MATTHAI 2:3 - Ngawm Bible

³ Herod in hi thu a zak ten a lungmu tam zetin, Jerusalem khua mite vang lungmu tamzet ten bok haw hi.

MATTHAI 2:3 Iomraidhean Croise

2 KUMPI 6:11

Mahmi cu Siria kumpi in, a zak ten a thinukzet hi. A ngalbawite cu samin, “Akua kaw Israel kumpi lamah a tangtu eimu lak pen a um?” tin dong hi.

MATTHAI 2:2

“Judah mitei kumpipa tukin a hingmi nauno ilai ah him? Nisuahnak lam pen ama aksi ka muh uh bangin amah a bia tukin hung ung,” tin ti haw hi.

MATTHAI 2:4

Thiampi upate le Daan zilhtute samkhawmin, “Khrih cu ilai ah hing tuk kaw?” tin dong hi.

MATTHAI 23:37

“Jerusalem, Jerusalem! Na lakah Pathian in, a tiikmi profette thatin, suang tuah sep ci. Akpi i aknote a ha nuai ah a uap bangin na mite uap nuam li naveng nuam ma ci!

MATTHAI 24:6

Lam naino le lam khawla pi ah hihen, ngaldonak thawmvang za tuk na ve uhcin lau pahsuh un. Mahti bang thil cu um tuk naven a tawpnak heng tihnak hi ma laih hi.

MATTHAI 8:29

Thakhat au haw in, “Pathian Capa, kohtei lakah i bawl tuk nge cim? A hunkim laih ngawlin keimuh bawlsia tukin maw na hun,” tin ti haw hi.

MARKA 13:7

Lam naino le ngam khawlapi ah ngaldo dunnak thawmvangte na theih uhten thinsu in lau pahsuh un. Mahti bangte cu heng tuk naven hunbonak tuk kha ma laih hi.

NUNGZUITU 4:2

Jesuh i nungzuitu pa nih ten Jesuh cu thihnak pen tholeh hi tin mipi a hilh haw mi in, mithi nungleh haw tuk hi tih khi a theihciangtik hangin thinuk haw hi.