MATTHAI 1:12 - Ngawm Bible

¹² Babilon saltannak pen Jesuh hin tian a pu le pate cu a nuailam bangin hi. Jeconiah i ca Shealtial, Shealtial i ca Zerubbabel,

MATTHAI 1:12 Iomraidhean Croise

2 KUMPI 24:14

Jerusalem khuasung mi, kumpi sung khat le hotute hempoh, a venghawng haw in thawng sawm, Babilon ah Nebuchadnezzar in sila in pui hi. Khutzung thiamte le pumsute tianin pui khawngin Judah ngamah mi ca-ngahbelte bek zam hi.

2 KUMPI 25:27

Evilmerodak cu Babilon ngam kumpi cangto in, a can kum loli in, Judah Kumpi Jehoiakhin cu hehpihin, thawng pen suah hi. A suah ni cu Jehoiakhin thawng a taknak kum sawm thum le kum salihnak, ha sawm le ha nih ha, ni sawm nih le ni salih ni hi.

1 KHANGSIALNAK 3:17

Babilon mitei thawng a khiak haw, kumpi Jehoiakhin i casuante: Jehoiakhin in capa salih nei in, Shealtiel,

EZRA 3:2

Jozadak i capa Joshua, a ngualcam thiampite le Shealtel i capa Zerubbabel le a innkuapih ten Pathian mihing Moses i piakmi Daan bangin halkang biakpiaknak a piak theih hawnak tukin le Israel Pathian biakpiaknak tukin biaklandawh bawlleh haw hi.

EZRA 5:2

A thuphuan haw mi cu Shealtiel i capa Zerubbabel le Jehozadak i capa Joshua ten a zak haw ten Jerusalem Biakinn sak cu panlehin, mah profet pa nih ten bawm haw hi.

NEHEMIAH 12:1

Babilon saltannak pen Shealtiel i capa Zerubbabel le Thiampi Sang Joshua tuah a kikmi thiampi le Levi mite cu a nuailamte haw hi. Seraiah, Jeremiah, Ezra, Amariah, Malluk, Hattush, Shekaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jedaiah, Sallu, Amok, Hilkiah le Jedaiah. Hite cu Joshua san a unau thiampi tei lak pen hotu hi haw hi. Lungdamnak la a sak haw ten a nuailam mite hi la puitu haw hi: Jeshua, Binnui, Kadmiel, Sherebiah, Judah le Matteniah.

JEREMIAH 22:24

Topa in, Judah kumpipa Jehoiakim i capa kumpi Jehoiakhin i lakah, “A nungmi Pathian ka hih bangin, ka taklam a, minkhetnak zungbut na hi hei in, duk tung a,

JEREMIAH 22:28

Kei in, “Kumpipa Jehoiakhin cu a kehmi beel, kuamah i deihleh ngawl tohmi beel bangin maw na can? Mah hangin aw amah le a cate cu a theih awng haw ngawlmi saltannak ngamah a pui thong haw?” tin ti ing.

JEREMIAH 22:30

“Hi pa hi a cate pha thong tukin ngaihsutsa hi. Ituk mahten a lawhting tuk ngawlmi hi. A casuan sung pen David ai-awhtu le Judah ngamuktu tuk kua mah um haw ma. Keimah, Topa in hilh zo toh ing,” ti hi.

HAGGAI 1:1

Darias in Persia kumpi a deh kum nihnak, ha luk ha, ni khat ni-in, Topa i thu cu profet Haggai nelah heng hi. A hengmi thu cu Judah ngamuktu bawi Sheatiel capa Zerubabel i ca le Thiampi Sang Jehozadak capa Joshua i ca hi.

HAGGAI 1:12

Zerubbabel, Joshua le Babilon saltannak pen a pinlehtu hempohin Topa Pathian i hilhmi cu dek haw hi. A thinsu haw in, Topa i palai profet Haggai i thu cu ngai haw hi.

HAGGAI 1:14

Topa in, mi hempoh cu Biakinn sa tukin a thin haw sotik hi. Judah ngamuktu bawi Zerubbabel, Thiampi Sang, Joshua le saltannak pen a pinlehtute tel khawng haw hi. Cungnungbel Topa Pathian i Biakinn cu saleh pan haw hi.

HAGGAI 2:2

Haggai cu Judah ngamuktu bawi Zerubbabel, Thiampi Sang Joshua le mipi nelah thuhilhtik hi.

HAGGAI 2:23

Mah ni ten ka nadektu Zerubbabel, nangmah cu ka mitei ngamuktu in bawl tung hi. Sathau ka thihmi pa hi ci.” Cungnungbel Topa in hilh hi.

MATTHAI 1:11

Josiah i ca Jeconiah le a unaupihte hi.

MATTHAI 1:13

Zerubbabel i ca Abiud, Abiud i ca Eliakim, Eliakim i ca Azor,

MATTHAI 1:17

Mah hangin Abraham khan pen David khan tian, khang sawm le khang li hi. David khan pen Babilon tei sal a tan haw tian khang sawm le khang li, Babilon tei sal a tan haw pepan Khrih i hin tian khang sawm le khang li hi.

LUKA 3:27

Joanan cu Rhesa capa hi. Rhesa cu Jerubabel capa hi. Jerubabel cu Shealtial capa hi. Shealtial cu Neri capa hi.