MATTHAI 2:4 - Ngawm Bible

⁴ Thiampi upate le Daan zilhtute samkhawmin, “Khrih cu ilai ah hing tuk kaw?” tin dong hi.

MATTHAI 2:4 Iomraidhean Croise

2 KHANGSIALNAK 34:13

Adang Levi mitei van puatu tel khawng haw in, nadeh dadang cingtu vang hi haw; adang Levi mite cu sungta, cazi le kongka cingtute haw hi.

2 KHANGSIALNAK 34:15

Hilkiah in, “Hi Biakinn sungah Daan laibu khul ing,” tin Shafan hilh hi. Hilkiah in mah laibu cu Shafan pia in,

2 KHANGSIALNAK 36:14

Mah hum pen Judah mi hotute, thiampi le mipite vangin, a elkim haw a um miphun tei sualnak ke ngiah zui in, uire haw hi. Topa amah hihimin, a thianthohtikmi Biakinn cu nawngkaitik khawng haw hi.

EZRA 10:5

Ezra in Shekaniah i hilh bangin bawl khawng tukin thiampi upate, Levi mite le, mipite cu tamsiatnak tuah thutiamtik hi.

EZRA 7:6

Ezra cu Daan thiamzet hi a, Topa Israel Pathian in, Moses lakah a piakmi Daan thute thei siksek hi. Ezra cu Topa in muicu a piak hangin a ngetmi hempoh kumpipa in pia hi.

SAAM LABU 2:2

Amuh tei kumpi ten ngal tho haw hi. Topa le sathau a thihmi kumpi cu do tukin, a kumpi le hotu ten suam tukin thu vaisiam haw hi.

JEREMIAH 8:8

Cip ung, na daante thei ung hi, tin itin kaw na tih theih uh? Zo hem un, ka daante cu laingantu, mi sehuai ten thek khawng zo haw hi.

MALAKHI 2:7

Thiampi tei nadeh cu Pathian thu manzetno in, a theih hawnak tukin zilh tuk hi. Mipi ten ka deihmi le ka tupmi a theihnak haw tukin zuan haw hen, itahim titale Ihempoh tithei Topa i palai na hi haw hi.

MATTHAI 13:52

Mahten Jesuh in, “Mah ahi tale Vancung Uknak sung a, Daan zilhtu hempoh cu a na koihnak inn sung pen thil thak le a lun kaisuah libektu inn neitu pa bang hi,” tin hilh hi.

MATTHAI 2:3

Herod in hi thu a zak ten a lungmu tam zetin, Jerusalem khua mite vang lungmu tamzet ten bok haw hi.

MATTHAI 2:5

Amuh ten, “Judah ngam Bethlehem ah tuk hi,” tin don haw. Profet tei ngatmi cu hi bangin hi.

MATTHAI 21:15

Nalamdang a bawl ten Biakinn sung a naupang ten, “David Capa cu thangphat un,” tin, a au lih haw cu thiampi upate le Daan zilhtu ten amuh haw ten thinukzet haw hi.

MATTHAI 21:23

Jesuh cu Biakinn sungah thu a zilh lih laih takin thiampi upate le hotute a lakah hung haw in, “Hih thilte hi akua i thu tuah bawl nge cim? Akua kaw thu a piatu?” tin dong haw hi.

MATTHAI 26:3

Mahten thiampi upate le upa dangte cu Thiampi Sang Kaiafas innah, tawkdun khawm haw a,

MATTHAI 26:47

Jesuh cu a otlih laihtakin, nungzuitu sawm le pa nih sungah a telbokmi Judah cu heng hi. Thiampi upate le Judah upa dang tei hahmi mihonpi cu ngalnam le tembeek tuah heng haw hi.

MATTHAI 27:1

Zingtungno in thiampi upa hempoh le Judah upa ten Jesuh cu thah tukin soncat haw hi.

MATTHAI 7:29

Amah in Daan zilhtute bang zilh ngawlin, thunei zetin zilh hi.

MARKA 8:31

Jesuh in, a nungzuitu tei lakah zilh panin, “Mihing Capa in thuaknak tampi tawk tuk hi. Upate, thiampi upa le Daan zilh thiamtu ten lawl haw tuk hi. That haw tuk a, ni thum nungten tholeh tuk,” ti hi.

LUKA 20:19

Daan zilhtu le thiampi upa ten a hum haw a, tehkipnak hi amuh otsanin, a hilhmi hi tih a theih haw hangin; mahlai mun loli pen mat tum haw naven mipite a lau sih bok haw hangin man paih ngam bok haw ma hi.

LUKA 23:10

Thiampi upate le Daan zilhtute cu mailamah tulin Jesuh khi nase zetin sual nawn haw hi.

JOHAN 18:3

Judah cu mahlai huanah Rom ngalkap hon khat le thiampi upate le Farasi mitei hahmi Biakinn cingtu palikte tuah hawh haw hi; hiamnam kengin, mei inn le meilah de in hawh haw hi.

JOHAN 3:10

Jesuh in, “Nang cu Israel mi lak pen zilhtu pa khat hi sisi, ahi hei thei zo ma cim?

JOHAN 7:32

Farasi ten mi honpi tei hi bangin thu a son kuh huhum lih a zak haw ten thiampi upate tuah Jesuh man tukin biakinn cingtu palik khenkhatte cial haw hi.

JOHAN 8:3

Daan zilhtu le Farasi ten numei pa khat cu pano dang tuah a sual lih haw laih takin a mat haw mi nu hunpihin, mi tampi mai ah dingtik haw hi.

NUNGZUITU 23:9

A au haw cu a nging dedeuh hangin Farasi Daan zilhtu khenkhatte cu dingto in, nase zetin au bok haw hi. “Hi pa i sualnak hi neuno hei mu ma ung. Hawvang ahimata vancungmi in, a lakah hilh ngangai hei hi kha thei hi,” tin ti haw hi.

NUNGZUITU 4:5

A zingten Judah hotute le Daan zilhtute cu Jerusalem ah tawkdun khawm haw hi.

NUNGZUITU 6:12

Mipi, upate le Daan zilhtu mite khi a thinuk tukvo in, so haw hi. Stefen cu manin khonsil upa tei mai ah hen haw hi.