netofah khua mi casuan sawm nga le pa luk. Anathoth khua mi casuan za le sawm nih le liat. Azmaveth khua mi casuan sawm li le pa nih. Kiriath Jearim, Khefirah le Beeroth khua mi casuan za salih le sawm li le pa thum. Ramath le Geba khua mi casuan za luk le sawm nih le pa khat. Mikmas khua mi casuan za le sawm nih le pa nih. Bethel le Ai khua mi casuan za nih le sawm nih le pa thum. Nebo khua mi casuan sawm nga le pa nih. Magbish khua mi casuan za le sawm nga le pa luk. Adang Elam khua mi casuan thawng khat le za nih le sawm nga le pa li. Harim khua mi casuan za thum le sawm nih. Lod, Hadid le Ono khua mi casuan za salih le sawm nih le pa nga. Jerikho khua mi casuan za thum le sawm li le pa nga. Senaah khua mi casuan thawng thum le za luk le sawm thum.

ISAIAH 40:11

Tuucing bangin a tuute cu cingkhawi tuk hi; tuuhonte cu hulawmin, a angsungah cawi tuk, a pi haw cu demhetno in hawhpih tuk hi.

MIKAH 5:2

Topa in, “Bethlehem Efrathat, nang cu Judah peng sung pen khua neubel pa khat hi navecin na sung pen Israel uktu suaktik tung hi. A pianpatnak cu tanglaih cawng pepan zo tin,” ti hi.

MIPUM SIALNAK 24:19

Israel cu nehtu hi leleng tuk hi. A suakca mitei lak pen a nungdawlbel tianin that tuk hi,” ti hi.

MATTHAI 2:1

Herod i Judea ngam kumpipa a deh laihtakin, mahlai ngam a, Bethlehem khua sungah Jesuh cu hing hi; a ngei ngawlin nisuahnak lam pen aksi zothiamte cu Jerusalem khuapi ah heng haw hi.

MATTHAI 28:18

Jesuh in amu lakah zuanin, “Lei le Van i thuneihnak hempoh cu ka lakah piak hi khawng zo hi.

JOHAN 21:16

Jesuh in, “Johan capa Simon, Keimah it cim?” tin a vei nihnak dong lehleu hi. Simon in, “Topa ka ihdan cu thei ci,” tin don hi. Jesuh in, “Ka tuute cingkhawi in,” ti hi.

JOHAN 7:42

Lai Thiangtho in, ‘Khrih cu David casuante hi tuk a, David khua Bethlehem ah hing tuk hi,’ tin ti si,” tin ti haw hi.

EFESA 1:22

Pathian in Khrih i ke nuai ah ihempoh koihin, thu hempoh ah pawlpi i lu in, Khrih cu koih hi.

KOLOSE 1:18

Pawlpi cu Khrih i taksa pumpi hi a, Khrih cu a lu hi. A pumpi i nunnak bulpi cu Khrih amah hi. Amah cu capa tawntil hi a, ihempoh i humah pa khatnak a hih lelengnak tukin thihnak pen thawhlehtik hi zo hi.

HEBRU 7:14

Amah cu Judah hinnam sung pen hinmi tih cu akua hempoh theihmi hi; mahten Moses in thiampi tei thu a son hei ten Judah hinnam tei thu telh awng ma hi.

MANGMUHNAK 11:15

Mahten a salihnak vancungmi in, a pengkul cu tum hi; van pen aw nging zetin hi bangin ti hi, “Leihumpi uk theihnak tuk huham cu ohtei Topa le Khrih i khut sungah um zo in kumkhua pen kumkhua tian aman uk tuk hi,” tin hilh haw hi.

MANGMUHNAK 7:17

Itahim titale kumpi khunnak laizang a ummi Tuuno cu amuhte cingtu na hi tuk a, nunnak piatu ciktui umnakah pui tuk hi. Mahten a hitui haw hempoh cu Pathian in huksak khawng tuk,” ti hi.